Aposel 9:29 - Basef Buꞌwami Godi

²⁹ Na'ipasa basef Godi naloma amam Juda magawa diga Griki ea' na'i basef nalomam mandahihianama. Ea' amam mandaiwa'ma basef ananimi magolopa eafa mohana noga'.

Aposel 9:29 Iomraidhean Croise

Aposel 11:20

Ea' anom amam Saiprusimi maloma anom Sairinimi mafe' Antiok mawalapa basef amama ma esis Grik wapoti'. Amam mawalapa basef bu'wami ma dembinai Jisas Krais.

Aposel 17:17

Ea' nimeguf hiami anan nafe' ipat esis Juda sa'i basef sapeinai na'i basef hiami naloma esis Juda saloma enis isima sanda' lotuma Godi. Nalomas sa'i basef sandahihianamam nahagofa ukup asasimi. Ea' nimeguf hiami nafe' anama esis sandatama etifigin sapoma na'i basef hiami nalomas sa'i sandahihianamam saloma enis safi'i sapani.

Aposel 18:19

Esis safe' sataga Efesus, Pol nakwaha esis Prisila kwaloma Akwila wambel anama. Ea' anan atona nafe' nawis ipat esis Juda sa'i basef sapeinai naloma esis Juda sa'i basef nawalipasa basef Godi ma nefela ukup asasimi sombale'efa Jisas.

Aposel 19:8

Ea' Pol nafe' nawis ipat esis Juda sa'i basef sapeinai nawalapa basef bu'wami Godi. Anan nanda'am na'ama etin nape aomb wanemb. Ina umbamahana, owa'. Anan la'ifina na'ipas. Anan naloma esis sape sa'i basef etin, na'ipasa nefela ukup asasimi ma sogawa siowis nomon wambota Godi numafias la'ela'ef.

Aposel 22:18

Ea' ati Dembinai na'ipi na'i, ‘Ine' mehip nekwaha Jerusalem nefe'. I'i ine' newalapa basef Ae'ami na'ae, ina nambimb seme'ena, owa'.’

Aposel 6:1

Nogota anama esis alupusi saila Jisasi sataga hias endilisi. Ea' esis Juda hiesi enis sa'i diga Griki safitap saloma enis Juda sa'i diga Hibrui ea' sa'i, “Nimeguf hiami ipe' pagiambama esis amam nematawa isima gwa'aimi maim a'asi, ea' anowa nematawa alifiwai ape'iwai owa'.”

Aposel 9:27

Ea' Barnabas nao'wana mafe'ma amam aposel ea' na'ipama Sol nati Dembinai eaf ma Dembinai na'ipana basef anan. Ea' Barnabas na'ipam na'i anan la'ifina nawalapa basef na'ipasama agel Jisasi Damaskus, dei' anan ina ata' umbamahana, owa'.

Aposel 9:28

Ea' dei' sogawa anan wambota atona Jisasi nalomas nape la'afena esis. Anan la'ifina nanda' maol nafe' Jerusalem anama hiagoma nawalapa basefa agel Dembinai. Anan ina umbamahana, owa'.

2 Korin 11:26

La'ela'ef ae' afe' laogoma eaf lounai. Ae' a'i higilili ewala walembeh hiami afe'ma. Amam amama manda' waf aonai manda' wali mafe' eafi ma'i mohe. Esis esimbel etifim Judaisi sa'i sohambombage ea' epes isima owa' Judaisi wapoti' sa'i sehe. Enis epes sa'i sehe taun ea' anama etap wafiguma wapoti', naoh embel wapoti'. Ea' anom alupumi mambaso'ami wapoti' ma'i mohambombage.

Basef Ifimba Jut Nandaꞌafi 1:3

Alupipei endilisi, ae' okom nainailipa. Ae' ali' a'i enda' anom basef mil okwatip mefe'mago ipe' ma God nefa'apa motanimani. Anan nefa' ipe' peloma ae' wapoti'. Ea' owa. Dei' a'i ata' enda' anom basef i'ipipago efela ukup ipe'imi ma penda' maol la'ifipa pimafiago basef endilisimi Kraisi ape' mombale'efami. Ama pehagasa naumbih amama mahagofa basef amama Kraisi. Bale'ef anama God nase'apana ape' hiapai amam nematawa Ananipai nemaf anama atotona mape la'ela'ef.

Basef Ifimba Jut Nandaꞌafi 1:9

Ea' amam ensel mape ilifi, amam ina ma'i basef findiwaimi si'i amam amama, owa'. Ensel anama dembinai nape nali'i Maikel wapoti' ina nanda' basef findiwama enis epes na'ama, owa'. Fowa' anan na'i basef nandahihianamam naloma Satan, ma'i anona nemaf emi nofa' alop Mosesi. Ea' Maikel ina nagwamana basef Satan nanda'ana findiwana, owa'. Anan nagwamana basef na'ipana na'i, “Dembinai atona nogwamenam.”