Aposel 4:29 - Basef Buꞌwami Godi

²⁹ Dembinai, ine' okom nepoma basef hiami wandafumi esis sa'iami ea' nigiambama afa' wanda' maol ine'inai. Nenda'am na'ama ma afa' otaga la'ififa endilisi owalapa basef ine'imi, ma afa' ina umbamahafa, owa'

Aposel 4:29 Iomraidhean Croise

Aposel 13:46

Ea' Pol naloma Barnabas ina umbamaham, owa'. Amam la'ifim ma'ipasam alihim ma'i, “Endilisi, afa' ata' wi'ipipa basef Godi ipe' Juda pili'. Ea' ipe' pewa' alafugaha basef amama. Amama ipe' pa'iam pa'i, ‘Ape' mandaiwa'ma mofa' ambal namunai ma mope andeande' la'ela'ef.’ Ipe' pa'i na'ama dei' ipe' peme'. Afa' dei' okwaha ipe' ofe' ugi'ma epes owa' Judaisi wi'ipasa basef amama.

Aposel 14:3

Amam biam mapani nogota launai Aikoniam ea' mawalapa basef Dembinai la'ifim alihim. Amam ina umbamaham, owa'. Ma'ipasa basefa Dembinai nandahomas endilisi nagiambamas. Ea' Dembinai nanda' amam biam mataga la'ifim manda' ikwaf la'ifinai naninani hianai. Ea' dei' esis sogawa basef amama endilisimi atom.

Aposel 19:8

Ea' Pol nafe' nawis ipat esis Juda sa'i basef sapeinai nawalapa basef bu'wami Godi. Anan nanda'am na'ama etin nape aomb wanemb. Ina umbamahana, owa'. Anan la'ifina na'ipas. Anan naloma esis sape sa'i basef etin, na'ipasa nefela ukup asasimi ma sogawa siowis nomon wambota Godi numafias la'ela'ef.

Aposel 26:26

Ine' dembinai king negawa hi'alam amamaga amama hiami. Ea' ae' dei' awalapam a'iam ae' ina umbamahe, owa'. Ae' egawa amamaga amama hiami ina mandambaho'ma naep maloma aligah ine'imi, owa'. Ine' natolom negawam ea'. Dei' main, amamaga amama ina mataga mandambaho', owa'.

Aposel 28:31

Anan nawalapa basef bu'wami ma epes siowis wambota Godi numafias. Ea' nawalipasa basefa dembinai Jisas Krais. Anan ina umbamahana, owa'. Nawalapam na'iam alihim ea' ina enin epen nafi'i na'ipana na'i owa'.

Aposel 4:13

Amam agufumi mati Pita naloma Jon maitu la'ifim ma'i basef amama. Ea' agufumi mogawa amam biam ina manda' skul, owa'. Amam lelaimi atom. Ea' amam agufumi ukup mohafel kwapete'am ukup matamea ma amam. Ea' mogawa amam biam ma'i fowa' mape maloma Jisas.

Aposel 4:21

Ea' agufumi mowatania anom basef la'ifimi ma'ipam amam biam ma mosopama malogof, ea' makwahom mafe'. Esis hiesi safela agel God lu'una ma amamaga amama sati amam biam manda'ami. Na'ama agufumi amama Judai ina mati anom basef ofagema ma mose'ama nimanimi amam, owa'. Aman anama amam biam manda'ana nataga bo'ona, afagof ananimi mikila' 40-peleim.

Aposel 4:31

Esis sanda' betena ea', same' ipat anama sapeinai nandakoto'. Ea' Ambal Bu'unai Godi si'inama esis hiesi sataga la'ifis ea' sawalapa basef Godi. Esis ina umbamahasa amam agufumi Judai, owa'.

Aposel 9:27

Ea' Barnabas nao'wana mafe'ma amam aposel ea' na'ipama Sol nati Dembinai eaf ma Dembinai na'ipana basef anan. Ea' Barnabas na'ipam na'i anan la'ifina nawalapa basef na'ipasama agel Jisasi Damaskus, dei' anan ina ata' umbamahana, owa'.

Aposel 9:28

Ea' dei' sogawa anan wambota atona Jisasi nalomas nape la'afena esis. Anan la'ifina nanda' maol nafe' Jerusalem anama hiagoma nawalapa basefa agel Dembinai. Anan ina umbamahana, owa'.

1 Korin 14:13

Ea' epen emi na'i basefa anona diga, anan nenda' betena Goda nese'an gawa nemboma basefa diga anama.

2 Korin 3:12

Afa' wanda' maol Godi ogawa basef amama dambaimi God na'iam endilisimi atom ea' wape ohafa nahafifili anama anona nemaf notagamafa. Ea' afa' ina umbamahafa, owa'. Afa' la'ififa endilisi.

Filipai 1:14

Esis sahin owan hiesi ukup mapoma ae' anda' kalabus. Ea' opalef asasimi la'ifim sape la'ifisa Dembinai, sakwaha umbamahas dei' saitu la'ifis la'ela'ef sikila' fowa' sape sawalapa basef Godi.

1 Tesalonaika 2:2

Fowa' wali' wafe' wambel anama Filipai ea' sanda'afa aofa alop afa'inai, wame' nimanimi endilisi. Ipe' pegawa. Ea' God afa'inai nanda' opalef afa'imi la'ifim. Ea' afa' ina umbamahafa wandafa'ma esis naumbih, owa'. Afa' la'ififa wafo'o wawalapa basef bu'wami Godi ma ipe'.

2 Timoti 4:17

Ea' Dembinai numafi ae' ape nase'e pepel. Amama atom dei' awalapa basef bu'wami a'iam la'ifiwi endilisi ea' epes isima hiesi owa' Judaisi sogawa basef Godi, dei' same'am hi'alas. Ea' God nagiambame ma malogel mafin anama lu'unai laion.