Aposel 9:13 - Basef Buꞌwami Godi

¹³ Ea' Ananaias nagwamana basef na'i, “Dembinai, ae' ame' basef hiami ma epen anama, waf aonai hianai anan nanda'ana esis amam nematawa ine'isi gani Jerusalem.

Aposel 9:13 Iomraidhean Croise

Matyu Nandaꞌafi 10:16

Ea' Jisas na'ipam wapoti' na'i, “Ipe' peme', ae' esapa'epa pefe' si'i sipsip pefe' la'afena nombagw wandafumi aolupumi. Na'ama ipe' ukup mondanda' andeande' pefe' pila gawa si'i iguf mafe'. Ea' pila waf bu'unai si'i anona amil ma'unai, ipe' ina ukup mope aoma penda' waf aonai, owa'.

Aposel 22:4

Fowa' ae' anda' maol ahambombaga epes saila eaf anama sombale'efa Dembinaianai. Na'ama aha esis amam nematawa wapoti', a'i ehas soga'. Ea' ewa'as sen efa'as afe' ipat sanda' kalabusanai.

Aposel 8:3

Ea' Sol nafela maol nanda'ana naha esis Kristen. Anan nafe' nawis ifagw hiami atona etin nofa'ai amam nematawa hiesi sembale'efa Kraisi. Ea' nahonde'as nofa'as nafe' nanda'as sanda' kalabus.

Aposel 9:1

Fowa' basef amama ata' owa' motagae, nogota anama Sol nanda'am na'ama. Anan na'i basef la'ifimi endilisi ma naha esis alupusi saila Dembinai nohas soga'. Ea' nafe'ma pris dembinai nape nali'ma pris hiami.

Aposel 9:21

Epes hiesi same' basef ananimi ea' sohafel gegelalasis kwapete'as sa'i, “Aman anama nahambombaga amam nematawa sofala agel Jisasi wambel Jerusalem. Ea' dei' nafi'i na'ae ma nowa' esis nonda' kalabusimas nofa'as sefe'ma amam pris dambami. Ea' ma'una aman anama atona.”

Aposel 9:32

Pita nafe' wambel anama hiagoma ea' nakini' nafe' taun anama Lida wapoti' nape naloma esis amam nematawa Godi sape wambel anama.

Aposel 9:41

Ea' Pita nahapila lagel akwa'unai nafela'w kwaitu. Ea' nofalai esis amam nematawa sombale'efa Godi saloma nematawa awama alifiwai, naso' akwa'w kotanima kwafe'ma esis.

Basef Amama Pol Nandaꞌam Mafeꞌma Esis Romi 1:7

Ipe' epes Romipei, God okom nainailipa nofalepa pape amam nematawa Ananipei etipa. Ae' anda' basef amama mafi'mipei. Ae' a'i God Ahalomapa ape'inai noloma Dembinai ape'inai Jisas Krais migiambamepa monda'epa la'ifipa opalef ipe'imi mope awanem.

Basef Amama Pol Nandaꞌam Mafeꞌma Esis Romi 15:31

Ipe' penda' betena Anan nigiambama ae' notagahowe ma lagof enis epes sape etap hiagoma Judiai owa' sombale'efa Kraisi. Ea' ipe' penda' betena God nonda' epes Ananisi sape Jerusalemi sondanifel ma maol anama agiambamas asa'as otamba amama.

Basef Amama Pol Nandaꞌam Mafeꞌma Esis Romi 16:15

Ipe' pi'ipasago nemaf bu'unai neloma danifel ae'anai ma Filologus noloma Julia, ea' Nereus noloma heniti'mana anani'wi, ea' Olimpas, soloma esis amam nematawa hiesi Godi sape saloma esisi.

Basef Amama Pol Nandaꞌam Mafeꞌma Esis Romi 16:2

Fibi kwape la'ifikwa Dembinai. Ea' ipe' peso' opalefa akwa'w si'i waf bu'unai ape' amam nematawa Godi manda'anai. I'i akwa'w okom nimanina ma anom amamaga, ipe' pigiambama'w. Dei' main, akwa'w kwagiambama ae' wapoti'.

1 Korin 14:33

Dei' main, God ina ofagenama sa'i basef mamumami, owa'. Anan nanda' waf bu'unai opalef etifim mape awanem. Wambel hiagoma esis amam nematawa Godi sondowa'anima sape,

1 Korin 16:1

Dei' ae' anom basefa otamba ipe' pa'i pekolasoma peso' esis amam nematawa Godi. Ae' ali' ihi'ambas eaf sonda' maol anama ma esis Kristen Galesiaisi sandakolas deindei' ea' dei' a'i ipe' penda'am na'ama etin.

1 Korin 6:5

Ae' anda' basef amama ma monda' ambagof ipe'imi aom. Dei' main? Gawaimi ipe'imi hiami mape la'afena ipe' amam la'ifima mowaloga anom basef motaga la'afena sahin owan bias ipe'isi.

Efesus 1:1

Ae' Pol okom Godi atona nandandepe ataga aposel Jisas Kraisi ma anda' maol ananinai awalapa basef ananimi. Ae' anda' basef amama mafe'mago ipe' epes Godi pape Efesusi, ipe' pembale'efa Krais Jisas andeande' pape la'ifipa palomana.

Filipai 1:1

Ae' Pol aloma Timoti afa' biafa Krais Jisasi atofa wanda' opeh ananimi. Wanda' basef amama mafe'mago ipe' amam nematawa Godi pape Filipai. Basef amama mafe'ma ipe' pape la'ifipa paloma Jisas paloma agufumi ipe'imi maloma amam magiambamam wapoti'.

Filipai 4:22

Ea' amam nematawa hiesi Godi sandanifel sanda' nemaf bu'unai ma ipe'. Esis isima sanda' opeh ipat Sisar gavman dembinai esis Romi, esis wapoti' sandanifel ma sanda'mepago nemaf bu'unai ipe'.

Kolosi 1:2

Ea' anda'mepago basef amama mafe'mago ipe' amam nematawa Godi pape wambel Kolosi, ipe' alupipei pape la'ifipa paloma Jisas Krais. Afa' biafa wa'i God ahalomapa ape'inai nigiambamepa na'a nonda'epa pataga la'ifipa ea' nonda' opalef ipe'imi mope awanem.

Hibrui 13:24

Ipe' penda'mago nemaf bu'unai afa'inai ma amam agufumi hiami ipe'imi molomago esis amam nematawa Godi hiesi. Esis Kristen alupusi sape Itali sanda'mepago nemaf bu'unai ipe'.

Basef Ifimba Jut Nandaꞌafi 1:3

Alupipei endilisi, ae' okom nainailipa. Ae' ali' a'i enda' anom basef mil okwatip mefe'mago ipe' ma God nefa'apa motanimani. Anan nefa' ipe' peloma ae' wapoti'. Ea' owa. Dei' a'i ata' enda' anom basef i'ipipago efela ukup ipe'imi ma penda' maol la'ifipa pimafiago basef endilisimi Kraisi ape' mombale'efami. Ama pehagasa naumbih amama mahagofa basef amama Kraisi. Bale'ef anama God nase'apana ape' hiapai amam nematawa Ananipai nemaf anama atotona mape la'ela'ef.