Aposel 6:3 - Basef Buꞌwami Godi

³ Ipe' Kristen alupipei, ipe' ata' pendandepa anom amam 7-peleim la'afena ipe' mape andeande'ma naep esis amam nematawai, Ambal Bu'unai Godi nape napaim si'inama amam nomonas bu'wami mapaimi. Ama afa' onda'am mopoma mumafi maol anama.

Aposel 6:3 Iomraidhean Croise

Matyu Nandaꞌafi 23:8

Ea' enis epes ina sofala ipe' si'i ipe' dembipei, owa'. Dei' main, ipe' tisa dembinai ipe'inai atotona ea' ipe' hipei pape si'i sahin owan wambota atotona.

Jon Nandaꞌafi 21:23

Ea' basef baso'maimi wafimi amama mafe'ma afa' alupufai Jisasi ma'iam na'ama ma'i, “Aman anama anona nemaf ina noga', owa'.” Ea' Jisas ina na'ipafa basef amama esis sa'iami, owa'. Basef amama kwamaimi. Jisas na'i basef amama atom na'i, “I'i ae' i'i anan nope nefe' nefe' ma nemaf ae' etanimani, amama ina maol ine'inai, owa'.”

Aposel 1:15

Anom nimeguf mafe'ma ea', esis Kristen 120-peleis hiesi sandatama etifigin sape ea' Pita nohafel naitu na'i,

Aposel 1:21

Ea' dei' ape' mondandepa anona aman ape'inai noho'ofana ma mowalipasa basef amama Jisas notanima nohafel wapoti'. Ape' mondandepa anona ma amam amama mape maloma ape' ma nemaf anama Dembinai Jisas nape nalomapa. Nemaf anama Jon nawalipasa basef Godi napisi' amam nematawa embel nafi'i nafi'i nataga ma nemaf anama God nofa' Jisas nalata heven ilif nakwahepa.”

Aposel 10:22

Ea' ma'ipana ma'i, “Kornilius anan kepten dembinai numafi soldia 100-peleim hiami, nasapa'afa wafi'i. Anan aman nanda' waf bu'unai nanda' lotuma Godi. Esis Juda hiesi sa'i, ‘Anan aman bu'unai.’ Anona ensel Godi na'ipana ma nofalena nefe' ipat ananinai, ma ata' nome' anom basef ine'imi.”

Aposel 15:23

Esis sase'ama anom basef mail pepa ma lagof amam biam Judas naloma Sailas ma'i na'ama ma'i, “Afa' aposel agufufai sahopepa afa'ipei, afa' dei' wanda'ago basef amama mafe'mago ipe' sahin owan owa' Judaipei. Ipe' pape wambel Antioki ma etap hiagoma Siria naloma Silisia, afa' wa'i nemaf bu'unai ma ipe'.

Aposel 16:2

Esis Kristen sahin owan Listra naloma Aikoniam sa'i waf Timoti nanda'anai bu'unai.

Aposel 2:4

Ea' Ambal Bu'unai Godi nape si'inama esis atona etin hi'alas, sa'i basef Godi ma diga naninani wambel hiagoma. Ambal Bu'unai Godi anama nanda'am mataga malogof asasimi.

Aposel 22:12

Anona aman nape Damaskus agilinama Ananaias. Aman anama naila mi'uli Godi andeande'. Amam nematawa Juda sape Damaskus sa'i anan aman bu'unai.

Aposel 28:14

Wambel anama afa' wati enis Kristen. Ea' sa'ipafa wape walomas wik si'inai. Wape ea' wafe' Rom.

Aposel 6:2

Ea' amam aposel 12-peleim mati nimanimi amama ea' mofalai esis alupusi isima hiesi safi'i ma'ipas ma'i, “I'i afa' okwaha maol anama owalipasa basef Godi ma otambe'am gwa'aimi, na'ama ina andeande', owa'.

Aposel 6:5

Amam nematawa hiesi ukup ma'i basef amama. Ea' sandandepa Stiven, anan nembale'efa Jisasi ma Ambal Bu'unai Godi napaina nape si'inamana. Ea' sandandepa Filip naloma Prokorus maloma Nikanor naloma Timon naloma Parmenas naloma Nikolas. Aman anama Nikolas Antiokinai, fowa' nafi'i naila waf esis Judai.

Aposel 6:6

Ea' esis hiesi sanda' amam amama maitu felefele'ma naep amam aposeli mawamona lagofa amam manda'mam betena monda' maol anama.

Aposel 9:30

Amam Kristen sahin owan mogawa amama, ea' mofa' Sol mafe' makini Sisaria. Ea' masapa'ana nafe' nape wambel Tarsus.

1 Korin 12:8

Epen atitin Ambal Bu'unai Godi nase'an pepela nihi'ambamasa gawa hianai bu'unai naninani ma nowalapa basefa epes hiesi. Ea' enin epen Ambal Bu'unai Godi anama atona nase'ana pepela newalapa basef ofagema waf Godi ma esis amam nematawa sogawam andeande'.

1 Korin 16:3

Anona nemaf ae' etagamepa, ipe' pendandepa anom amama mofa' otamba amama mofe' Jerusalem. Ama ae' i'ipama basef amoma mofa'am esapa'am mefe'.

Efesus 5:18

Ea' ipe' ina pea' embel la'ifimi pehaga pegaol, owa'. Waf anama nahambombaga ipe'. Ipe' aho'ma Ambal Bu'unai Godi nopaipa si'ipa.

Jems 1:17

Amamaga bu'wami hiami si'i presen, amama ahalomapa ape'inai nase'apam misila'i heven. Anan nanda' mafifili aon alipunai owambunai maloma ondowa motawa ilif otaga. Owaf naluwi, ambagof laom bandam. Ea' God ina nandaho'of na'ama si'i ambogof, owa'. Anan nape na'ama etin la'ela'ef hihif.

3 Jon 1:12

Epes hiesi safela agel Demitriusi. Waf ananinai endilisinai nihi'ambapa anan aman bu'unai. Ae' wapoti' a'i anan bu'unai ea' ine' negawa basef ae'ami endilisimi.