Aposel 5:41 - Basef Buꞌwami Godi

⁴¹ Ea' amam aposel makwaha amam dambami Juda mumafi koti ea' mafe' mawis ande'. Manifela God na'i aho'ma mofa' nimanimi ma agel Jisasi.

Aposel 5:41 Iomraidhean Croise

Luk Nandaꞌafi 6:22

Ae' ataga epen endilisiwei. Nambimb enis epes siti ipe' pila ae', esis opalef aoma ipe' endilisi. Ea' sowa' alafugaha ipe' sese'epa agof awami endilisi si'i ipe' epes aopai sindaiwa'mepa sogalo'mepa.

Jon Nandaꞌafi 15:21

Esis ina sogawa Ahalome nasapa'e afi'i, owa'. Ipe' ukup mopoma agel ae'anai, ea' ae'ipei. Ea' esis saila waf etapanai sonda' amamaga awami hiami ma ipe'.

Aposel 21:13

Ea' Pol nagwa basef na'i, “Dei' maina ipe' palef endilisi ma panda' okom ae'anai aona? Ae' ina andandombama enda' kalabus etin, owa'. Ae' andandombama eaga' wapoti' Jerusalema efela agel Dembinai Jisasi.”

Aposel 5:21

Ea' amam aposel mame' basef amama, kuhimbita mafe' ipat Godi lu'unai sanda' lotuwanai ma'ipa esis amam nematawa. Pris anama dembinai naloma amam alupumi ananimi mafi'i mofalai agufumi hiami Israeli mafi'i mandakolas etifigin. Ea' masapa' basef mafe' ipat sanda' kalabusa, mofa'ai amam aposel mafi'i.

Basef Amama Pol Nandaꞌam Mafeꞌma Esis Romi 5:3

Ape' ina mandanifela amama atom, owa'. Ape' mandanifela nimanimi meatagamapa wapoti'. Dei' main, ape' mogawa mofa'ama monda'apa la'ifipa.

2 Korin 12:10

Amama atom dei' maol anama Kraisi etin, ae' ina la'ifiwi, owa'. Esis sanda'me waf aonai ea' sanda'me nimanimi mamumami hiami, enis sahambombage. Ea' hapaimi. Ae' andanifel ma amamaga amama. Nemaf anama ae' owa' la'ifiwi, nogota anama ae' la'ifiwi endilisi.

Filipai 1:29

Dei' main, God nase'epa waf bu'unai ma penda' opeh Kraisi. Anan ina nase'epa waf pembale'efana atona, owa'. Anan nase'epa waf anama pefa' nimanimi wapoti' ma agel Ananinai.

Hibrui 10:34

Nemaf anama ipe' pati esis amam nematawa sape kalabusi uwahipis pefa' nimanimi palomas. Ea' nemaf anama esis salo' lagofepa sefa' amamaga ipe'imi, ipe' pandanifel ma faso'mepa pape patilis. Dei' main, ipe' pegawa amamaga ipe'imi bu'wami endilisi ata' ma'omepa, amama anona nemaf mupe la'ela'ef. Amama mikila' endilisi amamaga amama sali' sanda'mepami.

Hibrui 12:2

Naep ape'imi miti Jisas atona anan ofagonama bale'ef ape'inai, nowataniana netaga andeande'ma mombale'efana la'ifipa la'ela'ef mope. Fowa' Anan okom napoma danifela anona nemaf na'i nofa'anai, dei' naitu la'ifina. Ea' nefa' lawag usi'inai tu'wanainai naga'. Anan okom napoma nambimb nofa' nimanimi lu'wami noga' lawag anama, amama falafumi atom. Anan ina umbamahana ma ga' anama, owa'. Ea' dei' nape felefele'ma sia bu'unai Godi lagel da'isinai.

Jems 1:2

Ipe' sahin owan ae'ipei, maim nimeguf amamaga meagwambipei motagamepa, ukup ipe'imi mi'i andeande' pendanifel etin pepan.

3 Jon 1:7

Dei' main, amam mafe' manda' maola agel Kraisi, ea' ina mofa' gwa'aimi maima esis isima sololama Godi, owa'.