Aposel 9:17 - Basef Buꞌwami Godi

¹⁷ Ea' Ananaias nafe' nawis ipat anama nomon nasa lagofa Sol na'i, “Sahalome Sol, Dembinai Jisas natagamena eaf nogota anama ine' nafi'i na'ae. Dei' nasapa'e afi'mai ine' ma niti andeande' wapoti' ma Ambal Bu'unai Godi nope si'inama ine'.”

Aposel 9:17 Iomraidhean Croise

Matyu Nandaꞌafi 19:13

Nemaf anama esis sao'wamanai enis awasi sofa'as safi'mai anan, sa'i anan nowamona lagof ananimi ma awasi isima ni'ipasa basef bu'wami ma God nefalo'mas. Ea' alupumi ananimi ma'ipa esis owa' sofa'as safi'mai anan.

Mak Nandaꞌafi 5:23

Ea' na'ipana mehip na'i, “Nogame ae'akwi felefele' kwa'i koga'. Ae' a'i ine' nefe' newamona lagel ine'inai akwa'w ambal notanimai nuwisa'w kohafel kopan.”

Mak Nandaꞌafi 6:5

Na'ama Anan ina nanda' anom amamaga la'ifimi wambel anama, owa'. Anan nasa lagofa enis awes nanda'asi atona etin nanda'as bo'wes.

Luk Nandaꞌafi 1:41

Elisabet kwame' Maria ata' kwanda'makwa gude etin, awani Elisabeti fete' etin nape opaf akwa'unai nomon. Ea' Ambal Bu'unai Godi si'inama akwa'w,

Luk Nandaꞌafi 1:67

Awani inima Jon ahalomana Sekaraia, Ambal Bu'unai Godi nape si'ina anan ea' nawalapa basef Godi si'i amam profet fowa' gani mawalipasam na'i,

Luk Nandaꞌafi 1:76

Ea' ine', awani ae'inai, basef ine'imi amama. Anona nemaf sofalena profet nanda' opeha God pepel hianainai. Dei' main, nambimb ine' nefe' nili'ma Dembinai nenda'mana eaf ananinai.

Luk Nandaꞌafi 15:30

Ea' sa'usa'uni anama ine'inai anan nase'awa amamaga hiami ine'imi ma awau nematawa gembaiwai. Ea' dei' notanimai, ine' okom napomana dei' nahamana bulmakau anama anan.’

Luk Nandaꞌafi 15:32

Ea' dei' afa' ondanifel, opalef afa'imi mope bo'om. Dei' main, owalomena anama ine'inai fowa' nafe' laogon si'i naga'i, ea' dei' nafi'i nataga ambal napaina wapoti'. Anan higilalana, ea' dei' afa' watolona wapoti'.’ ”

Luk Nandaꞌafi 2:11

Dei' nemaf anae' ano'w nemata'w kwape Betlehem wambel Deviti kola enin awani aman. Anan aman anama nokwahomepa waf aonai nofa'epa peatanimani. Anan Krais, God nandandepana nasapa'ana nafi'i, anan Dembinai.

Aposel 10:36

Ipe' pegawa basef amama God na'iam mafe'ma ape' epes hiesi Israeli. Anan nawalapa basef bu'wami Jisas Kraisi, Anan Dembinai ma amamaga hiami maloma epes hiesi nanda'apa mataga ukup etifim maloma God opalef mape awanem malomana.

Aposel 13:3

Ea' esis sakwaka gwa'aimi sanda' beten, sawamona lagofa amam biam sasapa'am mafe'.

Aposel 13:52

Esis alupusi sombale'efa Jisasi sandanifel endilisi ea' pepel Ambal Bu'unai Godi nape si'ina esis.

Aposel 19:6

Ea' Pol nawamona lagofa esis, Ambal Bu'unai Godi nafi'mai esis nafelas sa'i diga naninani sawalapa basef si'i amam profet ma'iami.

Aposel 2:4

Ea' Ambal Bu'unai Godi nape si'inama esis atona etin hi'alas, sa'i basef Godi ma diga naninani wambel hiagoma. Ambal Bu'unai Godi anama nanda'am mataga malogof asasimi.

Aposel 21:20

Amam mame'am ea', mafela agel Godi lu'una. Ea' ma'ipa Pol ma'i, “Sahalomafa, ine' negawa esis Juda tausen hiesi endilisi sombale'efa Jisas sataga Kristen. Ea' Kristen isima hiesi la'ifis endilisi ma saila mi'uli anama God fowa' naso' Mosesanai.

Aposel 26:15

Ea' ahali'ana a'i, ‘Dembinai ine' emi?’ Ea' Dembinai na'i, ‘Ae' Jisas, ine' nahambombage.

Aposel 4:31

Esis sanda' betena ea', same' ipat anama sapeinai nandakoto'. Ea' Ambal Bu'unai Godi si'inama esis hiesi sataga la'ifis ea' sawalapa basef Godi. Esis ina umbamahasa amam agufumi Judai, owa'.

Aposel 6:6

Ea' esis hiesi sanda' amam amama maitu felefele'ma naep amam aposeli mawamona lagofa amam manda'mam betena monda' maol anama.

Aposel 8:17

Ea' amam biam mawamona lagofa esis ea' sofa' Ambal Bu'unai Godi napais.

Aposel 9:18

Ea' amamaga mape masopama naep Soli si'i dunduf mafe' mehip makwaha naep Soli mowa. Ea' naep ananimi mati wapoti', nohafel nofa' baptais.

Basef Amama Pol Nandaꞌam Mafeꞌma Esis Romi 15:7

Ea' ipe' hipei ukup mimila esis sahin owan pese'asa opalef esis si'i Krais wapoti' nase'apa okom ape', ma epes hiesi sefela agel Godi lu'una.

1 Korin 15:47

Aman nali'i, God nanda' etap nanda'ana nataga ambal napaina. Ea' aman nagi' natagai, Anan aman ilifanai.

1 Korin 15:8

Ea', ae' agi' endilisi atolona wapoti', natagama ae' si'i awani mama'wan kolan awen.

1 Korin 9:1

Dei' ae' a'i ihali'ipa efela ukup ipe'imi. Ipe' pa'i ae' ape wafifiwi ape aposel ati Dembinai Jisas ea' o owa'? Ae' anda' anama atona dei' ipe' pataga Kristen, o owa'? Endilisi.

1 Timoti 4:14

Fowa' agufumi mumafi siosi mawamona lagofa ine'. Ambal Bu'unai Godi nafelam manda' betena ine' ea' anom amam ma'i basefa presen anama God nasi'inanai na'a. Dei' nenda' maol la'ifina nimafi presen anama andeande' God nali' nase'enana na'ai.

1 Timoti 5:22

Ine' owa' nefa'anai anona aman mehip nenda'ana nope agilinai ma esis Kristen, owa'. Nili' notolona andeande' nanda' waf bu'unai o nanda' waf aonai. Na'ama enis epes sitilina nigiambama anona nanda' waf aonai, si'i ine' wapoti' nanda' waf aonai anan nanda'anai. Ine' nindumafuma nepe andeande'.

2 Timoti 1:6

Fowa' ae' awamona lagofa balaga ine'inai ma God nase'ena presen bu'unai ananinai. Ea' dei' a'i efela okom ine'inai ma okom nopoma presen anama napoma ine' nimafiana notaga la'ifina si'i sufapula nif fandom lu'um.

Filemon 1:16

Ea' dei' anan ina ata' nape owina enis epes agel a'anai, owa'. Anan nataga owalomena endilisi ma Krais dende'ma ukup mimilana endilisi. Ae' okom nailinailana. Ea' ine' nambimb okom ninilana endilisi, ni'i owalomena ine'inai ma agel Dembinai.

2 Pita 3:15

Dembinai ata' nape nohafa ape' epes hiapai hi'alapa. Ea' dei' ipe' ukup mopoma basef amama anan nefa'apa motanimani. Amama si'i basef amama hiami sahalomapa Pol ape' ukup maimailanai nanda'am mafe'ma ipe'. Anan nanda' basef amama ma gawa bu'unai endilisi God naso'ananai.