Filemon 1:17 - Basef Buꞌwami Godi

¹⁷ I'i ine' okom nopoma ae', ni'i afa' wandao'oma endilisi wanda' opeh Kraisi, andeande'ma ine' nefa' Onesimus notanimago sondanifelamana si'i na'i nefa' ae'.

Filemon 1:17 Iomraidhean Croise

Matyu Nandaꞌafi 10:40

Emi egafis sese'epa opalefa sie'i ipe' ae'ipai, esis sase'e opalef ae' wapoti'. Ea' emi egafis sase'e opalefa ae', esis sase'ana opalef God nasapa'e afi'i.

Matyu Nandaꞌafi 18:5

Emi egafis sese' opalefa sigiambama enin so'uso'win si'i ini' ma ukup asasimi mopoma ae', esis sase'e opalef ae' wapoti' sagiambame.

Matyu Nandaꞌafi 25:40

Ea' ae' dembiwei king egwamasa basef i'i, ‘Ae' a'ipipa endilisi! Maim opeh bu'wami ipe' panda'ama pagiambama esis sahin owan ae'asi falafisi agof a'asi, amama ipe' ina panda'masam esis etis, owa'. Panda'meam ae' wapoti'.’

Aposel 16:15

Ea' kofa' baptais kwaloma esis sape ipat atona wapoti'. Akwa'w kofa' baptais, kwa'ipafa basef kwa'i, “I'i ipe' ukup mi'i ae' embale'efa Dembinai endilisi, ipe' fi'i pepe peloma ae' ipat ae'anai.” Ea' akwa'w la'ifikw kwao'wafa wafe' waila basef akwa'umi.

2 Korin 8:23

Taitus ipe' pegawana. Afa' wandao'oma wanda' maol etin ma wagiambamepa. Alupumi biam mofo'o molomanai mofa' malogof esis sios hiesi mofo'o. Amam manda' maol Kraisi mafela agel ananinai.

Efesus 3:6

Basef amama bu'wami Godi mape na'ama. Epes hiesi owa' Judaisi hi'alas fowa' sololama Godi saloma ipe' pataga etifipa paloma ape' Israel. Ea' ipe' hipei paloma ape' Juda mofa' amamaga bu'wami hiami God na'i endilisi nase'apami ma lagel Krais Jisasi.

Filipai 1:7

Ae' ahapila ipe' okom ae'anai, egawa God nigiambamepa dei' anona nemaf wapoti' na'ama etin. Amama andeande'. Dei' main, ape' manda'kolas etin manda' opeh ananimi. Nemaf anae' dei' ape kalabus o nimeguf hiami ali' awalapa basef amama bu'wami epes hiesi agiambamasa sogawa basef amama endilisimi atom, nimeguf amama hiami God nagiambamapa na'a.

1 Timoti 6:2

Ipe' agof a'epa panda' opeh na'a ma amam agufumi dembemi anom Kristen, ipe' ina ukup mope na'ama pi'i, “Anom Kristen sahopafa atom ea' hapaimi, osambala basef amamumi.” Owa'. Ipe' ukup mope na'ama pi'i, “Amom Kristen ea' afa' ukup mimilam, onda' maol amamunai andeande', ukila' maol wanda'ama amam agufumi owa' Kristeni.” Dei' main, ipe' agof a'epa pagiambama amam Kristen ipe' ukup maimailami. Timoti, basef amama ine' niwalipasam nefela ukup asasimi nenda'as sotaga la'ifis. La'ela'ef ine' niwalipa esis amam nematawa ma sonda' waf bu'unai, ea' nefelasa sonda'am.

Filemon 1:10

ae' ahali'ina ma nogalome ae'anai Onesimus. Ine' niti anan uwahipina. Nogota anama ape anda' kalabus, ae' a'ipana basef Godi. Ea' nembale'efa Krais nataga nogalome ae'anai.

Filemon 1:12

Dei' ae' esapa'ana notanima nefe'mago ine'. Ea' okom ae'anai nofo'o nolomanago.

Filemon 1:18

I'i anan nonda' anona waf aonai ma ine' o nonda'mena anona wiaf nopomena, ae' egwamonana.

Hibrui 3:1

Ipe' alupipei epes Godi, Anan nape ilif nofalipei, ipe' peme'. Ipe' okokoma Jisas, Anan aposel nape pris Dembinai ma waf naloma basef ofagema ape' ea' mombale'ef mawalipasami.

Hibrui 3:14

Ape' fowa' mali' mombale'efana, ea' dei' mombale'efana la'ifipa la'ela'ef, mefe' motagama moga'. I'i ape' monda'am na'ama la'ela'ef, ape' amam nematawa endilisi Kraisi, mape la'ifipa malomana.

Jems 2:5

Ipe' sahin owan ae'ipei, ipe' peme'! God nandandepa epes isima kwahusi ma otamba hiahaom maim ma dei' sape la'ifis sombale'efana la'ela'ef sape bo'wes andeande' si'i epes isima amamaga hiamisi. Anan nandandepasa sofa' amamaga bu'wami wambel Ananinai. Amamaga amama na'i basef endilisimi atom la'ifimi noso' emi egafis ukup maimaila Godi.

1 Pita 5:1

Ipe' agufipei pimafi esis Kristeni, ae' a'i efela ukup ipe'imi enda'epa petaga la'ifipa. Ae' wapoti' ae' agiliwei imafi esis Kristen. Fowa' aitu ati Krais nofa' nimanimi egawam. Ea' anona nemaf wapoti' itu elomepa ma miti nafifili lu'unai Ananinai notaga. Dei' a'ipipa basef la'ifimi na'ama a'i,

1 Jon 1:3

Amamaga amama afa' watolom wame'ami dei' wa'ipipam ipe' wapoti' ma pepe ukup etifim pelomafa. Afa' wape wambota atona waloma Ahalomafa naloma Nogalomana ananinai Jisas Krais.