Aposel 8:17 - Basef Buꞌwami Godi

¹⁷ Ea' amam biam mawamona lagofa esis ea' sofa' Ambal Bu'unai Godi napais.

Aposel 8:17 Iomraidhean Croise

Mak Nandaꞌafi 5:23

Ea' na'ipana mehip na'i, “Nogame ae'akwi felefele' kwa'i koga'. Ae' a'i ine' nefe' newamona lagel ine'inai akwa'w ambal notanimai nuwisa'w kohafel kopan.”

Aposel 13:3

Ea' esis sakwaka gwa'aimi sanda' beten, sawamona lagofa amam biam sasapa'am mafe'.

Aposel 19:6

Ea' Pol nawamona lagofa esis, Ambal Bu'unai Godi nafi'mai esis nafelas sa'i diga naninani sawalapa basef si'i amam profet ma'iami.

Aposel 2:4

Ea' Ambal Bu'unai Godi nape si'inama esis atona etin hi'alas, sa'i basef Godi ma diga naninani wambel hiagoma. Ambal Bu'unai Godi anama nanda'am mataga malogof asasimi.

Aposel 6:6

Ea' esis hiesi sanda' amam amama maitu felefele'ma naep amam aposeli mawamona lagofa amam manda'mam betena monda' maol anama.

Aposel 8:18

Ea' Saimon nati aposel amama biam mawamona lagof atoma esis sofa' Ambal Godi. Na'ama anan nofa' moni ananinai nafi'mai amam na'ipam na'i,

Aposel 9:17

Ea' Ananaias nafe' nawis ipat anama nomon nasa lagofa Sol na'i, “Sahalome Sol, Dembinai Jisas natagamena eaf nogota anama ine' nafi'i na'ae. Dei' nasapa'e afi'mai ine' ma niti andeande' wapoti' ma Ambal Bu'unai Godi nope si'inama ine'.”

Basef Amama Pol Nandaꞌam Mafeꞌma Esis Romi 1:11

Ae' okom na'i endilisi ma anona nemaf efo'o ietilipa ma enda'epa petaga la'ifipa ease'epa anom amamaga bu'wami Ambal Godi nasi'ipam etini.

1 Timoti 4:14

Fowa' agufumi mumafi siosi mawamona lagofa ine'. Ambal Bu'unai Godi nafelam manda' betena ine' ea' anom amam ma'i basefa presen anama God nasi'inanai na'a. Dei' nenda' maol la'ifina nimafi presen anama andeande' God nali' nase'enana na'ai.

1 Timoti 5:22

Ine' owa' nefa'anai anona aman mehip nenda'ana nope agilinai ma esis Kristen, owa'. Nili' notolona andeande' nanda' waf bu'unai o nanda' waf aonai. Na'ama enis epes sitilina nigiambama anona nanda' waf aonai, si'i ine' wapoti' nanda' waf aonai anan nanda'anai. Ine' nindumafuma nepe andeande'.

2 Timoti 1:6

Fowa' ae' awamona lagofa balaga ine'inai ma God nase'ena presen bu'unai ananinai. Ea' dei' a'i efela okom ine'inai ma okom nopoma presen anama napoma ine' nimafiana notaga la'ifina si'i sufapula nif fandom lu'um.