Aposel 9:16 - Basef Buꞌwami Godi

¹⁶ Nambimb ae' ihi'ambana nimanimi lu'wami nefa'ami ma nowalapa agel ae'anai. Na'ama ine' dei' fo'o netolona.”

Aposel 9:16 Iomraidhean Croise

Matyu Nandaꞌafi 24:9

Amama motaga ma ea', esis sofa'epa ma sese'epa nimanimi, ea' sehepa pega'. Epes hiesi wambel hiagoma opalef aoma ipe' kwapete' endilisi. Esis sati ipe' paila basef Ae'ami na'ama dei' sahepa.

Matyu Nandaꞌafi 5:11

Ipe' emi egafipa paila ae' pape na'ama. Enis sandaiwa'ma paila ae' sonda' basef mamumami awami baso'maimi ma ipe'. Ea' sese'epa agof awami endilisi si'i ipe' epes aopei ma sase'epa nimanimi. Esis sonda'epa na'ama dei' ipe' pandanifel ea'.

Jon Nandaꞌafi 15:20

Ipe' ukup mopoma basef amama ae' a'ipipa emi andeande'. Basef amama ma'i Ae' Dembiwei ipe'iwei ma'i epen agel a'ani nanda' opeh etini, enin ina nape ilifa dembinai ananinai, owa'. Ae' sali' sanda'me waf aonai, ea' nambimb esis sonda'mepa waf aonai, sonda'epa awepa wapoti'. I'i esis sila basef ae'ami, nambimb esis siela basef ipe'imi wapoti'. Owa'etin.

Aposel 14:22

Ea' manda' esis Kristen sataga la'ifis. Amam ma'ipasa basef la'ifimi na'ama ma'i, “Ipe' pepe la'ifipa pembale'efa dembinai God. Ape' meme' mofa' nimanimi mamumami lu'wami ma muwis nomon wambota Godi numafiapa.”

Aposel 21:11

Anan nafi'mai afa' nofa' let Poli nowa' bo'wagah maloma lagof ananimi atom. Ea' na'iam na'ama na'i, “Spirit Ambal Godi na'i na'ama na'i, ‘Amam Juda mape Jerusalemi nambimb mowa' aman anama ofagenama let anama. Ea' mose'ana nefe'ma lagof anom amam mololama Godi.’ ”

Aposel 21:13

Ea' Pol nagwa basef na'i, “Dei' maina ipe' palef endilisi ma panda' okom ae'anai aona? Ae' ina andandombama enda' kalabus etin, owa'. Ae' andandombama eaga' wapoti' Jerusalema efela agel Dembinai Jisasi.”

Aposel 21:4

Ea' afa' wafe' wagolopa enis Kristen watilis ea' wape walomas wik si'ina. Ea' Ambal Godi nafela ukup esis Kristeni ma sa'ipa Pola ina nefe' Jerusalem, owa'.

Aposel 9:14

Anan nofa' agel lu'unai ea' ma amam pris dambami ma nombalo' amam nematawa sanda' betena agel ine'inai wambel anae' ma nanda' kalabusimas.”

Aposel 9:6

Dei' ine' hafel nefe' niwis taun lu'unai. Nambimb anona aman nifi'mai ine' ni'ipina amamaga ine' nambimb neanda'ami.”

2 Korin 6:4

Ea' la'ela'ef wihi'amba epes hiesi wanda' maol Godi. Dei' wihi'ambas na'ama. Waitu la'ififa endilisi ma nimanimi mamumami ma amamaga ma'i mohambombagafa.

1 Tesalonaika 3:3

Na'ama atuwasi enipa pendafa'ma amamaga amama nimanimi lu'wami, ea' pewa alafugaha God. Ipe' pegawa God atona nandandepapa ma mofa' amamaga amama nimanimi.

2 Timoti 1:12

Amama atom dei' efa' nimanimi amama. Ea' ae' ina ambal aona ma amama, owa'. Ae' egawa aman anama embale'efanai. Ae' egawana endilisi anan la'ifinai ma numafi amamaga hiami moloma epes hiesi ananisi ae' ase'anas lagof ananimi. Ea' amama mope bo'om andeande' mefe' motagama nemaf anama lu'unai notaga.

2 Timoti 3:11

Ine' negawa waf aonai hianai esis sanda'meana ae' ma nimanimi amama efa'am wambel anama wenifina Antiok naloma Aikoniam naloma Listra. Ine' negawa amamaga nimanimi sanda'meam efa'ami. Ea' Dembinai natagahowe ma amamaga amama nimanimi hiami sanda'meami.

1 Pita 4:14

I'i enis siti ipe' pitu la'ifipama Kraisa si'ipipa basef awami findiwaimi, andeande', ipe' pendanifel. Dei' main, nimanimi amama mihi'ambepa Ambal Bu'unai Godi nafifili dei' napaipa.

Revelesen 1:9

Ae' Jon sahalomepa ipe'iwei. Ae' alomepa, ape' hiapai Jisasi atepa mape la'ifipa malomana. Ae' alomepa mandao'oma mofa' nimanimi ma muwis wambota Godi numafiapa. Ape' mape la'ifipa maloma Jisas ea' ape alomepa mandao'oma ape' hiapai mape so'umbel mape maitu la'ifipa na'ama etina mofa' nimanimi. Ae' awalapa basef Godi maloma basef endilisimi ma opeh Jisas nanda'ami. Amama atom dei' esis sandaiwa'me sagalo'me afi'i ape ailan agiliguma sa'i Patmos.