Aposel 9:22 - Basef Buꞌwami Godi

²² Ea' pepel Soli nataga la'ifina nihi'amabas ma basef nawalipasami. Ea' esis Juda sape Damaskusi same' basefa anan. Esis ina la'ifisa sogwa anom basef si'ipanam, owa'. Anan la'ifina nihi'ambas endilisi na'i, “Jisas anan Krais, God nandandepana nasapa'ana nafi'i.”

Aposel 9:22 Iomraidhean Croise

Luk Nandaꞌafi 21:15

Dei' main, nemaf anama ae' atowe enda' basef mope malogof ipe'imi ese'epa gawa bu'unai ma epes isima ina la'ifisa seagwa basef amama ae' iesi'ipami, owa'.

Aposel 17:3

Anan nawalapa basef ofagema Godi na'ipasam na'i, “Krais God nasapa'ana nafi'i anan nofa' nimanimi lu'wami ma naga' notanima nohafel wapoti'.” Ea' anan na'i, “Jisas anama dei' ae' awalapa basefanai, anan Krais.”

Aposel 18:5

Sailas naloma Timoti makwaha etap hiagoma Masedonia mafi'i Pol napoma, nogota anama Pol nakwaha maol anama nagundisa sel ea' la'ela'ef nawalapa basef bu'wami Godi nimeguf hiami. Nawalapa basef la'ifimi esis Juda na'ama na'i, “Jisas anan Krais, God nandandepana nasapa'ana nafi'i.”

Aposel 28:23

Ea' amam mandandepa anona nemafa amam hiami mafi'i ipat Poli. Ea' mafi'i kuhimbita mape mape mataga wambomota, anan na'i basef ofagema nawalipam. Ea' nawalapa basef alihima epes siowis wambota Godi numafias. Anan nawalapa anom basefa mi'uli fowa' gani God naso' Mosesanai maloma basef Godi amam profet fowa' ma'iami. Ama basef amama anan na'ipama basef la'ifimi nafela ukup amamumi ma mombale'efa Jisas.

Aposel 9:20

Ea' dei' atef nafe' ifagw hiami esis Juda sa'i basef sapeimi nawalapa basef Jisasi na'i, “Jisas anan nogalomana Godi.”

Aposel 9:21

Epes hiesi same' basef ananimi ea' sohafel gegelalasis kwapete'as sa'i, “Aman anama nahambombaga amam nematawa sofala agel Jisasi wambel Jerusalem. Ea' dei' nafi'i na'ae ma nowa' esis nonda' kalabusimas nofa'as sefe'ma amam pris dambami. Ea' ma'una aman anama atona.”

Aposel 9:23

Nimeguf hiami mafe'ma ea', amam Juda ma'i basef mandame'mama moha Sol noga'.

Aposel 9:27

Ea' Barnabas nao'wana mafe'ma amam aposel ea' na'ipama Sol nati Dembinai eaf ma Dembinai na'ipana basef anan. Ea' Barnabas na'ipam na'i anan la'ifina nawalapa basef na'ipasama agel Jisasi Damaskus, dei' anan ina ata' umbamahana, owa'.

1 Korin 1:27

Ea' God okom ananinai atona nandandepa enis epesa sope Ananisi etis. Epes isima etapasi sa'i gawa a'asi, ea' God nandandepas ea' ma sonda' epes gawaisi ambagof aom. Ea' epes isima etapasi hiesi sa'i falafisi owa' la'ifisi, isima God nandandepas ea' ma sonda' epes isima dembesi la'ifisi ambagof aom.

Galesia 1:18

Afagof wanom mafe'ma ea', afe' Jerusalem ati Pita ape alomana wikifah biam.

Filipai 4:13

Krais nanda'e la'ifiwi nase'e pepel. Amama atom dei' la'ifiwi ma anda' amamaga hiami hi'alam.

1 Timoti 1:12

Dembinai ape'inai Krais Jisas nase'e pepel, okom napoma ae' bu'uwai anda' maol ananinai nanda'e anda' maol anama, ea' anifelona.