Aposel 5:31 - Basef Buꞌwami Godi

³¹ Ea' God nofa'ana nalata ilif nahaponana nape lagel da'isinai ananinai. Ea' nape agilinai ma nigiambama ape' Israel hiapai. Anan na'i nofa'apa ma momboma opalef mila God nokwaha waf aonai ape' manda'anai.

Aposel 5:31 Iomraidhean Croise

Matyu Nandaꞌafi 1:21

Nambimb kola awani aman, awani inima anan nigiambama amam nematawa hiesi ma neakwaha waf aonai asasinai nofa'as sotanimani. Na'ama dei' ine' nenda'managel Jisas. Basef ofagema ma agel anama na'i, anan aman nofa' epes ananisi ma seape andeande'.”

Matyu Nandaꞌafi 28:18

Ea' Jisas nafi'i felefele'ma amam na'ipam na'i, “God nase'eana agel lu'unai ma pepel ilifanai etapanai ea'.

Mak Nandaꞌafi 2:10

Ae' a'i ipe' pegawa ae' ataga epen endelisiwei, la'ifiwei ma ekwahomasa waf aonai hianai amam nematawa sape etap anae' sanda'anai. Ae' a'i ihi'ambepa ae' la'ifiwei ma enda' amamaga amama.” Ea' na'ipana na'i,

Mak Nandaꞌafi 4:12

Ama anom basef mape Baibeli mandawalap ma'iam ma'i, ‘Esis nimeguf hiami sotologon, ea' ina sati anom amamaga, owa'. Ea' esis some' basef aligah asasimi, ea' ina sogawa ofagema, owa'. I'i sogawam ofagema, esis somboma opalef ma ae' ekwaha waf aonai esis sanda'anai. Owa'etin.’ ”

Luk Nandaꞌafi 2:11

Dei' nemaf anae' ano'w nemata'w kwape Betlehem wambel Deviti kola enin awani aman. Anan aman anama nokwahomepa waf aonai nofa'epa peatanimani. Anan Krais, God nandandepana nasapa'ana nafi'i, anan Dembinai.

Luk Nandaꞌafi 24:47

Ama agel ananinai anona nemaf alupusi ananisi sili' sowalapa basef Jerusalem ea' si'ipasam amam nematawa hiesi hi'ilas sape wambel hiagomai ma seamboma opalefa God nokwahomasa waf aonai esis sanda'anai.

Jon Nandaꞌafi 4:42

Ea' sa'ipa akwa'w sa'i, “Dei' ape' ina mame' basef ine'imi atom mombale'efam, owa'. Ape' mame' basefa aman anama ea' mogawa anan atona nofa' amam nematawa hiesi etapasi sotanimani.”

Aposel 11:18

Esis same' basef amama Pita na'ipasami ea' ukup mase'asa basef amama asasimi safela agel Godi sa'i, “Dei' ape' mogawa God namboma opalef esis amam nematawa owa' Judaisi ma esis wapoti' safe'ma anan sope ambagof namumi.”

Aposel 13:23

Ea' God nanda'am na'ama si'i fowa' na'iam na'i nonda'am. Ama wambota Deviti owagama God nefela Jisas, aman anama nofa' ape' Israeli.

Aposel 2:33

Dei' God nafelona nohafel nalata gani heven ilif ea' nape lagel da'isinai Godi. Anan nofa' Ambal Bu'unai Godi ma Ahalomana, si'i fowa' Ahalomana na'ipana na'i endilisi nese'ana. Amama atom dei' Jisas nase'asam esis amamaga amama dei' patolom pame'am ea'.

Aposel 2:36

Ea' dei' Pita na'iam na'ama na'i, “Dei' ape' Israel mogawa isima andeande'. Aman anama Jisas ipe' paundana lawag usi'inai tu'wanainai pahana naga', dei' God nanda'ana nataga nape dembinai anan Krais, God nandandepana nasapa'ana nafi'i.”

Aposel 2:38

Ea' Pita na'ipas na'i, “Ipe' hipei pemboma opalef ipe'imi pila God ea' ipe' hipei atona etin pefa' baptaisa agel Dembinai Jisas Krais ma God nokwaha waf aonai ipe'inai. Ipe' penda'am na'ama, nambimb God nese'epa Ambal Bu'unai Ananinai nope nolomepa.

Aposel 3:15

Aman bu'unai ofagena ma ambal namunai, anama ea' pahana naga'. Ea' God nafelona nohafel hi'agif wapoti' ea' afa' biafa wape amam ananifai owalapa basefa amama, wati anan nape namona endilisi.

Aposel 3:19

Dei' ipe' pemboma opalef pila Goda nokwahomepa waf aonai ipe' panda'anai.

Aposel 3:26

Ea' God nandandepa aman anama nanda' maol ananinai, nasapa'ana nali' nafi'mai ipe' ma nonda'epa petaga la'ifipa ma pemboma opalef atona etin pekwaha waf aonai ipe' panda'anai.”

Aposel 4:11

Basef amama mail Buk Baibeli ma aman anama ma'i, ‘Owap anama ipe' pala' ifagwi pandaiwa'mana pelefatana na'oh, dei' nandamboma nataga nape nali' nanda' ipat anama la'ifina.’

2 Korin 2:10

I'i ipe' pekwaha waf aonai enin epen nanda'anai, endilisi ae' wapoti' ekwahomanana. Waf anama aonai akwahanai okom ae'anai na'i na'ama. Ae' ina egawa okom Kraisi na'i na'imama, ea' i'i andeande'ma ae' ekwahomanana naep Kraisi, ekwahomanana endilisi ma igiambamepa pepe andeande'.

Efesus 1:7

Krais atona naga' natagahepa ma waf aonai natalepa esimbel Ananimi. Ea' nakwaha waf aonai ape' manda'anai. Anan nanda'am na'ama si'i okom Godi nainailapa endilisi ma waf nagiambamapa na'a.

Filipai 3:20

Ape' mape amam nematawa ilifapai, wambel ape'inai heven. Ea' mape mohafa Dembinai Jisas Krais anona nemaf nokwaha heven nisila'i nefa'apa motanimani.

Kolosi 1:14

Nogalomana ananinai atona natagahepa ma pepel anama ma dei' makwaha waf aonai ape' manda'anai mape wafifipa.

Taitus 1:4

Ae' anda' basef amama mafe'mago ine' Taitus. Ine' nembale'efa God na'ama etin si'i ape' hiapai mombale'efana. Amama atom dei' ine' nogalome ae'inai endilisi. Ae' a'i God ahalomapa noloma Krais Jisas anan nofa'apa motanimani, amam biam migiambamena na'a okom ine'inai nope awanena.

Taitus 2:10

Esis ina sokowalopa anom amamaga amamumi, owa'. Esis sila basef amamumi andeande'. Ama anona nemaf esis sofela agela basef amama ape' mawalapama epesi lu'um. Basef amama Godi nofa'ai ape' motanimani mope andeande'.

Taitus 2:13

Nogota anama ape' mape mohafa danifela anama lu'unai mape mohafanai. Ape' mape mohafa pepel nafifili God Dembinai ape'inai nofa'apa motanimani, anan Jisas Krais anona nemaf notaga nondawalap.

Hibrui 12:2

Naep ape'imi miti Jisas atona anan ofagonama bale'ef ape'inai, nowataniana netaga andeande'ma mombale'efana la'ifipa la'ela'ef mope. Fowa' Anan okom napoma danifela anona nemaf na'i nofa'anai, dei' naitu la'ifina. Ea' nefa' lawag usi'inai tu'wanainai naga'. Anan okom napoma nambimb nofa' nimanimi lu'wami noga' lawag anama, amama falafumi atom. Anan ina umbamahana ma ga' anama, owa'. Ea' dei' nape felefele'ma sia bu'unai Godi lagel da'isinai.

Hibrui 2:10

God anan Dembinai fowa' gani nanda' amamaga hiami mataga mape numafiama pepel Ananinai mape andeande', Ananimi atom. Ea' andeande'ma Anan na'i Jisas nefa' nimanimi nanda' eaf ma nokwahomapa waf aonai ape' manda'anai nofa'apa motanimani. God nanda'am na'ama ma nokolasa ape' hiapai nofa'apa mefe' heven miti nafifili Ananinai.

1 Pita 3:22

Anan nafe' nalata ilif otaga nape wa'ol lagel da'isinai Godi. Ea' amam ensel hiami maloma agufumi mumafi ilifi mape owina Anan atona.

2 Pita 1:1

Ae' Saimon Pita anda' maol Jisas Kraisi, anan nandandepe aposel. Ae' anda'ago basef amama ma ipe' amam nematawa pefa' bale'ef bu'unai na'ama etin si'i afa' ofa'anai. Bale'ef anama ipe' pefa'ana waf bu'unai Jisas Kraisi, Anan God ape'inai nofa'apa motanimani.

2 Pita 1:11

I'i ipe' pilam, anona nemaf God nonda' eaf nogal alihina pendanifel pefe' piwis wambel Jisas Krais Dembinai ape'inai nape la'ela'efa. Anan atona nofa'apa motanimani.

2 Pita 2:20

Emi egafis sokwaha waf aonai etapanai nanda' epes awes ma sogawa Dembinai ape'inai Jisas Krais nofa'as sotanimani, ma i'i waf anama aonai nomboma esis wapoti' ma nombale'as la'ifis, anona nemaf sope la'ela'ef na'ama. Sali' sape la'ifisa sonda' waf aonai, ata' sape awes kwaukwawie'. Ea' dei' satanima sanda' waf aonai wapoti', awes endilisi sanda' waf aonai la'ela'ef.

2 Pita 3:18

Ea' ipe' pepe pila waf anama Dembinai Jisas Krais nagiambamapa na'a nofa'apa motanimani. Ea' pitu la'ifipa ma waf anama noloma gawa anama Kraisi pikila' fowa' pali' pape panda'am. Ae' a'i agel bu'unai atona dei' la'ela'ef nopomana nefe' anona nemaf owagama wapoti'. Endilisi.

1 Jon 4:14

Ea' ape' mogawa Ahalomapa nasapa' Nogalomana ananinai ma nofa'ai epes hiesi sape etapi sotanimani ma anan. Ape' mati amamaga amama ma anan nofa'ai epes sotanimai ma'ipasam.

Basef Ifimba Jut Nandaꞌafi 1:25

Anan atona God, nefa' ape' motanimani ma lagel Dembinai ape'inai Jisas Krais. Nafifili naloma agel lu'unai pepel lu'unai naloma waf anama nape la'ifinai numafi amamaga hiami, amama ananimi atom nafi'i nafi'i nataga dei' anona nemaf owagama wapoti' nope na'ama etin la'ela'ef hihif. Ea' ma'um.