Aposel 9:40 - Basef Buꞌwami Godi

⁴⁰ Ea' Pita nagolo'ma esis amam nematawa sawisi ande', nindiwa nembawa notawa nanda' beten. Ea' namboma amaga ananinai nafe'ma alop nemata'wi na'i, “Tabita, ine' hafel.” Ea' akwa'w naep mati kwati Pita kohafel kwape.

Aposel 9:40 Iomraidhean Croise

Matyu Nandaꞌafi 6:6

Nogota anama ipe' pi'i penda' beten, piwis ifagw nomon pewalo utagw ea' penda' betena God Ahalomepa ipe'inai, anan nape anama nandambaho'ma. Anan nati amamaga mape sandambahi'i ma nambimb neagwamipei beten.

Matyu Nandaꞌafi 9:25

Ea' sehafel sawis ande', Jisas nikila'as nawis nomon nahapila lagel akwa'unai nafela'w kohafel ambo'okw wapoti'.

Mak Nandaꞌafi 9:25

Ea' Jisas nati amam nematawa hiesi safi'i saitu salipana felefele', na'ipa ambal anama aonai mehip na'i, “Ine' ambal aonai nasopama aligahi malogel awani inima, ine' nekwaha so'uso'win inima nefe'. Netanima niefi'mani owa'.”

Luk Nandaꞌafi 22:41

Ea' nakwaha amam nindiki'ah nafo'o felefele', nogota bandana si'i aman nakwaha anona otam nafe' nowama. Ea' nindiwa nembawa notawa nanda' beten na'i,

Luk Nandaꞌafi 8:54

Ea' Jisas nahapila lagel akwa'unai nofala'w na'i, “Sa'ukwi, ine' hafel.”

Aposel 20:36

Pol nanda' basef amama ma ea', nindiwa nembawa nanda' beten naloma agufumi amama.

Aposel 21:5

Nogota afa'inai hi'alana wambel anama, wa'i a' ofe'. Amam Kristen maloma awasi nematawa amamisi saitumafa wafe' wawis ande'ma taun anama. Ea' ape' mindiwa nembawa manda' beten naoh akata.

Aposel 28:8

Publius ahalomana awesina na'oh. Alop ananinai nifina ea' naka embel atom. Ea' Pol nafe' nasa lagel alop ananinai nataga bo'ona wapoti'.

Aposel 7:60

Ea' nindiwa nembawa notawa na'i mehip na'i, “Dembinai, ine' owa' negwamama waf anama aonai ma amam, owa'.” Stiven na'iam na'ama, ea' naga'.