Efesus 1:3 - Basef Buꞌwami Godi

³ Ape' ata' minifela Ahalomapa God, ahalomana Dembinai ape'inai Jisas Krais! Ama Krais atona anan nase'apa amamaga hiami bu'wami atom mape otaga ilifi magiambamapa ukup maloma ambagof ape'imi ma fe' pe ki ape'inai mope andeande'.

Efesus 1:3 Iomraidhean Croise

Luk Nandaꞌafi 2:28

Ea' sanda'am etin, Simeon nandalombasana lagof ananimi nanifela God nafela agel ananinai lu'una na'iam na'ama na'i,

Jon Nandaꞌafi 14:20

Nemaf anama ipe' pegawa ae' ape Ahalome, ape nomona ipe', ipe' pape ae'.

Jon Nandaꞌafi 17:21

Ahalome, ae' anda' betena esis isima hiesi sope ukup etifim si'i ine' Ahalome nape naloma ae' ea' ape alomena. Ea' na'ama etin, anda' betena esis sope afa' biafa. Ama amam nematawa saila waf etapanai sombale'efa ine' etina nasapa'e afi'i.

Jon Nandaꞌafi 20:17

Ea' anan Jisas na'i, “Ina nihapila alop ae'anai, owa'. Dei' main? Ae' ina dei' etanima afe'ma Ahalome gani ilif, ata' owa'. Ine' nefe'ma owape ae'ami ni'ipam ni'i, Ae' etanima elata ilifa Ahalome ae'anai, Ahalomepa ipe'inai. Efe'ma God Dembinai ae'anai, God Dembinai ipe'inai.”

Basef Amama Pol Nandaꞌam Mafeꞌma Esis Romi 12:5

Ea' na'ama etin ape' amam nematawa hiapai mape la'ifipama paloma Jisas Krais, ape' si'i alop atotona. Ea' ape' hiapai atona etin si'i mandagigiambama etin maloma anona alop wa'awa'ana hianai.

Basef Amama Pol Nandaꞌam Mafeꞌma Esis Romi 15:6

Ama ipe' pepe opalef etifim ea' malogof etifim pefela agel Godi, anan Dembinai ape'inai Jisas Krais Ahalomana.

1 Korin 1:30

God nahapona ipe' pape la'ifipa paloma Krais Jisas ea' God nanda' Krais nape ofagonama gawa ape'inai. Anan atona eaf ape'inai ma God nanda'apa mope bu'upai ma naep ananimi ma mope ananipai atepa. Anan atona natalepa nakwahepa ma waf aonai ma mape wafifipa.

1 Korin 12:12

Alop ape' epesi etifina ea' wa'awa'ana hianai ea' alop anama hianai lu'una sa'ona nafe' nail alop si'ina atotona. Krais wapoti' na'ama etin.

2 Korin 1:3

Ape' mefela agel Godi lu'una, anan God Ahalomana Dembinai ape'inai Jisas Krais. Anan Ahalomapa ape'inai, ofagonama okom nainailapa nati ape' uwahipipa. Anan God nanda' opalef nimanimi ape' hiapai mape awanemi.

2 Korin 11:31

God, anan God Dembinai Jisasi Ahalomana wapoti', ape' mefela agel ananinai la'ela'ef! Anan nogawa basef amama do'ok ali' a'iami ina ambaso'am, owa'.

2 Korin 5:17

Emi egafis sope soloma Kraisi, God nanda' esis sataga dambais endilisi. Dei' peme' andeande'. Waf anama apinai asasinai hi'alana. Dei' saila waf dambainai.

2 Korin 5:21

Aman anama ina nanda' waf aonai ea' God nakolasa awami ape'imi hiami mafe'ma anan atona ea' ofagema ape'imi mapoma anan atona nofa'am. Anan nanda'am na'ama ma ape' mape la'ifipa maloma Jisas Krais mefa' waf ananinai bu'unai.

Galesia 3:9

Abraham nembale'efa God ea' God nofalo'mana na'ipana basef bu'wami Ananimi. Dei' God nofalo'ma emi egafis sembale'efa anan ni'ipasa basef bu'wami ananimi na'ama etin si'i fowa' na'ipa Abraham.

Efesus 1:17

Jisas Krais anan Dembinai ape'inai. Ae' anda' beten la'ela'ef nimeguf hiami ahali' God, Anan Dembinai Jisas Kraisi, Anan Ahalomapa ape'inai nafifili pepel napainai. Anda' beten ahali'ana ma nose'epa gawa bu'unai ukup ipe'imi pegawa basef Godi ofagema mandawalap alihima ipe'. Ama pegawa God andeande'.

Efesus 1:20

nanda'ama nafela Jisas nohafel nakwaha ga' ananinai. La'ifimi amama atom God nanda'ana nape wa'ol lagel ananinai da'isinai gani heven.

Efesus 2:6

God nafelapa mape namepa maloma Jisas Krais, mofa' agel lu'unai mape la'ifipa maloma anan, ea' ukup mapomana ilif heven.

Efesus 3:10

Fowa' ata' mandambaho', dei' na'i esis amam nematawa Godi sombale'efanai sihi'ambam amam dembemi agufumi maloma amamaga pepel hianai nape heveni mogawa gawa Godi. Gawa anama hianai ananinai naninani lu'una sa'ona hi'alana.

Efesus 6:12

Dei' main? Ape' ina manda' wandaf maloma epes, owa'. Ape' manda' wandaf mapa' maloma ambagof gambefah awami mape mali'i maloma amam agufumi awami maloma amam ensel awami maloma pepel hianai aonai mumafi epes sanda' waf aonai etap anae'. Ape' mapa' maloma ambagof awami hiami mape la'afena otaga naloma etap.

Filipai 2:11

mowalapa basef mi'iam na'ama mi'i, “Jisas Krais Anan Dembinai.” Monda'am na'ama mefela agel Ahalomana Godi nolata ilif endilisi.

Hibrui 8:5

Amam pris hiami manda' maol anama mondolalima God manda' maol ipat Ananinai fowa' sanda' lotuwanai nanda' ikwaf atona ma ipat endilisinai bu'unai nape heveni. Amama atom nemaf anama Moses na'i nola' ipat anama sowalo' selanai, God na'ipana na'i, “Ine' nindumafuma umbamehena andeande'ma nambimb nenda' amamaga hiami hi'ilam migi'mam mondahamam endilisi si'i ikwaf anama Ae' ihi'ambenana ea' halaf Sainai.”

Hibrui 9:23

Ipat anama naloma amamaga amama sondolali sanda' lotuma God, amama mondola'wifa amamaga amama endilisimi mape heveni. Mi'uli Godi na'i amamaga amama etapami motaga bo'om andeande'ma esimbel amama atom. Ea' amamaga amama endilisimi mape ilifi mikila' amama etapami. Amama atom dei' God na'i amamaga amama endilisimi mape ilifi motaga bo'om andeande' ma esimbel dambaimi mikila' esimbel fowa'imi.

1 Pita 1:3

Ape' mefela agel Godi, Anan God Ahalomana Jisas Krais Dembinai ape'inai. Anan okom lu'unai nainailapa nati uwahipipa endilisi. Ea' nafela Jisas Krais nohafel hi'agif, amama atom God nanda'apa mataga dambaipa ma mope namepa mogawa endilisi anona nemaf Anan nofa'apa motanimani.