Aposel 4:30 - Basef Buꞌwami Godi

³⁰ Ine' newamona lagof ine'imi nihi'amba esis ine' la'ifinai ma nigiambama esis awes nanda'asi sotaga bo'wes wapoti'. Ea' nenda' pepel ine'inai neloma ikwaf naninani la'ifinai ma agel Jisasi, Anan bu'unai nanda'mena maoli.”

Aposel 4:30 Iomraidhean Croise

Jon Nandaꞌafi 4:48

Ea' Jisas na'ipana na'i, “I'i ipe' hipei piti ikwaf la'ifinai si'i God atona nanda'anai, ipe' pembale'efa ae'. I'i owa', owa'etin.”

Aposel 2:22

Ea' Pita na'ipas wapoti' na'i, “Ipe' epes Israelipei, ipe' peme' basef amama. Dei' i'ipipa aman anama Jisas Nasaretinai. Ipe' pegawa maol ahalomana la'ifinai naloma pepel anama God nanda'anai la'afena ipe' ma lagel aman anama. Amama mihi'ambepa andeande' aman anama God nasapa'ana nafi'i.

Aposel 2:43

Nimeguf hiami God nanda' ikwaf lu'unai ma pepel hianai nataga lagof amam aposeli. Ea' amam nematawa hiesi umbamahas endilisi sape.

Aposel 3:13

God anama bafapapa ape'imi Abraham naloma Aisak naloma Jekop manda' lotumanai, anan atona nanda'ana nataga bo'ona nafela agel Jisasi, nanda' maola Anani. Anan aman anama atona ipe' pandaiwa'mana pase'ana amam agufumi gavmani ma mahana naga'. Dembinai Pailat na'i notagahona nifi'i, owa'. Ipe'pandaiwa'mana pewa' alafugahana.

Aposel 3:16

Afa' biafa ombale'efa Jisas. Anan atona nafela bale'ef afa'inai, pepel ananinai atona nanda' aman anama bo'ona naep ipe'imi hipei. Pepel Jisasi atona dei' nanda' aman anama bo'ona endilisi patolona pegawana.

Aposel 3:6

Ea' Pita na'i, “Ae' otamba siliwa gol a'e, ea' amamaga bu'wami a'i atuwasi iesi'inami amama. Ae' a'i pepel Jisas Krais Nasaretinai atona a'ipina, dei' hafel nitu nefe'.”

Aposel 4:10

Ipe' hipei peme' basef ae'ami pegawa andeande'. Esis hiesi Israel wapoti' seme'ama sogawam andeande' ma pepel agel Jisas Krais Nasaretinai atona dei' aman anama ambo'ona endilisi nohafel naitu naep ipe'imi. Jisas ipe' paundana lawag usi'inai tu'wanainai pahana afuna, ea' dei' God nafelana nohafel hi'agif wapoti'.

Aposel 4:27

Herot naloma Pontius Pailat maloma enis epes hiesi owa' Judaisi saloma esis Israel saila basef amama Deviti sanda' kolas wambel anama atona sasombala basef Jisasi, aman anama bu'unai nanda' maol ine'inai, fowa' gani nesahe'ana ea'.

Aposel 5:12

Amam aposel manda' pepel naninani hianai si'i God nanda'anai la'afena esis amam nematawa. Ea' epes isima hiesi sombale'efanai ukup etifim sandatama etifigin sape atogon ilaf ipat Solomoni felefele'ma ipat lu'unai Godi sanda' lotuwanai.

Aposel 6:8

God nandahowema Stiven nagiambamana. Ea' nanda'ana la'ifina, nanda' ikwaf la'ifinai hianai naninani la'afena esis amam nematawa.