Aposel 5:3 - Basef Buꞌwami Godi

³ Ea' Pita na'ipana na'i, “Ananaias, ine' na'i a'e ma Satan nafi'i nawis nape si'ina ma okom ine'inai ma dei' nambaso'ma Ambal Bu'unai Godi nambaho' otamba tu'wanim ma etap anama?

Aposel 5:3 Iomraidhean Croise

Matyu Nandaꞌafi 13:19

Basef amama ma epes siowis kingdom heveni mape na'ama. Olelemb mowa eafi amama si'i epes isima same' basef amama, esis ina okokoma basef, owa'. Ea' Satan nafi'i nofa' basef amama God nase'asam opalef asasimi nakwahom nafe'.

Luk Nandaꞌafi 22:3

Ea' Satan nawis okom Judasi Kariotinai. Anan amam 12-peleim alupumi Jisasi.

Jon Nandaꞌafi 13:2

Ea' wambomota anan naloma alupumi mape ma' gwa'aimi amama. Ea' Saimon nogalomana Judas Kariotinai nalomam mape. Ea' aman aonai Satan nali' nafela nomonas Judasi ma nefe' nihi'amba amam naumbih ma Jisas napoma.

Jon Nandaꞌafi 13:27

Ea' ata' nahapila bret etin, aman aonai Satan nawisana okom ananinai nomon. Ea' Jisas na'ipana na'i, “Opeh ine' na'i neanda'ami, da'am mehip.”

Aposel 5:2

Ea' nofa' otamba tu'wanim atom nase'amama aposel, tu'wanim ma'oma esis. Anan nambaso'ma amam na'i otamba ea' ma'um nase'amama si'im. Waulu'mana wapoti' kogawa amama.

Aposel 5:4

Fowa' esis ata' owa' sotala etap, nogota anama ata' etap ine'inai atona. Ama dei' satalona ea', otamba ine'imi nimafiam. Dei' maina ine' okom na'i waf anama aonai? Ina nambaso'ma afa' atofa, owa'. Ine' nambaso'ma God.”

Aposel 5:9

Ea' Pita na'ipakw na'i, “Dei' maina ipe' bipa pa'i basef baso'maimi pandame'mam pambaso'ma Ambal Bu'unai Dembinai? Neme'! Amam amama mefa' waulunamena ine'inai mafe' mawana, amam mafi'i maitu uta. Atuwasi mofa' ine' wapoti' nigi'mana nefe'!”

Jems 4:7

Ea' dei' ipe' pefe' owina God. Ipe' pewa' alafugaha Satana anan nokwahipa nofa' nefe'.

1 Pita 5:8

Ipe' pimafi alop ipe'inai pindumafuma andeande'. Satan aman aonai nautamepa ipe'inai anan si'i mafin lu'unai wandafunai laion nape aolopi. Anan nafe' noga na'i mehipa na'i niti enis epes nohas nogwa'as.