Aposel 8:12 - Basef Buꞌwami Godi

¹² Ea' Filip nawalipasa basef bu'wami esis hiesi. Nawalipasa agel Jisas Kraisi ma siowis wambota Godi numafias. Ea' sombale'efa basef amama sofa' baptais. Esis amam nematawa wapoti'.

Aposel 8:12 Iomraidhean Croise

Matyu Nandaꞌafi 28:19

Na'ama dei' ipe' pefe' wambel hiagoma piwalipa amam nematawa sape wambotogw hiami piwalipasa basef bu'wami ae'ami, penda'as sotaga alupisi ae'asi ma siela basef Ae'ami andeande' ea' pipisi'as embela agel Ahalomei noloma Ae'anai noloma Ambal Bu'unai Ananinai.

Luk Nandaꞌafi 9:2

Ea' nasapa'am mafe' ma'ipasa basefa epes siowis wambota Godi numafias ea' manda' epes awes nanda'asi sataga bo'wes.

Luk Nandaꞌafi 9:60

Ea' Jisas na'ipana na'i, “Hapainai, sowago esis etis isima saga'i. Ea' ine' fo'o newalapa basefa epes siowis wambota Godi numafias.”

Aposel 1:3

Fowa' saha Jisas nefa' nimanimi lu'wami naga' ea' notanima nohafel wapoti' nafe' natagama alupumi ananimi. Ea' nape aon si'inai tu'waninai nanda' pepel hianai ma nihi'ambam mogawa endilisi anan nofa' ambal namunai nape. Nimeguf amama Anan nawalipasa epes hiesi siowis wambota Godi numafias.

Aposel 11:20

Ea' anom amam Saiprusimi maloma anom Sairinimi mafe' Antiok mawalapa basef amama ma esis Grik wapoti'. Amam mawalapa basef bu'wami ma dembinai Jisas Krais.

Aposel 18:8

Anona aman agilinai numafi lotu esis Judai Krispus. Anan naloma esis wambota ananisi hiesi sombale'efa Dembinai. Ea' esis Korin hiesi same' basef Pol nawalipasami sombale'efa Jisas sofa' baptais.

Aposel 19:5

Esis same' basef amama, sembale'efa Dembinai Jisas sofa' baptaisa agel Ananinai.

Aposel 2:38

Ea' Pita na'ipas na'i, “Ipe' hipei pemboma opalef ipe'imi pila God ea' ipe' hipei atona etin pefa' baptaisa agel Dembinai Jisas Krais ma God nokwaha waf aonai ipe'inai. Ipe' penda'am na'ama, nambimb God nese'epa Ambal Bu'unai Ananinai nope nolomepa.

Aposel 2:41

Ea' epes emi egafis sofa' basef Pitai sombale'efam, esis sofa' baptais. Nemaf anama God nowa'ani epes hiesi wambota ananinai sataga hias 3,000-peleis sataga Kristen, ea' sape saloma esis isima amam nematawa sombale'efanai.

Aposel 20:21

Ae' a'i basef la'ifimi ma esis Juda saloma isima owa' Judaisi wapoti' ma sowa' alafugaha waf aonai somboma opalef sefe'ma God, sombale'efa dembinai ape'inai Jisas.

Aposel 20:25

Ea' ipe' peme'. Fowa' ae' afe' la'afena ipe' hipei awalapa basefa epes hiesi siowis nomona wambota Godi numafias. Ea' dei' egawa, namanani ipe' hipei ina piti amaga ae'anai wapoti', owa'.

Aposel 28:31

Anan nawalapa basef bu'wami ma epes siowis wambota Godi numafias. Ea' nawalipasa basefa dembinai Jisas Krais. Anan ina umbamahana, owa'. Nawalapam na'iam alihim ea' ina enin epen nafi'i na'ipana na'i owa'.

Aposel 5:14

Ea' enis amam nematawa hiesi sombale'efa dembinai, ea' safi'i timbi tambel sawisa epes hiesi Ananisi la'ela'ef sape.

Aposel 8:4

Esis Kristen safa' safe' wambel hiagoma sawalapa basef bu'wami Godi sa'ipasam.

Basef Amama Pol Nandaꞌam Mafeꞌma Esis Romi 10:10

Dei' main, ape' mombale'ef opalef ape'imi God na'i ape' amam nematawa mataga bu'upai andeande' ea'. Ea' mawalapa bale'ef ape'inai malogof ape'imi God nofa'apa nokwahomapa waf aonai motanimani.

1 Korin 11:11

Ape' mape la'ifipama Dembinai mape na'ama. Ina nemata'w ato'w kope aman a'akw aman atona nope nemata'w a'ana, owa'.

Galesia 3:28

Dei' ina enis epes sape dambesi ma enis epesa naep Godi, owa'. Esis Juda ina sape dambesa isima owa' Judaisi, emi egafis agof a'asi ina sape owina epes agufisi, amam ina mape dambema awau nematawa, owa'. Ipe' hipei pape la'ifipa paloma Jisas Krais pataga etifipa.

1 Pita 3:21

Embel amama lu'wami mondola'wifa sofa' baptais migiambamepa pepe andeande'. Amama ina masa'opa alogwa alop atona ande', owa'. Amama anom basef endilisi la'ifimi ape' ma'iam maloma God, amama mataga mape opalef nomoni bo'om andeande'. Amama mofa'epa petanimani ma pepel anama atona Jisas Krais notanima nohafel.