Filemon 1:24 - Basef Buꞌwami Godi

²⁴ Ea' amam manda' opeh malumai, Mak naloma Aristarkus, Demas, Luk, amam wapoti' manda'menago danifel ine'.

Filemon 1:24 Iomraidhean Croise

Aposel 12:12

Anan negawa amama ea', nafe' ipat Mariai, Jon Mak mama'wana nati esis Kristen sandakolas etifigin sape ipat anama atona sape sanda' beten.

Aposel 12:25

Barnabas naloma Sol manda' maol God nase'amanai hi'alana Jerusalem ea' motanima mafe' Antiok mao'wa Jon Mak nafe' nalomam.

Aposel 13:13

Pol naloma amam malomanai makwaha wambel Pafos ea' mefa' nefa'am mafe' anona wambel Perga nape anona etap hiagoma Pamfilia. Ea' aman anama Jon nakwaha amam notanima nafe' Jerusalem.

Aposel 19:29

Ea' epes hiesi sape taun anama sanda'am sa'i mehip endilisi. Ea' sohafel safe' anama sondowa'anima sa'i basefa. Sahondo' Gaius naloma Aristarkus Masedoniaimi mafi'i maloma Poli mafe' maloma esis.

Aposel 27:2

Ea' afa' walata anona sip nafi' Adramitiumi. Sip anama na'i nefe' anona wambel nape naoh amama etap hiagoma Esia. Afa' wafe' ea' anona aman Aristarkus Tesalonaikainai ma etap hiagoma Masedonia nafe' nalomafa.

2 Korin 8:23

Taitus ipe' pegawana. Afa' wandao'oma wanda' maol etin ma wagiambamepa. Alupumi biam mofo'o molomanai mofa' malogof esis sios hiesi mofo'o. Amam manda' maol Kraisi mafela agel ananinai.

Filipai 2:25

Ae' okom na'i esapa' Epafroditus nefe'mago ipe'. Anan owalome ae'anai. Anan afa' wandao'oma wanda' opeh Godi etin waitu la'ififa ma nimanimi si'i soldia. Fowa' ipe' pasapa'ana nafi'i nagiambame.

Filipai 4:3

Ea' dei' ahali' ine' aman alupinai endilisi nanda' opeh Godi andeande', a'ipinago nigiambamago nematawa awama biawa. Awau la'ela'ef wandao'oma walome wanda' opeh la'ifiwa wawalipasa basef bu'wami Godi. Ea' Klemen naloma enis epes ae'asi wanda' opeh atom Godi, esis wapoti' sanda' opeh salomafa. Agof asasimi mape nomona buk ambal namunainai agof epes sope andeande' la'ela'ef mailanai.

Kolosi 4:10

Aristarkus anan nanda' kalabus nalome, anan wapoti' na'iago nemaf bu'unai ma ipe'. Ea' Mak wapoti', Barnabas taganamana nanda'mepago nemaf bu'unai ma ipe' wapoti'. I'i netagama ipe', pe'wanago si'i ae' a'ipipago.

Kolosi 4:14

Luk anan dokta epen ape'inai ukup maimailanai, anan naloma Demas amam manda'ago nemaf bu'unai ma ipe'.

1 Pita 5:13

Esis amam nematawa Kristen sahin owan ipe'isi sape wambel Babiloni, God nasehe'as salomepa. Esis sasapa'ago danifela basef bu'wami mafe'mago ipe'. Nogalome ae'anai Mak wapoti' nandanifel ma ipe' ea' nasapa'ago basefa danifel ananinai ma ipe'.

3 Jon 1:8

Amama atom ape' migiambamama gwa'aimi maima monda' maola basef endilisimi Kraisi molomam.