Aposel 5:4 - Basef Buꞌwami Godi

⁴ Fowa' esis ata' owa' sotala etap, nogota anama ata' etap ine'inai atona. Ama dei' satalona ea', otamba ine'imi nimafiam. Dei' maina ine' okom na'i waf anama aonai? Ina nambaso'ma afa' atofa, owa'. Ine' nambaso'ma God.”

Aposel 5:4 Iomraidhean Croise

Luk Nandaꞌafi 10:16

“Emi egafis seme' malogof ipe'imi, esis same' malogel Ae'anai wapoti'. Ea' emi egafis sese'epa alafugah ipe', esis saso' alafugah ma Ae' ea' sase'ana alafugah Anan nasapa'e afi'i wapoti'.”

Aposel 5:3

Ea' Pita na'ipana na'i, “Ananaias, ine' na'i a'e ma Satan nafi'i nawis nape si'ina ma okom ine'inai ma dei' nambaso'ma Ambal Bu'unai Godi nambaho' otamba tu'wanim ma etap anama?

Aposel 5:9

Ea' Pita na'ipakw na'i, “Dei' maina ipe' bipa pa'i basef baso'maimi pandame'mam pambaso'ma Ambal Bu'unai Dembinai? Neme'! Amam amama mefa' waulunamena ine'inai mafe' mawana, amam mafi'i maitu uta. Atuwasi mofa' ine' wapoti' nigi'mana nefe'!”

1 Korin 8:8

Ea' gwa'aimi amama ina mofa'apa mefe' felefe'ma God, owa'. I'i ape' mundaiwa'ma gwa'aimi amama, ape' ina nambimb mope awepa ma naep Godi, ea i'i mea' mafis amama, ape' ina nambimb motaga bu'upai mikila' fowa' mape, owa'. Ape' mape wafifipa ma mi'uli anama fowa'inai na'i gwa'aimi amama.

1 Tesalonaika 4:8

Basef Godi ma'i ape' ina monda' waf so'a waolanai, owa'etin. Ea' emi egafis sowa' alafugaha basef amama, ina sowa' alafugaha epes etis, owa'. Sowa' alafugaha God wapoti'. God atona nase'epa Ambal Bu'unai Ananinai.

Filemon 1:14

Ea' i'i ine' nindaiwa'ma embalo'ana nope nolome, hapainai. Ae' andaiwa'ma i'ipina. Ae' a'i ine' ni'i aho'ma okom ine'inai atoma anan nope nolome.

Jems 1:15

Ea' ukup ape'imi mohafel manda'apa manda' waf aonai. Anona nemaf waf anama aonai notaga lu'una, nonda'apa moga'.