Aposel 8:9 - Basef Buꞌwami Godi

⁹ Ea' anona aman nape wambel anama agilinama Saimon. Aman anama fowa' nanda' ambagofi nape la'ela'ef nafi'i nataga dei' nemaf anama. Ea' nanda' ukup esis amam nematawa Samariaisi ukup matamea mafe'. Anan Saimon na'iam na'i, “Ae' aman dembiwei.”

Aposel 8:9 Iomraidhean Croise

Jon Nandaꞌafi 7:18

Emi egafis sie'ipasa gawa ananinai atona, esis sa'i enis epes seafela agof asasimi lu'um. Ea' emi egafis sonda' maola sefela agel anan nasapa'as safi'i, esis epes bu'wasi, sa'i basef endilisimi atom. Basef baso'maimi ina mapomas, owa'.

Aposel 13:6

Amam mafe' mataga wambel hiagoma nape ailan anama Saiprusi, ea' mafe' mataga wambel Pafos nape di'inai. Ea' mati anona aman anan Judainai. Anan nanda' ambagof nanda' amamaga mamumami baso'maimi. Anan profet nambaso'ma esis hiesi, agilinama Barjisas.

Aposel 13:8

Ea' aman anama agel ananinai diga Griki sa'i Elimas, nanda' ambagofi nasambala basef amam biam ma'iami. Na'i nomboma okom gavman anama dembinai ma ina nambimb nembale'efa basef Godi.

Aposel 5:36

Ipe' pegawa nogota anama fowa', anona aman Teudas nohafel na'i, ‘Ae' aman dembiwei, agiliwei.’ Ea' amam hiami felefele' ma 400-peleim mafe' mailana. Ea' enis epes sahana naga' ea' amam mombale'efanai mafa' mafe' atona etin. Ea' maol amamunai nowala.

Aposel 8:11

Ea' esis la'ifisa saila basef ananimi. Dei' main, nimeguf hiami anan nanda' waf naninani hianai la'ifinai nanda' ambagof nahapila mu'uhup. Ea' satolom ukup matamea mafe'.

2 Tesalonaika 2:4

Anan noham amamaga amama hiami epes sanda' lotumami sailam si'i Godi ea' nowa' alafuga ma amamaga amama. Ea' nefela agel ananinai atona lu'una, nonda' amamaga amama hiami mofe' owina anan. Ea' nuwis nupe ipat lu'unai Godi nowalapa basef na'ama na'i, “Ae' atowe Dembiwei God.”

2 Timoti 3:2

Nimeguf amama epes ukup mopoma esis etis, ea' ukup mimila otamba atom, sefela agof asasimi atom, sototopa' basef, sonda' epes findiwasa God. Ea' sosambala basef mamasasi ahapas asasisi. Esis ina sinifela Goda waf bu'unai, owa'. Sosambala waf bu'unai.

2 Timoti 3:5

Epes isima saila waf Godi alop atona asasinai ande' atogon, ea' ukup asasimi nomon sandaiwa'ma God sowa' alafugaha pepel ananinai. Ine' nihi'ama epes isima.

2 Pita 2:18

Amam amama matotopa' basef Godi ma'i ma'oh etina basef falafumi awami amamumi. Amam ma'ipa enis epesa waf ukup mohafemanai ma so'a waola waf naninani aonai alopunai. Amam manda' waf anama ea' mambomefa enis epes ata' dei'aol sataga sa'i sokwaha waf aonai epes isima sololama Godi sanda'anai ea' mambomefas saila amam.

Revelesen 22:15

Epes sanda' waf aonai si'i bogof nombagw manda'anai soloma epes isima sanda' mu'uhupi, epes isima sanda' waf aonai so'a waolanai soloma epes saha enis saga'i soloma epes isima sanda' lotuma god baso'mainai soloma epes isima hiesi ukup maila waf baso'omunai maimailana, epes isima anona nemaf sope ande'ma wambel anama Godi.”