Aposel 9:33 - Basef Buꞌwami Godi

³³ Ea' nati anona aman Inas. Alop bihiguf ananimi maga'ana, tol na'oh nala lehis nape nogota laona afagof 8-peleim.

Aposel 9:33 Iomraidhean Croise

Matyu Nandaꞌafi 4:24

Basef Jisasi mohafel mafe'agon etap hiagoma Siria ma nanda' awesisi hiesi sataga bo'wes. Ea' esis Siria wapoti' sofa'ai hiesi awesisi sofa'as safi'mai Jisas. Enis ambagof awami manda'as sahaga sagaol, enis ambagof awami mahas maofas nif, enis same' alop nimanimi lu'wami mahas, enis lagof bo'wagah monda'alasi esis sofa'as safi'mai Jisas nanda'as sataga bo'wes hi'alas.

Mak Nandaꞌafi 5:25

Ea' ano'w nemata'w kwape kwalomas, awes lu'unai nanda'akwi kwape gamba la'ela'ef afagof 12-peleim.

Mak Nandaꞌafi 9:21

Ea' Jisas nahali' ahalomana na'i, “Nogalomena ine'inai, awes anama nanda'an nape nimeguf ma'um?” Ea' anan na'ipana na'i, “Fowa' ata' awani nape la'ela'ef na'ama etin.

Luk Nandaꞌafi 13:16

Ea' nemata'w akwama kwataga wambota Abrahami, Satan nowa'akw la'ifikw kwape afagof 18-peleim. Ea' dei' nemaf anama mapoma noma'wanai ae' a'i etagaha mandof nowa'akwi ma kweape wafifi'w.”

Jon Nandaꞌafi 5:5

Anona aman nape awes lu'unai nanda'ana nape nalomas afagof hiami 38-peleim.

Jon Nandaꞌafi 9:1

Jisas nafe' eaf ea' nati anona aman naep mase'anai. Fowa' mama'wana kolana naep mase'ana nape na'ama etin la'ela'ef.

Jon Nandaꞌafi 9:21

Ea' afa' ina ogawa dei' anan nati, nati andeande' na'imama. Emi nanda' naep ananimi matiana, afa' ina ogawa. Anan dambena ea', afa' wa'i ipe' pihali' anan ni'ipipa.”

Aposel 14:8

Anona aman nape wambel anama Listra, bo'wagah ananimi maga' mailana. Fowa' anan ata' nape opaf mama'wanai bo'wagah ananimi maga' mailana nape na'ama. Aman anama ina naitu nafe' kwaukwawie', owa'.

Aposel 3:2

Ea' anona aman bo'wagah mondala'anai nape anama, mama'wana anani'wi fowa' kolana nape na'ama la'ela'ef. Nimeguf hiami la'ela'ef esis sanda'ana sofa'ana sahaponana nape ipat lu'unai Godi ande' felefele'ma uta sa'i bu'unai. Sanda'ana na'ama ma nondailasa moni gwa'aimi maima esis amam nematawa safe'ma lotu.

Aposel 9:32

Pita nafe' wambel anama hiagoma ea' nakini' nafe' taun anama Lida wapoti' nape naloma esis amam nematawa Godi sape wambel anama.

Aposel 9:34

Ea' Pita na'ipana na'i, “Inas, dei' Jisas Krais nanda'ena bo'wena wapoti'. Ine' hafel nendondomba lehis ine'imi andeande'.” Pita na'ipana ea' dei' etef nohafel.