Aposel 5:42 - Basef Buꞌwami Godi

⁴² Amam ina makwaha maol anama mawalipasa basef bu'wami ma Jisas Anan Krais, God nandandepana nasapa'ana nafi'i, owa'. Nimeguf hiami amam mawalipa esis amam nematawa hiesi ipat lu'unai Godi, ifagw asasimi wapoti'.

Aposel 5:42 Iomraidhean Croise

Luk Nandaꞌafi 21:37

Nimeguf hiami la'ela'ef Jisas nape nawalipa esis amam nematawa ipat lu'unai Godi nomon, ea' owamb nafe' na'ihi halaf anama oliv motawama.

Luk Nandaꞌafi 22:53

Nimeguf hiami la'ela'ef ae' ape alomepa ipat lu'unai Godi awalapa basef bu'wami ma esis amam nematawa hiesi, ea' ipe' owa' peambale'e. Ea' dei' nogota anae' nemaf ipe'inai. Dei' waf anama owambunai a' nikila' ae'.”

Aposel 11:20

Ea' anom amam Saiprusimi maloma anom Sairinimi mafe' Antiok mawalapa basef amama ma esis Grik wapoti'. Amam mawalapa basef bu'wami ma dembinai Jisas Krais.

Aposel 13:32

Ea' ape' dei' ma'ipipa basef bu'wami ipe'. Amamaga amama fowa' God na'iama na'i nose'asas akusipa ape'isi,

Aposel 17:18

Anom amam tisa mogawa gawaimi anom Epikurian maloma anom Stoik ma'i basef mandahihianamam maloma Pol ma'i, “Aman anama okom nahaga nagaoli na'i basef mamumami, anan na'i ni'i main?” Pol nawalapa basef bu'wami Jisasi na'ipasa Jisas nohafel hi'agif. Ea' anom amam ma'i, “Anan na'i nowalapa basefa anom god dambami anona wambili?”

Aposel 17:3

Anan nawalapa basef ofagema Godi na'ipasam na'i, “Krais God nasapa'ana nafi'i anan nofa' nimanimi lu'wami ma naga' notanima nohafel wapoti'.” Ea' anan na'i, “Jisas anama dei' ae' awalapa basefanai, anan Krais.”

Aposel 2:46

Ea' esis hiesi nimeguf la'ela'ef safe' ipat lu'unai Godi sanda' lotuwanai. Ea' safe' sa' gwa'aimi ifagw asasimi atona etin. Esis sandanifel ukup bo'om sose'as gwa'aimi ma sigiambama enis epes ea' sandanifel sa' gwa'aimi etifigin.

Aposel 20:20

Ea' ae' ina umbamahe ma awalapa basef hiami ma agiambamepa, owa'. Anama ipe' pandakolas awalipipa ea' awalipipa ifagw ipe'imi nomon wapoti'. Amama ipe' pegawam.

Aposel 4:20

Afa' biafa ina feso'mafa malogof, owa'. Afa' owalapa basef hiami ma amamaga watolom wame'am.”

Aposel 4:29

Dembinai, ine' okom nepoma basef hiami wandafumi esis sa'iami ea' nigiambama afa' wanda' maol ine'inai. Nenda'am na'ama ma afa' otaga la'ififa endilisi owalapa basef ine'imi, ma afa' ina umbamahafa, owa'

Aposel 8:35

Ea' Filip na'i basef nawalapama aman anama. Nahafel na'ipama basef amama tu'wanim Godi aman anama na'iami mafe' mafe' ea' nawalapai basef bu'wami Jisasi.

Aposel 8:5

Ea' Filip nowala nafe' anona wambel etap hiagoma Samaria nawalipasa basef bu'wami na'i Jisas anan Krais, God nandandepana nasapa'ana nafi'i.

Aposel 9:20

Ea' dei' atef nafe' ifagw hiami esis Juda sa'i basef sapeimi nawalapa basef Jisasi na'i, “Jisas anan nogalomana Godi.”

1 Korin 2:2

Dei' main, okom ae'anai na'i na'ama. Nemaf anama ae' ape alomepa ina ata' okom napoma anom basef, owa'. Okom nase'e ma anom amamaga. Ae' okom napoma Jisas Krais atona, Anan naga' lawag usi'inai tu'wanainai.

Galesia 6:14

Ea' ae' owa'etin. Andaiwa' ma epes sefela agel ae'anai lu'una, owa'. Ae' andanifel ma efela agela Dembinai ape'inai Jisas Krais atona, anan naga' lawag usi'inai tu'wanainai. Lawag anama Kraisi atona, dei' waf etapanai naga' nomon opaf ae'anai, dei' ae' si'i epen naga' lawag usi'inai tu'wanainai ma naep epes sape etapi.

2 Timoti 4:2

ine' ni'ipasa basef Godi la'ela'ef. Nemaf anama esis sondandombam ma some' basef, ni'ipasam. Ea' maina nemaf esis sandaiwa' ma some'am, ni'ipasam etin. Ni'ipasam ma mohagofa basef amama baso'maimi. Ni'ipasa basef la'ifimi ma sokwaha waf aonai esis sanda'anai. Ea' nefela ukup asasimi nenda'as sotaga la'ifisa bale'ef, niwalipasa waf aonai nenda'as so'uso'umbemas. Niwalipasa basef amama si'i okom Godi na'iami.