Aposel 6:1 - Basef Buꞌwami Godi

¹ Nogota anama esis alupusi saila Jisasi sataga hias endilisi. Ea' esis Juda hiesi enis sa'i diga Griki safitap saloma enis Juda sa'i diga Hibrui ea' sa'i, “Nimeguf hiami ipe' pagiambama esis amam nematawa isima gwa'aimi maim a'asi, ea' anowa nematawa alifiwai ape'iwai owa'.”

Aposel 6:1 Iomraidhean Croise

Matyu Nandaꞌafi 23:13

“Ipe' amam dembipei pawalipasa mi'uli Godi paloma Farisi, ae' ati uwahipipa ma nimanimi lu'wami anona nemaf meatagamipei. Ipe' amam malogof biamipei! Ipe' pewalo uta ma naep esis amam nematawa ma ina nambimb siowis kingdom heveni, owa'. Dei' main, ipe' ina pafe' pawis nomon, ea' esis amam nematawa sa'i sefe' siwis nomon, isima ipe' pasopamas eafa sefe' siowis. [

Aposel 11:20

Ea' anom amam Saiprusimi maloma anom Sairinimi mafe' Antiok mawalapa basef amama ma esis Grik wapoti'. Amam mawalapa basef bu'wami ma dembinai Jisas Krais.

Aposel 11:26

Natolona ea', nofa'ana nafi'i Antiok. Ea' amam biam mape afagel atotona maloma esis Kristen amam nematawa sape Antioki mawalipa epes hiesi ma basef Godi. Ea' esis amam nematawa saila Jisasi, enis epes sofalas agel anama Kristen dambadamba wambel anama Antiok.

Aposel 11:29

Ea' esis amam nematawa saila Jisas Kraisi sa'i basef sandame'mama sefa' anom otamba mefe'ma esis alupusi sahin owan sape Judai ma sigiambas. Esis Kristen atona etin ukup ma'i otamba ma'omasi sawalom sase'asa tu'wanim hiami mafe'ma esis sape Judiai. Enis otamba hiami sase'asa hiami ea' enis otamba kwawie'im sase'asa kwawie'im. Hiesi sanda'am na'ama etin.

Aposel 2:41

Ea' epes emi egafis sofa' basef Pitai sombale'efam, esis sofa' baptais. Nemaf anama God nowa'ani epes hiesi wambota ananinai sataga hias 3,000-peleis sataga Kristen, ea' sape saloma esis isima amam nematawa sombale'efanai.

Aposel 2:45

Ea' esis sombale'efanai enis sase'asa etap asasinai naloma anom amamaga asasimi mafe'ma enis epes satalamasam. Ea' sofa' otamba ma amamaga sotambel sanda'am sase' epes isima gwa'aimi a'asi kwahusi.

Aposel 2:47

La'ela'ef esis safela agel Godi lu'una, ea' opalef esis amam nematawa hiesi sape andi'i bo'oma esis Kristen nimeguf hiami. Ea' nimeguf la'ela'ef Dembinai nofa' enis amam nematawa sotanimani sape saloma epes hiesi isima sombale'efanai.

Aposel 4:35

sase' amam aposel. Ea' amam manda'am maso' isima gwa'aimi hiahaom a'asi.

Aposel 4:4

Esis amam nematawa hiesi same' basef amama Jisas nohafel hi'agif wapoti' sombale'efana. Amama atom dei' esis sombale'efanai sataga hias, amam atom mataga felefele'ma 5,000-peleim.

Aposel 5:14

Ea' enis amam nematawa hiesi sombale'efa dembinai, ea' safi'i timbi tambel sawisa epes hiesi Ananisi la'ela'ef sape.

Aposel 5:28

“Afa' wa'ipipa basef la'ifimi wa'i ipe' ina pewalapa basef pi'ipasam amam nematawa ma agel anama, owa'. Ea' ipe' panda' basef amama mape mafe'agon hi'alogon Jerusalem asi'igina basef ipe'imi. Ea' pa'i basef mailafa pa'i ofagema afa'imi, afa' waha aman anama naga'.”

Aposel 6:2

Ea' amam aposel 12-peleim mati nimanimi amama ea' mofalai esis alupusi isima hiesi safi'i ma'ipas ma'i, “I'i afa' okwaha maol anama owalipasa basef Godi ma otambe'am gwa'aimi, na'ama ina andeande', owa'.

Aposel 6:7

Ea' basef Godi mafe'agon hi'alogon. Amam nematawa hiesi sape Jerusalemi sataga alupusi Jisasi sataga hias endilisi. Ea' pris amama hiami wapoti' mombale'efa Jisas mailana.

Aposel 9:29

Na'ipasa basef Godi naloma amam Juda magawa diga Griki ea' na'i basef nalomam mandahihianama. Ea' amam mandaiwa'ma basef ananimi magolopa eafa mohana noga'.

Aposel 9:39

Ea' Pita nohafel nafe' nalomam, ea' mafe' mataga mofa'ana mafe' rum anama ilif akwa'w kwa'oma. Nematawa hiawai alifiwai wafi'i waitu felefele'ma Pita wape walopa'w. Ea' wihi'ambana klos sagwegw maim akwa'w Dorkas kwagundisami nimbewa' la'ela'ef ata' kwape kwalomawa.

Aposel 9:41

Ea' Pita nahapila lagel akwa'unai nafela'w kwaitu. Ea' nofalai esis amam nematawa sombale'efa Godi saloma nematawa awama alifiwai, naso' akwa'w kotanima kwafe'ma esis.

Basef Amama Pol Nandaꞌam Mafeꞌma Esis Romi 12:7

Emi egafis sigiambama esis sahin owani, esis senda' maol anama endilisi sigiambama alupusi. Emi egafis gawaisi ma sihi'ambas si'i tisa, esis senda'ana endilisi sihi'ambas.

1 Korin 10:10

Ipe' ina ukup aom mi'i diga wandafunai peloma God si'i esis fowa' sanda'manam God, ma ensel anama naha epes saga'i nafi'i nahas saga' hi'alas, owa'.

2 Korin 11:22

I'i amam Hibruimi, ae' wapoti'. Amam epes Israelimi, ae' wapoti'. Amam wambota Abrahami, ae' wapoti'.

Filipai 3:5

Dei' main, nemaf anama ata' sa'owe ape nimeguf 8-peleim mafe' ea' amam matopa' alop ae'anai. Ae' epen Israeliwei. Ae' wambota Benjamini. Ae' esimbel atom esis Hibrui. Ae' Farisi, epen aila mi'uli Godi fowa' naso' Mosesanai. Ae' aila mi'uli anama andeande' ikila' epes hiesi.

1 Timoti 5:3

Basefa nematawa alifiwai ma'i na'ama. Nematawa awama, i'i owa' enin epen numafiawa, ine' nimafiawa andeande'.

1 Timoti 5:9

I'i anowa nematawa wahupawa maga'i, awau ina onda' so'a waol, owa'. Ope andeande'ma enis epes sotolowa si'i wape andeande'. Onda' maol bu'unai ma umafi batawisawa, ose'as gwa'aimi epes wigiambama esis Kristen wambota Godi, umafi awasi awausi andeande' ope onda' maol hianai bu'unai naninani ofe' ofe' otagama afagof 60-peleim, andeande'. Nematawa wanda'am na'ama atowa ine' nenda' agof awaumi mil okwatiha nigiambamawa nese'awa gwa'aimi.

Hibrui 13:1

Ipe' Kristen, ukup mimila sahin owan ipe'isi la'ela'ef.

Jems 1:27

Waf sanda' lotuwanai bo'ona andeande' ofagena a'ana naep Ahalomapa ape'inai Godi, anama na'ama. I'i enis awasi mamasas a'asi esis etis sope, o nemata'w alifi'wi akwa'w ato'w kwape kwahu'wi, ape' migiambamasa otamba gwa'aimi maim. Ea' mumafi pe ape'inai andeande' ma waf aonai etapanai ina nenda' opalef ape'imi motaga aom, owa'.

Jems 4:5

Ipe' ina pi'i basef Godi mail buk Baibeli falafumi, owa'. Basef amama ma'i na'ama ma'i, “Ambal anama napaipai God nase'apana nanda'apa ukup matamea ma mofa' amamaga mamumami hiami.”

Jems 5:9

Ipe' ina piti waf sahin owan ipe'si sanda'anai pi'i aona, owa'. Na'ama anona nemaf God nowaloga ipe'. Jas nape felefele'ma uta.