Aposel 9:15 - Basef Buꞌwami Godi

¹⁵ Ea' Dembinai na'ipana nasapa'ana na'i, “Ine' fo'o. Aman anama nambimb nonda' maol Ae'anai. Ae' andandepana ea' ma nefe' ni'ipasa basefa agel ae'anai enis amam nematawa owa' Judaisi soloma amam dambami king asasimi moloma esis Israel wapoti'.

Aposel 9:15 Iomraidhean Croise

Matyu Nandaꞌafi 10:18

Amam mogawa ipe' panda' maol ae'anai ea' mondaiwa'mepa, ea' mofa'epa pefe' pitu naep kinga gavman dambami ma peawalapa basef ae'ami bu'wami ma amam moloma esis amam nematawa ina sogawa Godi pi'ipasam.

Jon Nandaꞌafi 15:16

Ipe' ina pali' pesaho' ae' ipe'iwei, owa'. Ae' ali' andandepepa ea' ae'ipei. Ea' anda'epa panda' opeh bu'wami. Ama pefe' penda' opeh bu'wami si'i lawah mola gwa'aimi ma opeh bu'wami ipe'imi mope andeande'. Penda'am na'ama ma i'i ipe' penda' beten pihali' Ahalome ma anom amamaga agel ae'anai, anan nose'epa.

Aposel 13:2

Esis Kristen sakwaha gwa'aimi sanda' lotuma God atona sape. Ea' Ambal Bu'unai Godi na'ipas na'i, “Ipe' pendandepa Barnabas naloma Sola maol anama ae' efalam andandepam meanda'anai.”

Aposel 21:19

Pol nanda'mam nemaf bu'unai ea' na'ipama amamaga hiami ma God nagiambamana nanda'am la'afena esis amam nematawa epes hiesi sololama Godi.

Aposel 22:14

Ea' na'i, ‘God bafapapa ape'imi anan nandandepena ma negawa okom Ananinai ma niti Aman bu'unai. Ama nenda' maol Godi ma neme' basef Ananimi mataga malogel Ananinai.

Aposel 22:21

Dembinai na'ipi na'i, ‘Ine' fo'o. Nambimb ae' esapa'ena nefe' eaf laogoma ma enis amam nematawa hiesi owa' Judaisi sogawa ae'i.’ ”

Aposel 25:22

Ea' Agripa na'ipa Festus na'i, “Ae' atowe a'i eme' basef ananimi.” Ea' Festus na'ipana na'i, “Naman ine' neme'ana.”

Aposel 26:1

Ea' Agripa na'ipa Pol na'i, “Dei' ine' negwa basef amama amam mambaso'mena.” Pol nafela lagel na'i basef ananimi na'i,

Aposel 26:32

Ea' Agripa na'ipa Festus na'i, “I'i aman anama ina nofala gavman dembinai Sisar ma nome'anama kot, ine' netagahana nofo'o wafifina.”

Aposel 27:24

na'ipi na'i, ‘Pol, ine' owa' umbamehena, owa'. Ine' nambimb nefe' nitu naep gavman dembinai Sisar. Ea' ine' neme', epes hiesi isima sape salomena sipi, isima God nambimb nigiambamas. Ea' ina atuwasi enin higililan, owa'.’

Aposel 28:17

Nimeguf wenif mafe'ma ea', Pol nofalai amam agufumi Judai mafi'i mandatama etifigin. Ea' na'ipam na'ama na'i, “Ipe' sahope, ae' ina anda' anom amamaga ahambombaga epes ape'isi ma esambala waf amam bafapapa ape'imi, owa'. Ea' amam dambami Judai manda' kalabusima ae' Jerusalem ea' manda'e afi'i lagof amam Romi.

Aposel 28:28

Ea' Pol na'ipam basef akutaimi na'i, “Dei' ae' a'i ipe' pegawa basefa God nofa'apa nokwahomapa waf aonai motanima mufi'mai anan. Amama anan nasapa'am mafe'ma esis amam nematawa sololama Godi. Esis isima nambimb sila basef amama, ea' ipe' owa'.”

Basef Amama Pol Nandaꞌam Mafeꞌma Esis Romi 1:1

Ae' Pol ape owina Krais Jisas anda' maola anan atona. God nofale ma enda' maol aposel ea' nosahe'e ma ewalapa basef bu'wami ananimi.

Basef Amama Pol Nandaꞌam Mafeꞌma Esis Romi 1:5

Lagof Jisasi atom God nagiambame nanda'e la'ifiwi anda' maol aposela afela agel Jisas Kraisi lu'una. Anan nanda'am na'ama ma anona nemaf amam nematawa hiesi sembale'efana sila basef ananimi.

Basef Amama Pol Nandaꞌam Mafeꞌma Esis Romi 11:13

Dei' ese'epa anom basef ipe' etipa owa' Judaipei. God nasapa'e afe'ma anda' maola esis owa' Judaisi si'i ipe'. Ea' andanifela maol anama bu'unai dei' anda'anai.

1 Korin 15:10

Ea' God atona okom nainaili nigiabame na'a nanda'e ape andeande'. Ea' dei' ae' ape. Anan nigiambame na'a, ae' anda' maol ape. Nanda'e la'ifiwi anda' maol Ananinai ikila' anom aposel. Ea' ina ae' atowe anda' maol, owa'. God nagiambame na'a, amama atom dei' ape anda' maol anama la'ela'ef.

1 Korin 9:16

Ea' ae' ina efela agel ae'anai atona awalapa basef bu'wami Godi, owa'. Ae' owa' anona eafa esopama malogela i'ipasam, owa'. Okom ae'anai nahafel endilisi ma a'i i'ipasam etin. I'i ae' owa' ewalapa basef amama bu'wami, na'ama God nese'e nimanimi lu'wami.

Galesia 1:1

Ae' Pol aposel Jisas Kraisi anda' basef amama. Ina anona aman nandandepe ma enda' maol aposel, owa'. Ahalomapa God nafela Jisas Krais nohafel hi'agif amam atom mosahe'e ma ape aposel awalipasa basef Godi.

Efesus 3:1

Krais nakolasa epes hiesi wambotagw biam esis Juda saloma esis ina Juda sataga etifis. Amama atom dei' ae' Pol, Krais Jisas nanda'e anda' kalabusa agiambama ipe' epes fowa' pelolama Godi.

1 Timoti 2:7

Ea' dei' God nanda'e ape aposela ewalapa basef bu'wami Ananimi. Ae' a'i endilisi, ina ambaso'am. Anan nanda'e ape dembiwei tisa ma enis epes hiesi sololama Godi ma sombale'efa basef amama endilisimi.

2 Timoti 1:11

Anan nali' nandandepe anda' maol anama awalapa basef bu'wami Godi ma epes hiesi. Ae' aposel God nasapa'e awalapa basef Ananimi, ae' tisa dembiwei anda' maol Jisasi.

2 Timoti 2:4

Aman anama nape si'i soldia, ina nahapila maol naninani, owa'. Nanda' maol anama soldiai bu'unai atona ni'i dembinai soldia ananinai okom ninila maol ananinai.

Revelesen 17:14

Anona nemaf mopa' moloma sipsip noganai. Ea' sipsip noganai nikila'am. Epes saila fala ananinai naloma basef ananimi andeande', isima nandandepas ananisi etis, epes isima anona nemaf la'ifisa solomana sigikila' wandaf anama.”