Aposel 8:4 - Basef Buꞌwami Godi

⁴ Esis Kristen safa' safe' wambel hiagoma sawalapa basef bu'wami Godi sa'ipasam.

Aposel 8:4 Iomraidhean Croise

Matyu Nandaꞌafi 10:23

I'i esis sape anona taun sonda' waf aonaima ipe', pefa' pefe' anona wambel. Ae' a'ipipa endilisi, ae' ataga epen endillisiwei. Ipe' ina pefe' pembefa maol ae'anai wambel anama Israeli hiagoma, ata' owa', ipe' piti ae' iefi'i.

Luk Nandaꞌafi 1:2

Fowa' dambadamba Jisas nafela opeh nanda'am ea' amam dambadamba mali' mati amamaga amama naep amamumi dei' mawalipafa basef amama ea' afa' wanda'am mail buk.

Aposel 11:19

Fowa' amam maha Stiven naga'i manda' nimanimi lu'wami matagama esis Kristen amam nematawa mahas. Ea' esis sembale'efanai safa' safe' ganigani ea' sataga anona wambel Antiok safe' anona etap hiagoma biefigin Saiprus naloma Fonisia sawalapa basef Godi ma esis Juda etis.

Aposel 15:35

Ea' Barnabas naloma Pol ata' mapani Antiok maloma anom amam hiami wapoti' mawalapa basef bu'wami Dembinai mawalipasam.

Aposel 8:1

Ea' Sol okom atotona naloma amam maha Stiven naga'i. Nogota anama esis amam nematawa sandaiwa'ma esis Kristen sape Jerusalemi, sahas sase'asa nimanimi lu'wami. Ea' amama atom dei' esis sombale'efanai safa' safe' anama etap hiagoma Judia naloma Samaria. Ea' amam aposel atom ata' mapani la'ela'ef Jerusalem.

Aposel 8:12

Ea' Filip nawalipasa basef bu'wami esis hiesi. Nawalipasa agel Jisas Kraisi ma siowis wambota Godi numafias. Ea' sombale'efa basef amama sofa' baptais. Esis amam nematawa wapoti'.

1 Tesalonaika 2:2

Fowa' wali' wafe' wambel anama Filipai ea' sanda'afa aofa alop afa'inai, wame' nimanimi endilisi. Ipe' pegawa. Ea' God afa'inai nanda' opalef afa'imi la'ifim. Ea' afa' ina umbamahafa wandafa'ma esis naumbih, owa'. Afa' la'ififa wafo'o wawalapa basef bu'wami Godi ma ipe'.