Aposel 8:5 - Basef Buꞌwami Godi

⁵ Ea' Filip nowala nafe' anona wambel etap hiagoma Samaria nawalipasa basef bu'wami na'i Jisas anan Krais, God nandandepana nasapa'ana nafi'i.

Aposel 8:5 Iomraidhean Croise

Aposel 1:8

Ea' basef ipe'imi amama. Nambimb Ambal Bu'unai Godi nifi'mai ipe', nemaf anama pefa' pepel Ananinai, pewalapa basef Ae'ami Jerusalem ea' ganima etap hiagoma Judia ea' ganima etap hiagoma Samaria, ea' pefe' anama etap wambel hiagoma hi'ilagon.”

Aposel 21:8

Ama wafilu wakwaha Tolemes wafe' wataga Sisaria wakwaha sip ea' wafe' ipat anona aman Filip nawalipasa basef Godi wape walomana. Anan anona ma amam amama 7-peleimi fowa' mandandepam Jerusalemi ma magiambama amam aposel.

Aposel 5:42

Amam ina makwaha maol anama mawalipasa basef bu'wami ma Jisas Anan Krais, God nandandepana nasapa'ana nafi'i, owa'. Nimeguf hiami amam mawalipa esis amam nematawa hiesi ipat lu'unai Godi, ifagw asasimi wapoti'.

Aposel 6:5

Amam nematawa hiesi ukup ma'i basef amama. Ea' sandandepa Stiven, anan nembale'efa Jisasi ma Ambal Bu'unai Godi napaina nape si'inamana. Ea' sandandepa Filip naloma Prokorus maloma Nikanor naloma Timon naloma Parmenas naloma Nikolas. Aman anama Nikolas Antiokinai, fowa' nafi'i naila waf esis Judai.

Aposel 8:1

Ea' Sol okom atotona naloma amam maha Stiven naga'i. Nogota anama esis amam nematawa sandaiwa'ma esis Kristen sape Jerusalemi, sahas sase'asa nimanimi lu'wami. Ea' amama atom dei' esis sombale'efanai safa' safe' anama etap hiagoma Judia naloma Samaria. Ea' amam aposel atom ata' mapani la'ela'ef Jerusalem.

Aposel 8:26

Ea' anona ensel Dembinai na'ipa Filip na'i, “Ine' nefe' lambihilifinama kwa'waha Jerusalem nikini'i Gasa. Eaf anama fowa' esis safe'anai. Dei' owa'. Eaf anama nape anama wafiguma fatauguma epes a'agoma.”

Aposel 8:30

Ea' Filip nasagih nafe' felefele'ma karis anama, ea' name' aman anama natalifa basef amama Aisaia nanda'ami. Ea' Filip nahali'ana na'i, “Ine' negawa basef amama ofagema dei' natalifam nafi'i?”

Aposel 8:40

Ea' Filip nafe' nataga Asdot. Anan nafe' taun anama hiagoma ganigani nawalapa basef bu'wami Godi. Nafe' nafe', notanima nafe' nataga taun Sisaria.

Aposel 8:6

Amam nematawa hiesi same' basefa anan ea' sati ikwaf la'ifinai hianai naninani anan nanda'anai ea' seme'am andeande'ma basef ananimi.

Aposel 9:20

Ea' dei' atef nafe' ifagw hiami esis Juda sa'i basef sapeimi nawalapa basef Jisasi na'i, “Jisas anan nogalomana Godi.”

1 Korin 1:23

Ea' afa' wawalapa basefa Krais naga' lawag usi'inai tu'wanainai. Basef amama mahopa eaf esis Juda sandaiwa'mam sa'i basef awami. Ea' esis Grik ukup ma'i basef amama wafimi gawa a'ami.

1 Korin 2:2

Dei' main, okom ae'anai na'i na'ama. Nemaf anama ae' ape alomepa ina ata' okom napoma anom basef, owa'. Okom nase'e ma anom amamaga. Ae' okom napoma Jisas Krais atona, Anan naga' lawag usi'inai tu'wanainai.

1 Korin 3:11

Ipe' pegawa God nanda' Jisas Krais nape nali' si'i olaf notawa nali'i. Amama atom ina ata' enin epen la'ifina newa anona olaf wapoti', owa'etin.