Aposel 4:31 - Basef Buꞌwami Godi

³¹ Esis sanda' betena ea', same' ipat anama sapeinai nandakoto'. Ea' Ambal Bu'unai Godi si'inama esis hiesi sataga la'ifis ea' sawalapa basef Godi. Esis ina umbamahasa amam agufumi Judai, owa'.

Aposel 4:31 Iomraidhean Croise

Matyu Nandaꞌafi 21:22

I'i ipe' pembale'ef endilisi ma penda' beten, amamaga amama ipe' panda' betena pa'i pefa'ami, nambimb ipe' pefa'am.”

Jon Nandaꞌafi 14:12

Basef endilisimi atom dei' a'ipipa. Emi egafis sembale'efa ae'i, opeh hiami dei' anda'ami, esis wapoti' anona nemaf esis sonda'am. Ama anona nemaf sonda' opeh lu'wami endilisi mikila' opeh ae'ami. Dei' main? Ae' efe'ma Ahalome.

Jon Nandaꞌafi 15:16

Ipe' ina pali' pesaho' ae' ipe'iwei, owa'. Ae' ali' andandepepa ea' ae'ipei. Ea' anda'epa panda' opeh bu'wami. Ama pefe' penda' opeh bu'wami si'i lawah mola gwa'aimi ma opeh bu'wami ipe'imi mope andeande'. Penda'am na'ama ma i'i ipe' penda' beten pihali' Ahalome ma anom amamaga agel ae'anai, anan nose'epa.

Jon Nandaꞌafi 15:7

I'i ipe' pepe ae' ma basef ae'ami mope nomona ipe', ipe' pihali' ae' ma maim basef pendahama ukup ipe'imi ma'iam, anona nemaf amamaga amama motagamepa na'ama etin.

Aposel 14:3

Amam biam mapani nogota launai Aikoniam ea' mawalapa basef Dembinai la'ifim alihim. Amam ina umbamaham, owa'. Ma'ipasa basefa Dembinai nandahomas endilisi nagiambamas. Ea' Dembinai nanda' amam biam mataga la'ifim manda' ikwaf la'ifinai naninani hianai. Ea' dei' esis sogawa basef amama endilisimi atom.

Aposel 2:1

Nemaf anama lu'unai Pentikos nataga, esis hiesi sembale'efana sandatama etifigin sape ipat atotona.

Aposel 2:2

Ea' dei' atef same' anona maf lu'unai nanda'am nafi'i heven. Maf anama name' si'i uf la'ifinai naluwi ea' ipat anama esis sapeinai si'inama maf anama.

Aposel 2:4

Ea' Ambal Bu'unai Godi nape si'inama esis atona etin hi'alas, sa'i basef Godi ma diga naninani wambel hiagoma. Ambal Bu'unai Godi anama nanda'am mataga malogof asasimi.

Aposel 4:13

Amam agufumi mati Pita naloma Jon maitu la'ifim ma'i basef amama. Ea' agufumi mogawa amam biam ina manda' skul, owa'. Amam lelaimi atom. Ea' amam agufumi ukup mohafel kwapete'am ukup matamea ma amam. Ea' mogawa amam biam ma'i fowa' mape maloma Jisas.

Aposel 4:29

Dembinai, ine' okom nepoma basef hiami wandafumi esis sa'iami ea' nigiambama afa' wanda' maol ine'inai. Nenda'am na'ama ma afa' otaga la'ififa endilisi owalapa basef ine'imi, ma afa' ina umbamahafa, owa'

Filipai 1:14

Esis sahin owan hiesi ukup mapoma ae' anda' kalabus. Ea' opalef asasimi la'ifim sape la'ifisa Dembinai, sakwaha umbamahas dei' saitu la'ifis la'ela'ef sikila' fowa' sape sawalapa basef Godi.

Filipai 1:20

Ae' okom na'i egawa endilisi nambimb ae' ina ambal aona ma ekwaha basef Godi, owa'. Dei' wapoti' ae' okom la'ifina ewalipasa basef Ananimi si'i fowa' anda'am. I'i epe namowe o ega', ae' okom na'i amamaga anda'am alop ae'anai nambimb mefela agel Kraisi lu'una.

Jems 1:5

Emi egafis gawa bu'unai a'asi, esis sonda' beten sihali' Goda nose'asana. Dei' main, Anan nase'asa amamaga hiami na'a ma epes hiesi, ina ninifalis, owa'.