Aposel 7:8 - Basef Buꞌwami Godi

⁸ Ea' God na'ipa Abraham basef la'ifimi endilisi ma Abraham notopa' alop ananinai. Ea' Abraham name' basef amama nailam natopa' alop ananinai ea' nola Aisak nogalomana ananinai ma nataga nimeguf 8-peleim, ea' Abraham natopa'mana alop ananinai. Anom nimeguf mafe'ma ea' Aisak nataga ahalomana Jekopi, ea' Jekop ahalomana bafapapa amama dambami 12-peleim.

Aposel 7:8 Iomraidhean Croise

Matyu Nandaꞌafi 1:2

Bafasas ehasas wambota atama Abrahami isima. Nogalomana Abrahami Aisak. Nogalomana Aisaki Jekop. Ea' Jekop ahalomana Judai naloma sahopana owalopana ananimi.

Jon Nandaꞌafi 7:22

Ea' ipe' patopa'mam alop nogamepa ipe'imi nemaf anama Sabat papoma noma'wanai. Dei' main? Ipe' paila mi'uli anama fowa' God naso' Mosesanai. Moses atona ina nali' na'ipipa panda' waf anama, owa'. Dambadamba waf anama nali' natagama amam agufumi Judai fowa'imi mali'i.

Aposel 2:29

Ea' Pita na'ipas wapoti' na'i, “Ipe' sahope owape ae'ipei, dei' ae' a'i ewalapa basef i'ipipana aman anama akunamapa ape'inai Devit. Anan fowa' gani naga' sawana, dei' hi'agif ananinai ata' nape la'afena ape'. Basef amama Devit ina na'iama anan atona, owa'.

Basef Amama Pol Nandaꞌam Mafeꞌma Esis Romi 4:10

Dei' Abraham nape na'imama God okom napomana na'i epen bu'unai? Anan nali' natopa' alop ea' o ata' owa' neatopa' alop? Anan ina dei' natopa' alopa God na'i anan epen bu'unai, ata' owa'.

Galesia 3:15

Ipe' Kristen sahin owan, a'i i'ipipa anom basef womun etina waf ape' manda'anai. I'i anom amam mi'i anom basef la'ifimi endilisim atom, ina enin epen la'ifina nehape'am nowataniam, owa'. Mope la'ifim la'ela'ef.

Galesia 3:17

Basef ae' a'ipipami ofagema na'ama. Fowa' gani God na'i basef la'ifimi endilisi atom owagama mola gwa'aimi. Ea' afagof hiami 430-peleim mafe' ea', God nase'as mi'uli ananinai naso' Mosesanai. Mi'uli anama ina la'ifina nehape' basef la'ifimi amama mali'i God na'i endilisimi atom, owa'.

Hibrui 7:4

Dei' ipe' okokoma Melkisedek, anan agel lu'unai endilisi. Dembinai ahalomapa ape'inai nali'i anan Abraham, anan natembe'am amamaga hiami bu'wami atom nofa'ama wandafi nawalogam ea' aof atotona naso' Melkisedek.