Aposel 5:12 - Basef Buꞌwami Godi

¹² Amam aposel manda' pepel naninani hianai si'i God nanda'anai la'afena esis amam nematawa. Ea' epes isima hiesi sombale'efanai ukup etifim sandatama etifigin sape atogon ilaf ipat Solomoni felefele'ma ipat lu'unai Godi sanda' lotuwanai.

Aposel 5:12 Iomraidhean Croise

Mak Nandaꞌafi 16:20

Ea' alupumi Ananimi mafe' gani wambel hiagoma mawalapa basef Godi. Anan nanda'am mataga la'ifim manda' ikwaf hianai naninani si'i God nanda'anai. Enis epes sati maol anama amam manda'anai sa'i, “Endilisi, God nagiambama amam ea' ape' magawa basef Ananimi endilisimi.”]

Jon Nandaꞌafi 4:48

Ea' Jisas na'ipana na'i, “I'i ipe' hipei piti ikwaf la'ifinai si'i God atona nanda'anai, ipe' pembale'efa ae'. I'i owa', owa'etin.”

Aposel 1:14

Amam alupumi Jisasi mandatama etifigin nimeguf hiami la'ela'ef ama manda' beten maloma anowa nematawa saloma akwa'w Maria Jisas mama'wana saloma owapana Jisasi wapoti'. Esis hiesi sape sanda' beten etifigin.

Aposel 14:3

Amam biam mapani nogota launai Aikoniam ea' mawalapa basef Dembinai la'ifim alihim. Amam ina umbamaham, owa'. Ma'ipasa basefa Dembinai nandahomas endilisi nagiambamas. Ea' Dembinai nanda' amam biam mataga la'ifim manda' ikwaf la'ifinai naninani hianai. Ea' dei' esis sogawa basef amama endilisimi atom.

Aposel 16:18

La'ela'ef nemata'w akwama kwanda'am na'ama etin nimeguf hiami. Ea' Pol okom aona endilisi ma akwa'w, nandamboma na'ipa ambal anama napai'wi na'i, “Ae' a'ipina agel Jisas Kraisi, kwaho'w nemata'w akwama ea' fo'o!” Ea' dei' atef ambal anama nakwaha akwa'w ea' nafe'.

Aposel 19:11

God nagiambama Pol nanda' pepel la'ifinai hianai si'i God nanda'anai.

Aposel 2:46

Ea' esis hiesi nimeguf la'ela'ef safe' ipat lu'unai Godi sanda' lotuwanai. Ea' safe' sa' gwa'aimi ifagw asasimi atona etin. Esis sandanifel ukup bo'om sose'as gwa'aimi ma sigiambama enis epes ea' sandanifel sa' gwa'aimi etifigin.

Aposel 28:9

Amama mataga ea', enis epes sape ailan anamai hiesi awes nanda'esi safi'mai anan nanda'masa beten sataga bo'wes wapoti'.

Aposel 3:11

Aman anama nandanifel ma nataga bo'ona ea' nahapila Pita naloma Jon ea' esis sasagih safi'i ma sotolona ilaf anama sa'i ilaf Solomoni. Pita nati epes isima, na'ipas na'i, “Ipe' epes Isrel, dei' maina ipe' gegelalasipa ma amamaga amama mataga? Dei' maina ipe' pati afa' biafa? Pa'i pepel afa'inai naloma waf bu'unai afa'inai atona wanda' aman anama nataga bo'ona nohafel nafe'? Owa'.

Aposel 4:30

Ine' newamona lagof ine'imi nihi'amba esis ine' la'ifinai ma nigiambama esis awes nanda'asi sotaga bo'wes wapoti'. Ea' nenda' pepel ine'inai neloma ikwaf naninani la'ifinai ma agel Jisasi, Anan bu'unai nanda'mena maoli.”

Aposel 9:33

Ea' nati anona aman Inas. Alop bihiguf ananimi maga'ana, tol na'oh nala lehis nape nogota laona afagof 8-peleim.

Aposel 9:40

Ea' Pita nagolo'ma esis amam nematawa sawisi ande', nindiwa nembawa notawa nanda' beten. Ea' namboma amaga ananinai nafe'ma alop nemata'wi na'i, “Tabita, ine' hafel.” Ea' akwa'w naep mati kwati Pita kohafel kwape.

Basef Amama Pol Nandaꞌam Mafeꞌma Esis Romi 15:19

Ambal Bu'unai Godi nase'e pepel ananinai nanda'e la'ifiwi ma anda' ikwaf la'ifinai naninani. Epes hiesi sati maol anama ea' same' basef Godi sailam. Damba damba anda'am Jerusalem awalapa basef bu'wami ma Krais afe' laogoma hi'alagon etambili etap hiagoma Ilirikum.

2 Korin 12:12

Ae' anda' okom ae'anai la'ifina ea' anda' ikwaf la'ifinai hianai la'afena ipe', awalapai ikwaf hianai aposeli. Amama na'ama. Amama la'ifimi si'i God nanda'ami mataga hiami mamumami la'afena ipe' mandahama maol Godi. Sati pepel anama, esis gegelalasis kwapete'as. La'ifimi amama mihi'ambepa ae' aposel endilisiwei.

Hibrui 2:4

Ea' God nanda' basef amama la'ifima eaf hianai naninani. Anona eaf, nihi'ambasa ikwaf naninani hianai la'ifinai. Ea' anona eaf nanda' pepel lu'unai naninani si'i Anan atona nanda'anai. Ea' anona eaf na'ama, nihi'ambapa amamaga bu'wami Ambal Bu'unai Ananinai nase'apami, naila okom Ananinai atona nase'apam atona etin nihi'ambapa basef amama endilisimi atom.