Aposel 6:10 - Basef Buꞌwami Godi

¹⁰ Ambal Bu'unai Godi nase'ana gawa bu'unai Stiven. Amam amama hiami ma'i basef mandahihianama maloma Stiven ea' amam ina la'ifima mi'i basef mikila'ana, owa'.

Aposel 6:10 Iomraidhean Croise

Luk Nandaꞌafi 1:17

Enin nili' nefe'ma Dembinai nefa' pepel Godi ma neanda' maol ananinai si'i fowa' Elaija nofa'ana nanda'anai. Ea' nomboma opalef ahapasi mefe'ma awasi ma esis ukup mi'imi'ias. Ea' nomboma epes isima sosambala basef Godi ma sofa' nomonas bu'wami ma niegiambamas nonda'as sondandombam seapoma Dembinai neafi'i.”

Luk Nandaꞌafi 21:15

Dei' main, nemaf anama ae' atowe enda' basef mope malogof ipe'imi ese'epa gawa bu'unai ma epes isima ina la'ifisa seagwa basef amama ae' iesi'ipami, owa'.

Jon Nandaꞌafi 7:46

Ea' amam ma'i, “Fowa' gani nafi'i nafi'i nataga dei' owa' enin epen nawalapa basef si'i anan na'iam, owa'.”

Aposel 5:39

Ea' i'i God atona nonda' amam la'ifima basef amama, ipe' ina nambimb la'ifipama pesopama amam, owa'. Na'ama ipe' pepa' peloma God!”

Aposel 6:11

Ea' manda' anona waf baso'maimi ma moha Stiven noga'. Ea' mofa'ai anom amam mase'am anama otamba ma'i basef ma'i, “Afa' wame' anan na'i basef nanda' Moses findiwana ea' nanda' God findiwana wapoti'.”

Aposel 6:9

Ea' anom amam mohafel ma'i basef mandahihianama maloma Stiven. Amam amama fowa' manda' maol mape owina enis epes ea' dei' mape wafifim. Ea' sofalana amam wambel Sairini naloma Aleksandria anona etap hiagoma Silisia naloma etap hiagoma Esia.

Aposel 7:51

Ipe' epes pesambala basefi. Ipe' owa' pegawa basef Godi si'i enis epes owa' sogawa Godi. Ipe' pandaiwa' ma peme' basef Godi ma opalef aligah ipe'imi. La'ela'ef ipe' pesambala Ambal Bu'unai Godi. Ipe' panda'am na'ama etin si'i fowa' gani bafasepa ehasepa ipe'isi sanda'am.

1 Korin 2:4

Ea' basef a'iama basef bu'wami Kraisi, amama ina a'iama gawa ae'anai aloma epesa efa'ipei, owa'. Ae' ihi'ambepa pepel Ambal Bu'unai Godi atona.