Aposel 4:36 - Basef Buꞌwami Godi

³⁶ Ea' anona aman agel ananinai Josep amam aposel manda'mana anona agel Barnabas. Agel anama ofagena na'ama, “Epen nenda' ukup epesi la'ifim.” Anan anona Livai, aman anama ailan Saiprusinai.

Aposel 4:36 Iomraidhean Croise

Mak Nandaꞌafi 3:17

ea' Jems Sebedi nogalomana, naloma owalomana Jon, nase'ama agof wa'am Boanerges. Agel anama ofagema na'ama, nogamana otaga dililu bugalagw.

Aposel 11:30

Esis sanda'am na'ama, sasapa' Barnabas naloma Sol mofa' otamba amama mafe'ma amam agufumi mumafi esis Kristen sape Jerusalemi.

Aposel 12:25

Barnabas naloma Sol manda' maol God nase'amanai hi'alana Jerusalem ea' motanima mafe' Antiok mao'wa Jon Mak nafe' nalomam.

Aposel 13:1

Esis amam nematawa Kristen sape Antioki anom amam mawalapa basef bu'wami Godi mape. Anom profet maloma anom tisa mawalipasa basef Godi isima sembale'efanai. Agof amamumi amama. Barnabas naloma Saimon agel wa'ana Niger, Lusius, anan wambel Sairininai maloma Sol maloma Manain anan alupunai Heroti gavman dembinai.

Aposel 13:15

Ea' anona aman natalifa basefa mi'uli God naso' Mosesanai maloma basef amam profet ma'iami ea' amam agufumi Judai masapa' basef mafe'ma Pol naloma amam manda' maol etini ma'iam ma'i, “Alupipei, ipe' i'i anom basefa monda' ukup esis amam nematawai motaga la'ifim, ipe' awi kiam.”

Aposel 13:2

Esis Kristen sakwaha gwa'aimi sanda' lotuma God atona sape. Ea' Ambal Bu'unai Godi na'ipas na'i, “Ipe' pendandepa Barnabas naloma Sola maol anama ae' efalam andandepam meanda'anai.”

Aposel 13:4

Ambal Bu'unai Godi nasapa' amam biam mafe' makini' anona wambel Selusia. Ea' malata anona sip mefa'am mafe' anona ailan Saiprus.

Aposel 15:12

Pita na'iam na'ama ea' esis sandatama etifigin ina sa'i anom basef, owa'. Ea' sape same' basef Barnabas naloma Pol ma'ipasami. Amam biam mawalapa basef hiami ma God nanda'am la'ifim manda' amamaga pepel hianai ma naep esis amam nematawa owa' Judaisi.

Aposel 15:2

Amam ma'iam na'ama, manda' ukup Poli Barnabasi wandafum endilisi ma'i basef la'ifimi mandahihianamam maloma amam Judaimi. Ea' esis Kristen sandandepa Pol naloma Barnabas maloma anom amam mombale'efa Kraisi wapoti' mondowasa' Jerusalem ma'i basef amama monandonam maloma amam aposel maloma agufumi siosi.

Aposel 15:37

Ea' Barnabas na'i no'wa Jon agel wa'ana Mak nofe' nolomam. Ea' Pol nandaiwa'ma anan nofe' nolomam. Dei' main, aman anama fowa' nakwaha amam gani Pamfilia notanima nafe'. Ina nalomam etin mafe' mambefa maolan, owa'.

Aposel 15:39

Amam biam manda' migimigaha amama ea' dei' ina ata' manda' maol etifigin, owa'. Ea' Barnabas nao'wa Jon Mak nafe' nalomana malata anona sip mafe' anona ailan Saiprus.

Aposel 21:16

Ea' enis alupusi saila Jisasi Sisariaisi safe' salomafa. Esis saitumafa wafe' ipat Nasoni, anan Saiprusinai nataga Kristen fowa'inai. Anan na'i afa' atuwasi ope ipat ananinai.

Aposel 21:3

Ea' wati ailan anama Saiprus wikila'agon nape da'isinaima. Afa' wafe' wataga etap hiagoma Siria ea' wafe' wataga wail Tair. Esis sa'i sowafa hiahaom ma sip anama wambel anama.

Aposel 27:4

Afa' wakwaha Saidon wafe' ea' uf naluwi anama afa' wa'i weafe'ma. Ea' wafe' anona ailan Saiprus wa'ol uf a'agoma.

Aposel 9:27

Ea' Barnabas nao'wana mafe'ma amam aposel ea' na'ipama Sol nati Dembinai eaf ma Dembinai na'ipana basef anan. Ea' Barnabas na'ipam na'i anan la'ifina nawalapa basef na'ipasama agel Jisasi Damaskus, dei' anan ina ata' umbamahana, owa'.

1 Korin 14:3

Ea' emi egafis Ambal Godi nafelasa sa'i basef Godi si'i profet, epes isima sa'ipam sanda'am sa'ipasam sanda'as la'fisa sombale'efa Dembinai ea' sa'ipas safelasa sonda' waf bu'unai nonda' opalef asasimi awanem.

1 Korin 9:6

Ina andeande'ma ae' eloma Barnabas atofa onda' maola ofa' otamba afa'imi, ea' enis epes ipe' etipa pigiambamas pimafiasa otamba. Na'ama owa'.

Galesia 2:1

Afagof hiami 14-peleim mafe'ma ea', ae' afe' Jerusalem wapoti'. Aloma Barnabas wafe' etin. Ae' ao'wa Taitus wapoti' nafe' nalomafa.

Galesia 2:13

Enis Kristen Juda wapoti' umbamahas sakwaha esis owa' Judaisi saila Pita. Barnabas wapoti' umbamahana nanda'am na'ama etin si'i esis.

Galesia 2:9

Esis Kristen sa'i agufumi asasimi Jems naloma Jon naloma Pita. Amam mogawa God nagiambame na'a nase'e maol anama. Ea' manda'afa alupufai onda' maol atotona Godi. Ea' amam wanom ma'i aho' maso'afa lagof aloma Barnabas mihi'amba esis afa' waloma amam wape opalef etifim wanda' maol Godi atona. Ea' amam wanom ma'i aho'ma ondawalagatanima ma afa' biafa ofe' ma esis owa' Judaisi, ea' amam mafe'ma esis Juda.

Kolosi 4:10

Aristarkus anan nanda' kalabus nalome, anan wapoti' na'iago nemaf bu'unai ma ipe'. Ea' Mak wapoti', Barnabas taganamana nanda'mepago nemaf bu'unai ma ipe' wapoti'. I'i netagama ipe', pe'wanago si'i ae' a'ipipago.