Aposel 9:2 - Basef Buꞌwami Godi

² Na'ipana ea' pris anama nanda' basefa pas mafe'ma agufumi hiami mumafi ifagw esis Juda sa'i basef sapeimi wambel Damaskus. Ea' nase'ana pasa basef amama Sol. Ma'iam na'ama ma'i, “I'i Sol niti enis amam nematawa saila eaf anama dambainai sape Damaskusi, nonda' kalabusimas nombale'as nefa'as sefe' Jerusalem.”

Aposel 9:2 Iomraidhean Croise

Matyu Nandaꞌafi 10:17

Ipe' pindumafuma andeande'ma anom amam. Anona nemaf sonda' kotimipa ma amam dambami Juda ea' sehepa nomon ifagw esis Juda sa'i basef sapeimi.

Jon Nandaꞌafi 14:6

Ea' Jisas na'ipana na'i, “Ae' atowe eaf ofagewe ma basef endilisimi moloma ambal namunai. Owa' enin epen la'ifina nefe' neatagama Ahalome anona eaf, owa'etin. Ea' ae' atowe.

Aposel 18:25

Fowa' enis sawalipana ma eaf Dembinai ea' dei' la'ifina endilisi ma na'ipas andeande' amamaga Jisas nanda'ami. Ea' anan nogawa basefa baptais Joni atom.

Aposel 19:23

Nogota anama enis epes sanda' naumbih saloma eaf bu'unai Dembinai sanda' aga lu'unai sindininifama sa'i mehip.

Aposel 19:9

Ea' enis sasopama opalef la'ifis endilisi, ina sombale'efa Jisas, owa'. Esis sa'i basef awami ma eaf Dembinai ma naep esis amam nematawai. Ea' dei' Pol nakwaha esis hiesi nao'wa esis Kristen etis safe' salomana. Ea' Pol nawalapa basef nimeguf hiami la'ela'ef ipat anama Tiranusi, anama sawalipasa basefa.

Aposel 24:14

Na'ama ae' a'i ewalapa basef amama atoma ine'. Eaf anama esis Juda etis sandaiwa'manai sa'i waf anama sawala wambotagwanai ina endilisinai. Waf anama endilisinai ae' ahapilana ailana. Ae' aila eaf anama anda' lotu ma God amam bafapapa ape' Juda hiapai manda' lotumanai. Ae' ahapila basef hiami mape mi'uli Godi naloma basef hiami amam profet fowa' manda'ami.

Aposel 24:22

Feliks nogawa andeande'ma bale'ef naloma waf sa'i eaf esis Kristeni. Ea' na'ipa esis Juda ma ata' sope sohafana. Anan na'i, “Ota' ma soldia dembinai Lisias nikini'i, ae' enandonama basef amama ipe'imi.”

Aposel 26:10

Ae' anda'am na'ama etina enis epes gani Jerusalem. Amam pris dambami mase'e pepel anda' kalabusima amam nematawa hiesi Godi. Nemaf anama amam pris dambami ma'i moha enis Kristen soga', ae' wapoti' a'i a'e.

Aposel 26:12

Efa' pepela amam pris dambami masapa'e afe' Damaskus.

Aposel 6:9

Ea' anom amam mohafel ma'i basef mandahihianama maloma Stiven. Amam amama fowa' manda' maol mape owina enis epes ea' dei' mape wafifim. Ea' sofalana amam wambel Sairini naloma Aleksandria anona etap hiagoma Silisia naloma etap hiagoma Esia.

Aposel 7:19

King anama nambaso'mas nase'asa maol ahifinai ma epes hiesi ape'isi. Anan nanda' waf aonai ma esis bafasapa ape'isi, anan la'ifina endilisi na'i esis sokwaha awasi asasisi sope ande' ma afis.

Aposel 9:14

Anan nofa' agel lu'unai ea' ma amam pris dambami ma nombalo' amam nematawa sanda' betena agel ine'inai wambel anae' ma nanda' kalabusimas.”

Aposel 9:21

Epes hiesi same' basef ananimi ea' sohafel gegelalasis kwapete'as sa'i, “Aman anama nahambombaga amam nematawa sofala agel Jisasi wambel Jerusalem. Ea' dei' nafi'i na'ae ma nowa' esis nonda' kalabusimas nofa'as sefe'ma amam pris dambami. Ea' ma'una aman anama atona.”

2 Korin 11:32

Fowa' wambel Damaskus, dembinai gavman nape owina dembinai king Aretas anan nanda' amam maitu mumafi uta endalelemb sawis taun Damaskusi. Anan na'i nombale'e.

Galesia 1:17

Ae' ina afe' wambel Jerusalem ati amam God nali' nandandepama manda' maol aposeli, owa'. Nemaf anama atona afe' etap hiagoma Arebia. Anom nimeguf mafe'ma ea' etanima afe' Damaskus.