Filemon 1:20 - Basef Buꞌwami Godi

²⁰ Ea' owalome alupinai, ae' ihali'ina ma agel Dembinai, ine' ninifela Onesimus si'i owalomena nembale'efa Kraisi. Afa' sahin owan wambale'efa Kraisi atofa. Ea' ine' nenda' opaf ae'anai notaga bo'ona nenda'e la'ifiwi endanifel.

Filemon 1:20 Iomraidhean Croise

1 Korin 16:18

Amam manda' opaf ae'anai nape bo'ona magiambame ataga la'ifiwi ea' magiambama ipe' wapoti'. Ea' andeande'ma ipe' pefela agof amam na'amaimi.

2 Korin 2:2

I'i enda' opalef ipe'imi nimanim, emi egafis sonda'e endanifel? Owa'etin. Ipe' etipa, ea' anda' ukup ipe'imi aom.

2 Korin 7:13

Waf anama ipe'inai nanda'afa wandanifel nanda'afa wataga la'ififa. Ea' ina afa' atofa wandanifel, owa'. Taitus wapoti' nandanifel endilisi. Dei' main, ipe' hipei panda' ambal ananinai napoma noma'w. Afa' wati amama atom, wandanifel endilisi.

Filipai 1:8

Ae' a'iam endilisi ma naep Godi. Anan nogawa dahowe Krais Jisasi nafela ae' ea' okom nohafel endilisi nainailipa ma iti ipe' hipei.

Filipai 4:1

Dei' ipe' alupipei ae'ipei, ae' okom nainailipa a'i itilipa ea' pape laogona ae'. Ofagema ma andanifel, andanifel ma ipe' etipa si'i agel lu'unai amamaga bu'wami anona nemaf efa'ami. Ipe' pitu la'ifipama Dembinai si'i basef ali' a'ipipami.

Filemon 1:12

Dei' ae' esapa'ana notanima nefe'mago ine'. Ea' okom ae'anai nofo'o nolomanago.

Filemon 1:7

Owalome ae'inai, ine' okom nainaila amam nematawa Godi ma nenda' opalef asasimi motaga la'ifim. Ea' ae' andanifamena endilisi ma waf anama ine' nanda'anai nanda' opaf ae'anai awanena endilisi.

Hibrui 13:17

Amam agufumi ipe'imi ma'i migiambamepa ea' mumafi ipe' la'ela'ef. Ama anona nemaf amam mowalapa basefa Goda maol hianai manda'ana mumafi ipe'. Amama atom dei' ipe' pila basef amamumi ea' pepe owina amam. I'i penda'am na'ama ma amam mondanifela monda' maol anama ma ukup amamumi ina aom mupan. I'i amam monda'ana moloma ukup awami, amama nambimb ina migiambamepa, owa'.

1 Jon 3:17

I'i emi egafis amamaga hiamisi ma siti sahin owan amamaga a'ani ma esis owa' ukup mimila sahin owan, epes isima ina ukup maimaila God, owa'. Dei' maina epes isima sa'i, “Ukup ape'imi maimaila God”? Owa', esis sambaso'am.

3 Jon 1:4

Ae' andanifel endilisi ma awasi saila basef endilisimi. Ea' ae' ina andanifel ma anom amamaga mikila' andanifela awasi ae'asi saila basef endilisimi, owa'.