Aposel 4:34 - Basef Buꞌwami Godi

³⁴ Esis sandagigiambanama etin. Ea' ina enin epen atitin la'afena esis amamaga gwa'aimi maim a'an, owa'. Esis hiesi ofagesa etapi ifagwi, esis sase'asam enis epes satalom sase'asa otamba. Ea' sofa'ai otamba amama safi'i,

Aposel 4:34 Iomraidhean Croise

Matyu Nandaꞌafi 19:21

Ea' Jisas na'ipana na'i, “I'i ine' ni'i neataga bu'winai endilisi, ine' fo'o nese'asa amamaga ine'imi ma enis epes sotalinama nefa' moni anama nenda'ana nese isima kwahusi. Nenda'am na'ama ma anona nemaf nefa' amamaga bu'wami gani ilif heven. Ea' ine' nifi'i nila ae'.”

Mak Nandaꞌafi 10:21

Ea' okom Jisasi nohafela anan nainailana, na'ipana na'i, “Ine' anona waf bu'unai atotona ata' owa' neanda'anai. Ine' fo'o nese'asa amamaga ine'imi hiami enis epes sotaluma nefa' moni anama nenda'ana neso' isima kwahusi. Nenda'am na'ama ma anona nemaf nefa' amamaga bu'wami gani heven ilif. Ea' nembale'efa ae' nila ae'.”

Luk Nandaꞌafi 12:33

Ipe' pese'asa amamaga hiami ipe'imi ma enis epes sotalomepam, ea' pefa' otamba pewalogam pese' isima kwahusi pigiambamas. Ipe' penda' maol pegolopa paos otambaimi anona nemaf owa' motaga aom. Ipe' pekolasa otamba wiga maim amamaga bu'wami atom heven ilif nemaf owa' hegilialami. Anama sakowalefi ina suwis sokowalopam, owa'. Sopafowa maim owa' meatotopa'am hiahaom, owa'.

Luk Nandaꞌafi 16:9

Ea' Jisas na'i, “Ae' a'ipipa ma moni wiga maim ma'oh etap anae', ipe' penda' enis amam nematawa sotaga alupisi ipe'isi. Ea' i'i nemaf esis sohapila wiga monianai hi'ilana, anona nemaf God nofa'epa pefe' ifagw mape ilif heveni pepe andeande' la'ela'ef hihif.

Luk Nandaꞌafi 22:35

Ea' Jisas na'ipa amam na'i, “Fowa' ae' asapa'epa pandailagof pafe', ipe' ina pefa' paos moni nalami maloma brasbeli su, owa'. Pafe' etin. Nemaf anama anom amamaga a'epa o owa'?” Amam magwam ma'i, “Owa'etin.”

Aposel 2:45

Ea' esis sombale'efanai enis sase'asa etap asasinai naloma anom amamaga asasimi mafe'ma enis epes satalamasam. Ea' sofa' otamba ma amamaga sotambel sanda'am sase' epes isima gwa'aimi a'asi kwahusi.

Aposel 4:37

Anan nase'asa etap ananinai enis epes satalona sase'ana otamba nofa'am nafi'i naso' amam aposel.

2 Korin 8:14

Dei' nogota anae' amamaga ipe'imi amama magiambama epes isima amamaga a'asi. Ama anona nemaf ipe' amamaga a'epa, amamaga asasimi motanima migiambama ipe' amamaga a'epa. Penda'am na'ama ma pepe dende'epa na'ama etin.

1 Tesalonaika 4:12

Penda'am na'ama ma pefe' andeande' naep esis isima owa' ata' somboma opalef sotaga Kristen. Ea' penda'am na'ama ma ina kwahupa anom amamaga, owa'.

1 Timoti 6:19

I'i sonda'am na'ama, andeande'ma anona nemaf sokolasa amamaga bu'wami atom migiambamas owagama gani heven. Sonda'am na'ama, sofa' ambal bu'unai endilisi.

Jems 1:27

Waf sanda' lotuwanai bo'ona andeande' ofagena a'ana naep Ahalomapa ape'inai Godi, anama na'ama. I'i enis awasi mamasas a'asi esis etis sope, o nemata'w alifi'wi akwa'w ato'w kwape kwahu'wi, ape' migiambamasa otamba gwa'aimi maim. Ea' mumafi pe ape'inai andeande' ma waf aonai etapanai ina nenda' opalef ape'imi motaga aom, owa'.