Aposel 8:35 - Basef Buꞌwami Godi

³⁵ Ea' Filip na'i basef nawalapama aman anama. Nahafel na'ipama basef amama tu'wanim Godi aman anama na'iami mafe' mafe' ea' nawalapai basef bu'wami Jisasi.

Aposel 8:35 Iomraidhean Croise

Matyu Nandaꞌafi 5:2

Ea' anan nafela basef amama laumi nawalipamom.

Luk Nandaꞌafi 24:27

Ea' nali' nasefela basef hiami Baibelimi amam profet maloma Moses manda'ami nawalipamam. Na'ipam basef amama hiami ma'i anan nawalipamam ofagema hi'alam.

Aposel 10:34

Ea' Pita na'iam na'i, “Endilisi, dei' ae' egawa okom Godi anan ina okom na'i wambota epes hiesi Judai etis, owa'.

Aposel 11:20

Ea' anom amam Saiprusimi maloma anom Sairinimi mafe' Antiok mawalapa basef amama ma esis Grik wapoti'. Amam mawalapa basef bu'wami ma dembinai Jisas Krais.

Aposel 17:18

Anom amam tisa mogawa gawaimi anom Epikurian maloma anom Stoik ma'i basef mandahihianamam maloma Pol ma'i, “Aman anama okom nahaga nagaoli na'i basef mamumami, anan na'i ni'i main?” Pol nawalapa basef bu'wami Jisasi na'ipasa Jisas nohafel hi'agif. Ea' anom amam ma'i, “Anan na'i nowalapa basefa anom god dambami anona wambili?”

Aposel 18:28

Anan la'ifina endilisi ma nagwa basef esis Judai ma naep esis amam nematawai. Anan la'ifina nalomas nandahihianama natalogofas nikila'as. Ama nihi'ambamasa basef alihima buk Baibela Jisas Anan Krais God nasapa'ana nafi'i.

Aposel 19:13

Ea' anom Juda mafe' ganigani manda' bisnisa maol anama matofa ambagof awami. Mati maol Pol nanda'anai ma'i motofa ambagof awami ma waf anama. Ma'iam na'ama atona etin ma'i, “Agel Jisas anama Pol nawalapa basefanai, afa' wa'ipipa mehip endilisi ma pekwaha epes isima piwisi ande'.”

Aposel 28:23

Ea' amam mandandepa anona nemafa amam hiami mafi'i ipat Poli. Ea' mafi'i kuhimbita mape mape mataga wambomota, anan na'i basef ofagema nawalipam. Ea' nawalapa basef alihima epes siowis wambota Godi numafias. Anan nawalapa anom basefa mi'uli fowa' gani God naso' Mosesanai maloma basef Godi amam profet fowa' ma'iami. Ama basef amama anan na'ipama basef la'ifimi nafela ukup amamumi ma mombale'efa Jisas.

Aposel 3:20

Ipe' penda'am na'ama, nambimb Dembinai nese'epa pepel namunai ma ambagof ipe'imi. Ama nambimb nosapa' Krais nofi'mai ipe'. Aman anama fowa' gani God nandandepana ma ipe' ea'i, Anan Jisas.

Aposel 5:42

Amam ina makwaha maol anama mawalipasa basef bu'wami ma Jisas Anan Krais, God nandandepana nasapa'ana nafi'i, owa'. Nimeguf hiami amam mawalipa esis amam nematawa hiesi ipat lu'unai Godi, ifagw asasimi wapoti'.

Aposel 8:34

Ea' aman anama Ithiopianai na'ipa Filip na'i, “Ae' a'i ihali'ina. Profet anama na'i emi ma dei' nanda' basef amama? Na'iama anan atona o na'iama anona epen?”

Aposel 9:20

Ea' dei' atef nafe' ifagw hiami esis Juda sa'i basef sapeimi nawalapa basef Jisasi na'i, “Jisas anan nogalomana Godi.”

1 Korin 1:23

Ea' afa' wawalapa basefa Krais naga' lawag usi'inai tu'wanainai. Basef amama mahopa eaf esis Juda sandaiwa'mam sa'i basef awami. Ea' esis Grik ukup ma'i basef amama wafimi gawa a'ami.

1 Korin 2:2

Dei' main, okom ae'anai na'i na'ama. Nemaf anama ae' ape alomepa ina ata' okom napoma anom basef, owa'. Okom nase'e ma anom amamaga. Ae' okom napoma Jisas Krais atona, Anan naga' lawag usi'inai tu'wanainai.

2 Korin 6:11

Ipe' Korin alupipei, ae' a'i basef hiami bu'wami mape okom ae'anai awalapama ipe' alihim hi'alam, ae' okom nainailipa endilisi si'i alupisi ae'asi.

Efesus 4:21

Ae' egawa endilisi ipe' pegawa basef Kraisi ea'. Ipe' pape la'ifipa paloma Anan, amam mawalipipa ma basef amama endilisimi Jisas nihi'ambapa.