Aposel 6:5 - Basef Buꞌwami Godi

⁵ Amam nematawa hiesi ukup ma'i basef amama. Ea' sandandepa Stiven, anan nembale'efa Jisasi ma Ambal Bu'unai Godi napaina nape si'inamana. Ea' sandandepa Filip naloma Prokorus maloma Nikanor naloma Timon naloma Parmenas naloma Nikolas. Aman anama Nikolas Antiokinai, fowa' nafi'i naila waf esis Judai.

Aposel 6:5 Iomraidhean Croise

Matyu Nandaꞌafi 23:15

Ipe' amam pawalipasa mi'uli Godi paloma Farisi, ae' ati uwahipipa ma nimanimi lu'wami anona nemaf meatagamipei. Ipe' malogof biamipei! Ipe' pafe' hi'agoma naoh etap wambel hiagoma, pifa'ai anona epena notaga alupunai ipe'inai nila basef ipe'imi. Anan ea' nataga alupunai ipe'inai, ea' ipe' panda' anan aona endilisi nikila' ipe' na'ama. Ipe' aopei ma peafe' wambel aonai hel nif fandumi mapoma. Ea' ipe' panda' epen anama nikila' ipe' nenda' waf aonai endilisi nandahama nefe' wambel aonai hel.

Aposel 11:19

Fowa' amam maha Stiven naga'i manda' nimanimi lu'wami matagama esis Kristen amam nematawa mahas. Ea' esis sembale'efanai safa' safe' ganigani ea' sataga anona wambel Antiok safe' anona etap hiagoma biefigin Saiprus naloma Fonisia sawalapa basef Godi ma esis Juda etis.

Aposel 11:20

Ea' anom amam Saiprusimi maloma anom Sairinimi mafe' Antiok mawalapa basef amama ma esis Grik wapoti'. Amam mawalapa basef bu'wami ma dembinai Jisas Krais.

Aposel 11:22

Ea' esis amam nematawa Kristen sape Jerusalemi same' basef amama ea' sasapa' Barnabas nafe' Antiok.

Aposel 11:24

Barnabas anan aman bu'unai, Ambal Bu'unai Godi napaina nembale'efa God andeande'. Ea' nagiambama esis amam nematawa hiesi ma sembale'efa Dembinai ea' sawisi epes hiesi Godi.

Aposel 11:26

Natolona ea', nofa'ana nafi'i Antiok. Ea' amam biam mape afagel atotona maloma esis Kristen amam nematawa sape Antioki mawalipa epes hiesi ma basef Godi. Ea' esis amam nematawa saila Jisasi, enis epes sofalas agel anama Kristen dambadamba wambel anama Antiok.

Aposel 11:27

Nogota anama anom profet mape Jerusalemi makini' Antiok.

Aposel 13:1

Esis amam nematawa Kristen sape Antioki anom amam mawalapa basef bu'wami Godi mape. Anom profet maloma anom tisa mawalipasa basef Godi isima sembale'efanai. Agof amamumi amama. Barnabas naloma Saimon agel wa'ana Niger, Lusius, anan wambel Sairininai maloma Sol maloma Manain anan alupunai Heroti gavman dembinai.

Aposel 15:22

Ea' amam aposel maloma agufumi mumafi maol Godi maloma esis Kristen hiesi sa'i basef etifim sandandepa anom amam biam asasimi mefe' Antiok maloma Pol naloma Barnabas. Amam amama agufumi Judas agel wa'ana Barsabas naloma Sailas. Amam biam agof lu'wami la'afena esis Kristen. Ea' sa'i sosapa'am mofe' Antiok moloma Pol noloma Barnabas.

Aposel 2:4

Ea' Ambal Bu'unai Godi nape si'inama esis atona etin hi'alas, sa'i basef Godi ma diga naninani wambel hiagoma. Ambal Bu'unai Godi anama nanda'am mataga malogof asasimi.

Aposel 21:8

Ama wafilu wakwaha Tolemes wafe' wataga Sisaria wakwaha sip ea' wafe' ipat anona aman Filip nawalipasa basef Godi wape walomana. Anan anona ma amam amama 7-peleimi fowa' mandandepam Jerusalemi ma magiambama amam aposel.

Aposel 22:20

Fowa' esis saha Stiven naga', aman na'ipasa basefa ine' nogota anama aitu felefele' okom ae'anai bo'onama amama. Ae' aitu imafi siogw amamumi amam mahana.’

Aposel 6:10

Ambal Bu'unai Godi nase'ana gawa bu'unai Stiven. Amam amama hiami ma'i basef mandahihianama maloma Stiven ea' amam ina la'ifima mi'i basef mikila'ana, owa'.

Aposel 6:3

Ipe' Kristen alupipei, ipe' ata' pendandepa anom amam 7-peleim la'afena ipe' mape andeande'ma naep esis amam nematawai, Ambal Bu'unai Godi nape napaim si'inama amam nomonas bu'wami mapaimi. Ama afa' onda'am mopoma mumafi maol anama.

Aposel 6:8

God nandahowema Stiven nagiambamana. Ea' nanda'ana la'ifina, nanda' ikwaf la'ifinai hianai naninani la'afena esis amam nematawa.

Aposel 7:1

Ea' pris dembinai nape nali'ma pris hiami nahali' Stiven na'i, “Basef amama endilisi?”

Revelesen 2:15

Ea' na'ama etin enis amam nematawa saloma ipe' esis ata' saila waf anama aonai enis epes hiesi sa'i agel Nikolas sanda'anai.

Revelesen 2:6

Ea' dei' anona waf bu'unai ata' napaipa. Enis epes hiesi agel sa'i Nikolas Ae' andaiwa' endilisi ma waf esis sanda'anai, ea' ipe' wapoti' pewa' alafugahas pandaiwa' endilisi ma waf esis sanda'anai.