Aposel 7:51 - Basef Buꞌwami Godi

⁵¹ Ipe' epes pesambala basefi. Ipe' owa' pegawa basef Godi si'i enis epes owa' sogawa Godi. Ipe' pandaiwa' ma peme' basef Godi ma opalef aligah ipe'imi. La'ela'ef ipe' pesambala Ambal Bu'unai Godi. Ipe' panda'am na'ama etin si'i fowa' gani bafasepa ehasepa ipe'isi sanda'am.

Aposel 7:51 Iomraidhean Croise

Aposel 6:10

Ambal Bu'unai Godi nase'ana gawa bu'unai Stiven. Amam amama hiami ma'i basef mandahihianama maloma Stiven ea' amam ina la'ifima mi'i basef mikila'ana, owa'.

Aposel 7:27

Ea' aman anama naha anona aman Isrelinai na'ipa Moses na'i, ‘Emi na'ipina ma nepe dembinai ma newaloga afa'?

Aposel 7:35

Moses aman anama atona fowa' sosambalana sa'i, ‘Emi na'i ine' nepe dembinai ma newalogapa?’ Dei' aman anama atona God nasapa'ana nafe' si'i dembinai ma numafias nofa'as sotanimani. God nanda'ana la'ifina ma anama ensel natagamana nalomana na'i ma lawag anama so'unai.

Aposel 7:39

Ea' bafasapa ape'isi sandaiwa'ma some' basef ananimi, owa'. Esis sosambalona ea' sa'i sotanima sefe' Isip ukup maimailagon.

Aposel 7:9

Amam bafapapa 11-peleim nomonas aom kowalama Josep. Na'ama masapa'ana mafe' mofa' otambana enis epes Isip sao'wana nafe' nanda' maol aonai agel a'ana nape owina esis. Ea' sofa'ana safe' hiagoma Isip. Ea' God nape nalomana.

Basef Amama Pol Nandaꞌam Mafeꞌma Esis Romi 2:25

I'i ipe' Juda pembale'efa mi'uli anama God fowa' naso' Mosesanai pilana endilisi, waf anama patopa' alopanai bu'unai. Ea' i'i ipe' pimbisila' mi'uli anama, petaga si'i epes owa' Judaisi ea' petaga na'ama etin si'i ipe' owa' peatopa' alopi.

Efesus 4:30

Ipe' ina penda' anona waf aonai ma penda' Ambal Bu'unai Godi aona, owa'. Anan anona ikwaf Godi ma God nandandepepa ma pape ananipei etipa si'ipa ma anona nemaf notagahepa waf aonai nofa'epa petanimani pepan andeande'.

Filipai 3:3

God atona nandandepapa mape ananipai. Ambal Bu'unai Ananinai atona dei' manda' lotumana mafela agel Jisas Kraisi atona. Ape' ina mombale'efa waf satopa' alopanai nagiambamapa, owa'.

Kolosi 2:11

Ipe' pape la'ifipa paloma Krais. Ea' pape la'ifipa paloma anan, pape si'i panda' waf anama amam Juda matopa' alop. Waf anama ina waf epes sanda'ana atop atona wafinai, owa'. Krais atona nanda'mepana natofa waf apinai ma ukup apimi.