Aposel 9:31 - Basef Buꞌwami Godi

³¹ Dei' esis amam nematawa Kristen sape etap anama hiagoma Judia naloma Galili naloma Samaria sape opalef awanem sape andeande' ea' esis Kristen sataga la'ifis. Esis sape owina Dembinai ea' Ambal Bu'unai Godi nanda'as sataga la'ifis opalef asasimi. Ea' esis Kristen sataga hias.

Aposel 9:31 Iomraidhean Croise

Aposel 12:24

Ea' basef Dembinai mataga la'ifim mafe' wambel hiagoma ma epes hiesi sombale'efana.

Aposel 16:5

Ea' dei' esis Kristen sombale'efa Jisasi sataga la'ifis endilisi ea' wambota esis Kristeni sataga sandanda nimeguf hiami sataga hias endilisi.

Aposel 2:47

La'ela'ef esis safela agel Godi lu'una, ea' opalef esis amam nematawa hiesi sape andi'i bo'oma esis Kristen nimeguf hiami. Ea' nimeguf la'ela'ef Dembinai nofa' enis amam nematawa sotanimani sape saloma epes hiesi isima sombale'efanai.

Aposel 20:32

Dei' anda'epa ukup mopoma God noloma basef ananimi. Basef amama ma'ipipa Anan okom nainailipa ma nagiambamepa etin. Amama la'ifima monda'epa petaga la'ifipa mose'epa amamaga bu'wami atom God nase'asam amam nematawa anan nanda'as bo'wes ea' Ananisi etis.

Aposel 5:11

Ea' esis Kristen hiesi saloma esis amam nematawa same' basefa amamaga amama, ea' umbamahas kwapete'!

Aposel 6:7

Ea' basef Godi mafe'agon hi'alogon. Amam nematawa hiesi sape Jerusalemi sataga alupusi Jisasi sataga hias endilisi. Ea' pris amama hiami wapoti' mombale'efa Jisas mailana.

Aposel 8:1

Ea' Sol okom atotona naloma amam maha Stiven naga'i. Nogota anama esis amam nematawa sandaiwa'ma esis Kristen sape Jerusalemi, sahas sase'asa nimanimi lu'wami. Ea' amama atom dei' esis sombale'efanai safa' safe' anama etap hiagoma Judia naloma Samaria. Ea' amam aposel atom ata' mapani la'ela'ef Jerusalem.

Basef Amama Pol Nandaꞌam Mafeꞌma Esis Romi 14:17

Waf anama sa' gwa'aimi embelanai, anama ina ofagena ma siowis wambota Godi numafias, owa'etin. Anama waf bu'unai naloma opalef awanemi maloma waf sandanifelamanai atona. Ambal Bu'unai Godi nase'apai waf anama.

Basef Amama Pol Nandaꞌam Mafeꞌma Esis Romi 14:19

Dei' ape' mila waf hianai nonda' ape' mope opalef etifim, ea' waf bu'unai hianai nonda' bale'ef sahin owani notaga la'ifina.

Basef Amama Pol Nandaꞌam Mafeꞌma Esis Romi 15:13

Ape' mogawa endilisi God nagiambamapa ma mope andeande'. God anan ofagonama amama. Dei' ae' a'i ipe' pembale'efana nonda' danifel lu'unai noloma opalef awanemi motaga si'ima ipe'. Ea' a'i pepel Ambal Bu'unai Ananinai nonda'epa pegawa endilisi God nigiambamepa ea' piti pepel Ananinai.

Basef Amama Pol Nandaꞌam Mafeꞌma Esis Romi 5:5

I'i ape' mogawa endilisi na'ama, bale'ef ape'inai ina anona nemaf hegililana, owa'. Dei' main, God nase'apa Ambal Bu'unai Ananinai ea' waf okom nainailapa nape lu'una opalef ape'imi.

1 Korin 14:12

Ipe' wapoti' na'ama etin. Ipe' ukup mohafel endilisi ma pefa' presen anama bu'unai Ambal Godi nasi'ipanai. Ea' ipe' penda' maol la'ifipa endilisi ma pefa' presen anama nagiambama eses Kristen sotaga la'ifis.

1 Korin 14:26

Ipe' alupipei, dei' basef amama akutaimi ae'ami mape na'ama. Nemaf anama pendowa'anima, presen anama hianai Ambal Bu'unai Godi nasi'ipanai napoma ipe' hipei na'ama. Enin epen nenda' anona awaf, enin epen ni'i anom basef Godi niwalipipa, enin epen God nase'ana anom basefa nowalapam, ea' enin epen negawa ma ni'i anona diga, ea' enin epen negawa ma nemboma basef ma diga anama. Ipe' penda' amamaga amama hiami ma pigiambama esis amam nematawa Godi sotaga la'ifis.

2 Korin 10:8

Dembinai nase'afa agof lu'wami afa' ma onda' maol anama ananinai, amama monda' bale'ef ipe'inai notaga la'ifina. Amama ina mohambombagepa, owa'. Ama ae' i'i efela agof afa'imi atoma maol anama Dembinai, nambimb ae' ina ambal aona ma amama, owa'.

2 Korin 12:19

Ipe' ina pi'i afa' wanda' basef amama hiami wali' wa'iami wa'ipipa waf afa'inai ina aona, ea' wanda' waf bu'unai atona, owa'. Afa' wape epes Kraisi wanda' basef amama ma naep Godi. Alupipei endilisi ae'ipei, afa' wanda' basef amama hi'alama monda' ipe' pembale'efa God petaga la'ifipa.

2 Korin 13:10

Dei' ape laogon anda'ago basef amama mafe'mepago ma main? Ae' anda'am na'ama ma nambimb efo'o epe elomepa ae' ina i'ipipa basef la'ifimi endilisi ma pepel Dembinai nasi'ianai, owa'. Pepel anama enin ina nase'eam ma nohambombaga ipe', owa'. Anama nonda bale'ef ipe'inai notaga la'ifina.

2 Korin 7:1

Ipe' alupipei afa'ipei endilisi, ape' mofa' basef amama Godi endilisimi la'ifimi. Ea' mokwaha amamaga amama awami mape nomona alop naloma ambagof ape'imi ea' mope bu'upai umbamahepama God mila waf bu'unai.

Efesus 4:12

Krais nase'apa presen anama bu'unai ma manda' ape' amam nematawa Godi mondondombam mope la'ifipama monda' maol bu'unai Ananinai. Ape' amam nematawa Godi si'i alop Kraisi. God nase'apa presen anama bu'unai ma ape' mefa'ana manda' hiesi amam nematawa Kraisi sataga la'ifisa sanda' maol Godi.

Efesus 4:16

Anan atona dembinai ma ape' Kristen hiapai. Ea' ape' Kristen hiapai si'i alop wa'awa'ana nape etifina la'ifipa mandagigiambanama etin si'i gigililimb mowa' nigis hiami lu'wami so'umi motaga la'ifimi. I'i alop wa'awa'ana hianai nonda' maol nondahama ikwaf Anan na'ianai, alop anama si'ina nape na'ama. Ape' amam nematawa Kraisi mandagigiambanama mape la'ifipa mikila' fowa' mape. Alop anama nataga la'ifina etina ukup maimailas sandagigiambanama.

Efesus 4:29

Basef awami ina motaga malogof ipe'imi, owa'. Pi'i basef bu'wami atom pi'ipasam mandahama fe' pe ki asasinai. Penda'am na'ama ma pigiambama epes isima some' basef ipe'imi.

Efesus 5:21

Ipe' pila okom Kraisi ea' pefe' owina esis alupusi ipe'isi.

Filipai 2:1

Ipe' pefa' pepel Kraisi? Ipe' pegawa Krais okom nainailipa nanda' opalef ipe'imi mape awanem? Ipe' pape ukup etifim paloma Ambal Bu'unai Godi? Ipe' ukup mapoma pagiambama ipe' atona etin? Endilisi, waf anama napomepa na'ama.

Kolosi 1:10

Wanda'am na'ama ma nambimb ipe' petaga la'ifipama fe' pe ipe'inai netaga bo'ona endilisi dende'ma waf Dembinai. Wanda'mepa betena Anan niti waf ipe' panda'anai nenda' okom ananinai bo'ona ipe' nondanifamepa. Ama penda' maol naninani hianai bu'unai hi'ilana pegewana andeande' pikila' fowa' pali' pagawana.

1 Tesalonaika 5:11

Dei' ipe' hipei penda opalef ipe'imi motaga la'ifima pendagigiambanama etin si'i dei' pape panda'am.

1 Timoti 1:4

Ni'ipasam mokwaha basef fowa'imi wafimi, basef mamumami hiami ma'i agof amama bafapas ehasas asasisi. Basef amama mamboma ukup amamumi mafela ukup amamumi ma'i basef mandahihianamam. Amam amama ina manda' maol Godi mataga la'ifima bale'ef, owa'. Maol anama Godi natagama bale'ef atona.

Hibrui 4:9

Amama atom dei' ape' mogawa waf anama mopoma noma'wanai ata' nape la'ela'efa ape' epes amam nematawa Godi. Waf anama si'i God napoma noma'w nemaf anama nafe'ma 7i.

Basef Ifimba Jut Nandaꞌafi 1:20

Ea' ipe' alupipei endilisi, la'ela'ef ipe' penda' opalef ipe'imi la'ifim pembale'efa God, Anan ofagonama bale'ef ipe'inai. Ea' la'ela'ef ipe' pihali' Ambal Bu'unai Godi ma nonda'epa la'ifipa numafipa ma beten ipe'inai.