Filemon 1:16 - Basef Buꞌwami Godi

¹⁶ Ea' dei' anan ina ata' nape owina enis epes agel a'anai, owa'. Anan nataga owalomena endilisi ma Krais dende'ma ukup mimilana endilisi. Ae' okom nailinailana. Ea' ine' nambimb okom ninilana endilisi, ni'i owalomena ine'inai ma agel Dembinai.

Filemon 1:16 Iomraidhean Croise

Matyu Nandaꞌafi 23:8

Ea' enis epes ina sofala ipe' si'i ipe' dembipei, owa'. Dei' main, ipe' tisa dembinai ipe'inai atotona ea' ipe' hipei pape si'i sahin owan wambota atotona.

Aposel 9:17

Ea' Ananaias nafe' nawis ipat anama nomon nasa lagofa Sol na'i, “Sahalome Sol, Dembinai Jisas natagamena eaf nogota anama ine' nafi'i na'ae. Dei' nasapa'e afi'mai ine' ma niti andeande' wapoti' ma Ambal Bu'unai Godi nope si'inama ine'.”

1 Korin 7:22

Dei' main, emi egafis agof a'as sanda' maol sape owina enis epes, dei' epes isima Dembinai nakwahomas waf aonai sepe wafifis ea' Ananisi etis. Ea' na'ama etina epes sape wafifis owa' seape owina enis epes, dei' Dembinai nofalas ea' sanda' maola Krais.

Kolosi 3:22

Ipe' agof a'epa pape owina enis epes panda' maolanasi, pila basef amama hiami agufumi. Ipe' ina penda' maola naep asasimi atom, owa'. Ipe' umbamehepa ma Dembinai, dei' opalef ipe'imi mope bo'oma maol anama penda'ana andeande'.

1 Timoti 6:2

Ipe' agof a'epa panda' opeh na'a ma amam agufumi dembemi anom Kristen, ipe' ina ukup mope na'ama pi'i, “Anom Kristen sahopafa atom ea' hapaimi, osambala basef amamumi.” Owa'. Ipe' ukup mope na'ama pi'i, “Amom Kristen ea' afa' ukup mimilam, onda' maol amamunai andeande', ukila' maol wanda'ama amam agufumi owa' Kristeni.” Dei' main, ipe' agof a'epa pagiambama amam Kristen ipe' ukup maimailami. Timoti, basef amama ine' niwalipasam nefela ukup asasimi nenda'as sotaga la'ifis. La'ela'ef ine' niwalipa esis amam nematawa ma sonda' waf bu'unai, ea' nefelasa sonda'am.

Hibrui 3:1

Ipe' alupipei epes Godi, Anan nape ilif nofalipei, ipe' peme'. Ipe' okokoma Jisas, Anan aposel nape pris Dembinai ma waf naloma basef ofagema ape' ea' mombale'ef mawalipasami.

1 Jon 5:1

Emi egafis sembale'efa Jisas anan Krais God nasapa'ana nafi'i, epes isima awasi Godi. Ea' emi egafis ukup maimaila ahalomas, esis ukup maimaila awasi ananisi wapoti'.