Aposel 6:7 - Basef Buꞌwami Godi

⁷ Ea' basef Godi mafe'agon hi'alogon. Amam nematawa hiesi sape Jerusalemi sataga alupusi Jisasi sataga hias endilisi. Ea' pris amama hiami wapoti' mombale'efa Jisas mailana.

Aposel 6:7 Iomraidhean Croise

Matyu Nandaꞌafi 19:30

Ea' epes hiesi dei' sataga sali'i agof lu'womisi, anona nemaf owagama agof a'as sotaga sigi'. Ea' epes isima sataga sagi' owagama sofa' agof lu'wami sotaga sili'.”

Luk Nandaꞌafi 2:34

Ea' Simeon na'ipasa basef bu'wami nanda'as la'ifis ea' na'ipa mama'wana Jisasi na'ama na'i, “Ine' neme'. Awani inima God nandandepan ea' ma nahambombaga enis amam nematawa Israel sowa' alafugaha enini. Ea' enis epes nofa'as sokwaha waf aonai siefi'mai enin. Enin si'i anona ikwaf God nanda'anai ma enis epes hiesi sosambala basef ananimi sondaiwa'mana.

Jon Nandaꞌafi 12:42

Amam agufumi hiami mombale'efa Jisas. Ea', amam umbamahama amam Farisi dambami. Ea' amam ina mawalapa basef ma'ipasam alihim, owa'. Umbamahama amam Farisi mogalo'mama ina ata' moloma esis Juda monda' lotu wapoti', owa'.

Aposel 12:24

Ea' basef Dembinai mataga la'ifim mafe' wambel hiagoma ma epes hiesi sombale'efana.

Aposel 13:8

Ea' aman anama agel ananinai diga Griki sa'i Elimas, nanda' ambagofi nasambala basef amam biam ma'iami. Na'i nomboma okom gavman anama dembinai ma ina nambimb nembale'efa basef Godi.

Aposel 14:22

Ea' manda' esis Kristen sataga la'ifis. Amam ma'ipasa basef la'ifimi na'ama ma'i, “Ipe' pepe la'ifipa pembale'efa dembinai God. Ape' meme' mofa' nimanimi mamumami lu'wami ma muwis nomon wambota Godi numafiapa.”

Aposel 19:20

Sanda' waf anama, ea' basef Dembinai mataga la'ifim mawalapai pepel Ananinai nataga lu'una endilisi mafe'agon hi'alagon.

Aposel 2:47

La'ela'ef esis safela agel Godi lu'una, ea' opalef esis amam nematawa hiesi sape andi'i bo'oma esis Kristen nimeguf hiami. Ea' nimeguf la'ela'ef Dembinai nofa' enis amam nematawa sotanimani sape saloma epes hiesi isima sombale'efanai.

Aposel 21:20

Amam mame'am ea', mafela agel Godi lu'una. Ea' ma'ipa Pol ma'i, “Sahalomafa, ine' negawa esis Juda tausen hiesi endilisi sombale'efa Jisas sataga Kristen. Ea' Kristen isima hiesi la'ifis endilisi ma saila mi'uli anama God fowa' naso' Mosesanai.

Aposel 6:1

Nogota anama esis alupusi saila Jisasi sataga hias endilisi. Ea' esis Juda hiesi enis sa'i diga Griki safitap saloma enis Juda sa'i diga Hibrui ea' sa'i, “Nimeguf hiami ipe' pagiambama esis amam nematawa isima gwa'aimi maim a'asi, ea' anowa nematawa alifiwai ape'iwai owa'.”

Basef Amama Pol Nandaꞌam Mafeꞌma Esis Romi 1:5

Lagof Jisasi atom God nagiambame nanda'e la'ifiwi anda' maol aposela afela agel Jisas Kraisi lu'una. Anan nanda'am na'ama ma anona nemaf amam nematawa hiesi sembale'efana sila basef ananimi.

Galesia 1:23

Esis same' basef atoma enis epes sa'i, “Aman anama fowa' nahambombagapa maloma basef Kraisi, nandaiwa'ma bale'ef ape'inai ea' dei' owa'etin. Anama nawalapa basef amama atom fowa' nahambombagami.”

Galesia 6:10

I'i ape' muti eaf bu'unai, monda' waf bu'unai ma epes hiesi migiambamas atona etin. Ape' monda'ana na'ama etin la'ifipa esis sahin owan sombale'efa Dembinai mikila' manda'ana enis epes.

Kolosi 1:6

Ama ganima etap hiagoma basef bu'wami amama mawalapai waf bu'unai ma epes hiesi mataga lu'um la'ela'ef mikila' fowa'. Basef amama manda'am na'ama etin si'i fowa' damba damba mali' matagama ipe' pame'am pailam. Nemaf anama ipe' pali' pegawa endilisi okom Godi nagiambamepa na'a, basef amama mawalapai waf bu'unai nataga lu'una ma ipe'.

2 Tesalonaika 1:8

Nemaf anama God nohambombaga esis isima sololama Anani soloma isima owa' sila basef bu'wami Dembinai ape'inai Jisas

2 Timoti 2:9

Ae' awalapa basef amama bu'wami. Amama atom dei' sa'i ae' aowei, sase'e nimanimi lu'wami mamumami. Sanda'e anda' kalabus wapoti'. Ea' basef Godi ina manda' kalabus mape, owa'etin.

Hibrui 11:8

Nemaf anama God nofala Abraham nakwaha wambel ananinai nafe' etap God na'i nease'anagoma ea' anan nembale'efana. Amama atom naila basef Godi nafe'. Anan ina nagawa anama neafe'ma, owa'. Ea' anan nembale'efana dei' nafe'.

Hibrui 5:9

Anan nataga Nogalomana Godi bo'ona endilisi. Amama atom dei' Anan ofagonama epes saila basef ananimi mofa'as sotanimani sofa' ambal namunai sope andeande' la'ela'ef hihif.

Basef Ifimba Jut Nandaꞌafi 1:20

Ea' ipe' alupipei endilisi, la'ela'ef ipe' penda' opalef ipe'imi la'ifim pembale'efa God, Anan ofagonama bale'ef ipe'inai. Ea' la'ela'ef ipe' pihali' Ambal Bu'unai Godi ma nonda'epa la'ifipa numafipa ma beten ipe'inai.

Basef Ifimba Jut Nandaꞌafi 1:3

Alupipei endilisi, ae' okom nainailipa. Ae' ali' a'i enda' anom basef mil okwatip mefe'mago ipe' ma God nefa'apa motanimani. Anan nefa' ipe' peloma ae' wapoti'. Ea' owa. Dei' a'i ata' enda' anom basef i'ipipago efela ukup ipe'imi ma penda' maol la'ifipa pimafiago basef endilisimi Kraisi ape' mombale'efami. Ama pehagasa naumbih amama mahagofa basef amama Kraisi. Bale'ef anama God nase'apana ape' hiapai amam nematawa Ananipai nemaf anama atotona mape la'ela'ef.