Aposel 9:6 - Basef Buꞌwami Godi

⁶ Dei' ine' hafel nefe' niwis taun lu'unai. Nambimb anona aman nifi'mai ine' ni'ipina amamaga ine' nambimb neanda'ami.”

Aposel 9:6 Iomraidhean Croise

Matyu Nandaꞌafi 19:30

Ea' epes hiesi dei' sataga sali'i agof lu'womisi, anona nemaf owagama agof a'as sotaga sigi'. Ea' epes isima sataga sagi' owagama sofa' agof lu'wami sotaga sili'.”

Luk Nandaꞌafi 3:10

Anan na'iam ea', esis hiesi sahali'ana sa'i, “Ape' nambimb monda' main?”

Aposel 10:22

Ea' ma'ipana ma'i, “Kornilius anan kepten dembinai numafi soldia 100-peleim hiami, nasapa'afa wafi'i. Anan aman nanda' waf bu'unai nanda' lotuma Godi. Esis Juda hiesi sa'i, ‘Anan aman bu'unai.’ Anona ensel Godi na'ipana ma nofalena nefe' ipat ananinai, ma ata' nome' anom basef ine'imi.”

Aposel 10:32

Ea' ine' nesapa' anom amam mofe' Jopa mofalai Saimon agel wa'ana Pita. Aman anama nape naloma anona aman Saimon ipat ananinai, nandondomba agwafuh bulmakaumi. Anan nape felefele'ma naoh mafe' motambela.’

Aposel 10:6

Aman anama nape ipat Saimoni, anan nandondomba agwafuh bulmakaumi. Ipat ananinai notawa felefele'ma naoh mafe' motambela.”

Aposel 2:37

Esis same' basef amama, maha opalef asasimi endilisi. Ea' sa'ipa Pita naloma anom aposel sa'i, “Ipe' sahopapa, dei' ape' monda' maina mope andeande'?”

Aposel 22:10

Ea' ae' a'i, ‘Dembinai, dei' ae' atuwasi enda' main?’ Ea' Dembinai na'ipi na'i, ‘Ine' hafel nefe' niwis Damaskus ama atuwasi anona aman nofo'o ni'ipina maol hianai Godi na'i ine' neanda'menanai.’

Aposel 26:16

Ea' ine' hafel nitu. Ae' afi'mai ine' ma amamaga amama. Ae' a'i esahe'ena ma nihapila maol ae'anai, newalapa basefa amamaga ine' natoloma ae'i. Ea' amamaga amama owagama ae' ihi'ambenam.

Aposel 9:5

Ea' Sol nahali'ana na'i, “Dembinai, ine' emi egafina?” Ea' maf anama na'i, “Ae' Jisas ine' nahambombaga ae'.

Basef Amama Pol Nandaꞌam Mafeꞌma Esis Romi 10:20

Aisaia ina umbamahana ma na'iam nawalapam, owa'etin. Anan nawalapam na'iam alihim na'ama na'i, “Epes isima owa' seagalopa ae', dei' satolowe ea'. Epes isima owa' seahali' ae', dei' ataga andawalapa esis.”

Basef Amama Pol Nandaꞌam Mafeꞌma Esis Romi 10:3

Esis ukup mahamahasa waf God nanda'anai ma ni'i ape' epes bu'upai. Ea' sanda'am sawalapa waf bu'unai asasinai atona saila mi'uli anama God fowa' naso' Mosesanai. Ea' esis ina safe' owina Goda na'i ape' epes bu'upai, owa'. Ea' Krais nafi'i nataga ea'. Amama atom dei' ape' ina ata' mape owina mi'uli anama, owa'. Anan nafi'i nawalapa amam nematawa emi egafis sembale'efa basef Ananimi dei' God nofalas na'i esis amam nematawa bo'wes andeande'.

Basef Amama Pol Nandaꞌam Mafeꞌma Esis Romi 5:20

Ea' mi'uli anama God fowa' naso' Mosesanai natagama esis sogawa waf esis sanda'anai aona satopa' mi'uli anama. Ea' esis ina sakwaha waf anama aonai, owa'. Sanda'ana hianai endilisi. Ea' eaf God nandahomasanai nataga lu'una endilisi ma esis.

Basef Amama Pol Nandaꞌam Mafeꞌma Esis Romi 7:9

Fowa' gani mi'uli anama ata' owa', nogota anama ata' ape okom nase'e lolaiwi ma waf aonai. Anom nimeguf mafe'ma ea' basef ofagema ma mi'uli anama mafi'mai ae' ea' waf aonai nohafel nafe' ambal ae'anai ea' nahe aga'ma mi'uli anama. Do'ok li' God nanda' mi'uli ananinai ma nefela ambal namunai ea' ae' ine' efa' ambal namunai ma mi'uli anama, owa'. Mi'uli anama nahe aga' etin.

Filipai 2:12

Ea' ipe' alupipei ae'ipei, ae' okom nainailipa. Fowa' la'ela'ef ape alomepa ipe' paila basef ae'ami. Ea' dei' wapoti' penda'am na'ama etin. Dei' ape laogon, ipe' penda'am la'ela'ef pefe' endilisi pikila' fowa' panda'ami. God nanda' opeh bu'wami nakwahomepa waf aonai nofa'epa pitanimani. Amama atom dei' ipe' umbamehepa endilisi pembefa opeh Anan nanda'mepami.

Jems 4:6

Ea' God nagiambamapa na'a nanda'apa mataga la'ifipa. Waf anama Godi nikila' waf aonai si'i basef mail Baibeli ma'iami, “God nosambala epes isima sasambala basef Ananimi ea' nagiambama epes isima sanda' esis safe owina Anan.”