Aposel 6:9 - Basef Buꞌwami Godi

⁹ Ea' anom amam mohafel ma'i basef mandahihianama maloma Stiven. Amam amama fowa' manda' maol mape owina enis epes ea' dei' mape wafifim. Ea' sofalana amam wambel Sairini naloma Aleksandria anona etap hiagoma Silisia naloma etap hiagoma Esia.

Aposel 6:9 Iomraidhean Croise

Matyu Nandaꞌafi 10:17

Ipe' pindumafuma andeande'ma anom amam. Anona nemaf sonda' kotimipa ma amam dambami Juda ea' sehepa nomon ifagw esis Juda sa'i basef sapeimi.

Matyu Nandaꞌafi 23:34

Na'ama Ae' asapa'o anom profet molomago anom amam ukup bu'wami mapeimi molomago anom gawaimi ma Baibeli amam mofo'o motagamepa. Anona nemaf ipe' peham moga', ea' anom ipe' piunda lawah usi'imi tu'wanaimi, anom pepe pela'am nomon ifagw pa'i basef papeimi. Ea' ipe' penda'am petofam anona wambel taun lu'unama ea' petofam mofa' mefe' anona taun ea' petofam pegolopam etin pefe'. Ipe' anona nemaf penda' waf aonai anama.

Matyu Nandaꞌafi 27:32

Amam mohafel mafe' etin, mati anona aman Saimon Sairininai. Ea' amam soldia masapa'ana ma niegiambama Jisas nofa' lawag ananinai.

Mak Nandaꞌafi 13:9

Ipe' pindumafuma andeande'. Anona nemaf sonda' kotimipa ma gavman dambami asasimi. Ea' sehepa nomon ifagw esis Juda sa'i basef sapeimi. Ipe' pame' basef ae'ami paila ae'i amama atom dei' sondaiwa'mepa sonda'epa pitu naep kingi moloma gavman dambami ma peawalapa basef ae'ami bu'wami pi'ipasam.

Luk Nandaꞌafi 21:12

Amamaga amama hiami ina motaga mehip, ata' owa'. Esis sili' sombalo' ipe' paila basef ae'ami. Ea' sonda'epa kwapete'epa. Sonda'mepa kot nomon ifagw esis Juda sa'i basef sapeimi ea' sonda'epa penda' kalabus. Ea' sofa'epa pefe' sohaponepa pitu naep amam king moloma gavman dambami. Ipe' pefela agel ae'anai paila basef ae'ami. Amama atom sonda'epa na'ama.

Aposel 11:20

Ea' anom amam Saiprusimi maloma anom Sairinimi mafe' Antiok mawalapa basef amama ma esis Grik wapoti'. Amam mawalapa basef bu'wami ma dembinai Jisas Krais.

Aposel 13:1

Esis amam nematawa Kristen sape Antioki anom amam mawalapa basef bu'wami Godi mape. Anom profet maloma anom tisa mawalipasa basef Godi isima sembale'efanai. Agof amamumi amama. Barnabas naloma Saimon agel wa'ana Niger, Lusius, anan wambel Sairininai maloma Sol maloma Manain anan alupunai Heroti gavman dembinai.

Aposel 13:45

Na'ama esis Juda sati amam nematawa hiesi sandakolasi, ea' ukup kowalam endilisi. Ea' sa'i basef awami ma Pol sa'i anan nambaso'mas.

Aposel 15:23

Esis sase'ama anom basef mail pepa ma lagof amam biam Judas naloma Sailas ma'i na'ama ma'i, “Afa' aposel agufufai sahopepa afa'ipei, afa' dei' wanda'ago basef amama mafe'mago ipe' sahin owan owa' Judaipei. Ipe' pape wambel Antioki ma etap hiagoma Siria naloma Silisia, afa' wa'i nemaf bu'unai ma ipe'.

Aposel 15:41

Ea' Pol nafe' la'afena etap anama hiagoma Siria naloma Silisia naloma Sailas mafe' manda' esis Kristen sataga la'ifis.

Aposel 16:6

Ambal Bu'unai Godi nasopama amam mawalapa basefa esis sape etap hiagoma Esiai. Ea' mafe' la'afena etap hiagoma biefina Frigia naloma Galesia.

Aposel 18:24

Anona Judainai aman Aleksandriainai nafi'i nape Efesus. Agel ananinai Apolos. Anan na'i basef bu'wami atom, nogawa buk Baibel andeande'.

Aposel 19:10

Ea' nanda'am na'ama etin nape afagof biam. Esis amam nematawa hiesi sape etap hiagoma Esiai wambel hiagoma same' basef Dembinai, esis Juda saloma isima owa' Judaisi wapoti'.

Aposel 19:26

Ea' aman anama Pol na'ipa amam nematawa hiesi saila anona waf namboma ukup asasimi, amama ipe' patolom pegawam! Anan ina nanda'am na'ae Efesus atogon, owa'. Anan nanda'am mafe'agon hi'alagon felefele'ma etap hiagoma Esia anama hiagoma. Anan na'i, ‘Amam god ape' manda' lagof manda'ami, amama ina god endilisimi, owa'.’

Aposel 21:27

Nimeguf amama 7-peleim felefele'ma hi'ilam, anom Juda mape etap hiagoma Esiai mati Pol nape nomon ipat lu'unai Godi ea' mafela ukup esis amam nematawa hiesi ma mombale'ana.

Aposel 21:39

Ea' Pol na'i, “Owa'. Ae' aman Judaiwei. Wambel ae'anai Tarsus etap hiagoma Silisia. Ea' ae' aman anona wambel lu'unai agel lu'unai. Ine' ni'i awi, ae' i'ipasa anom basef esis amam nematawa.”

Aposel 22:19

Ea' a'ipa Dembinai a'i, ‘Dembinai, na'ama owa'. Esis sogawa ae' fowa' afe' ifagw hiami esis Juda sa'i basef sapeimi embalo' esis amam nematawa hiesi sombale'efa ine' ahas.

Aposel 22:3

Ea' Pol na'i, “Ae' Juda. Mama'we ae'akwi kolae wambel Tarsus etap hiagoma Silisia, na'ama ae' ataga dambewe wambel lu'unai anama. Ae' anda' skula dembinai tisa Gameliel ea' nawalipi andeande'ma mi'uli anama hianai amam bafapapa ape'imi. Na'ama ae' okom nohafel la'ifiwi ma aila God si'i ipe' dei' pailana.

Aposel 23:34

Ea' dembinai gavman anama nafi'i nati pas amama ea' nahali' Pol na'i, “Ine' etap lu'unai agel lu'unai eti?” Ea' Pol na'ipana na'i, “Ae' Silisiaiwei.”

Aposel 24:18

Anda'am na'ama ma anda' waf bu'unai, waf aonai a'e ma naep Godi. Ea' esis satolowe. Ina enis amam nematawa hiesi sape salome afela opalef enis epes sanda' salamala naninani, owa'etin.

Aposel 26:11

Ea' nimeguf hiami ae' ase'as nimanimi Kristen isima ahas nomon ifagw esis Juda sa'i basef sapeimi hiami. Ae' a'i enda' esisa sonda' Dembinai findiwana ma sokwaha basef Dembinai. Ae' okom wandafuna endilisi ma esis, ailas afe' anona wambel laogoma lu'wagoma.

Aposel 6:10

Ambal Bu'unai Godi nase'ana gawa bu'unai Stiven. Amam amama hiami ma'i basef mandahihianama maloma Stiven ea' amam ina la'ifima mi'i basef mikila'ana, owa'.

1 Korin 1:20

Dei' amam gawaimi monda' mi'imama? Ea' amam gawaimi mogawa gawa hianai monda' main? Epes isima etap anae'i sa'i basef sapa'am sandahihianamam sonda' main? Owa'etin. God nanda' gawa epes isima etap anae'isi nataga falafunai si'i gawa epes isima sahaga sagaoli.

Galesia 1:21

Anom nimeguf mafe'ma ea' afe' anona wambel nape etap biefina hiagoma Siria naloma Sialisia.