Aposel 4:27 - Basef Buꞌwami Godi

²⁷ Herot naloma Pontius Pailat maloma enis epes hiesi owa' Judaisi saloma esis Israel saila basef amama Deviti sanda' kolas wambel anama atona sasombala basef Jisasi, aman anama bu'unai nanda' maol ine'inai, fowa' gani nesahe'ana ea'.

Aposel 4:27 Iomraidhean Croise

Matyu Nandaꞌafi 14:1

Nemaf anama anona aman agilinama Herot nape dembinai gavmana etap hiagoma Galili. Anan name' basefa maol bu'unai Jisas nanda'anai, ea' name' safela agel Jisasi nafe' lu'una.

Matyu Nandaꞌafi 14:3

Fowa' basef amama mape na'ama. Herot owalomana Filip waulu'mana anani'wi agili'wa Herodias. Ea' sahalomana Herot nandalombana'w. Ea' Jon na'ipa Herot na'i, “Ine' naso' nemata'w sahalomenai, ea' nawala mi'uli Godi. Na'ama ina andeande', owa'.” Ea' Herot nandaiwa'ma neali'amona'w ea' na'ipa amam soldia mombalo' Jon mofa'ana mafe' manda'ana nanda' kalabus.

Matyu Nandaꞌafi 14:6

Nafe' ma anona nemaf Herot nofala epes hiesi safi'i sandakolas etifigin nandanifela ma nemaf mama'wana kolanai. Nemaf anama Herodias nogama'w kwafi'i kwawisi nomon kwaitu kwalemb. Esis hiesi satolo'w ea' Herot nandanifela ma akwa'w na'i basef la'ifimi endilisi gani ilif na'iam na'i, “Endilisi ae' a'ipina, i'i ine' ni'ipa ae' ma ease'ena anom amamaga ae', ese'enam.”

Matyu Nandaꞌafi 21:28

“Ipe' ukup mape ma'imama? Anona aman nogamana biam. Anan nafe'ma nogalomana dambena ma na'ipana na'i, ‘Nogalome ae'inai, dei' ine' fo'o nenda' opeha aof ae'anai newa mandelef wainim.’

Matyu Nandaꞌafi 23:37

O ipe' Jerusalem, Jerusalem, ipe' paha amam profet afumi, pakwaha otamba paha amam God nasapa'am mafi'mai ipe' maga'. La'ela'ef ae' a'i ekolasa ipe' epes hipei si'i awata numa'inai nowa'ani nogami nakolasam mawis mail behenagof ananimi. Owa'etin, ipe' pandaiwa'.

Matyu Nandaꞌafi 27:2

Amam mowa'ana mofa'ana mafe' mase'ana gavman dembinai Pailat.

Mak Nandaꞌafi 10:33

Ea' na'ipam na'i, “Peme'. Dei' afa' ondowasa' Jerusalem. Ae' ataga epen endilisiwei, nambimb anona aman nowalapa ae' ma efe'ma amam pris dambami moloma amam mawalipasa mi'uli Godi ea' monda' kotimi ea' mi'i basef mondame'mam mohe ega'. Ea' monda'e efe'ma esis sololama Godi ma

Mak Nandaꞌafi 15:31

Ea' amam pris dambami maloma amam dambami mawalipasa mi'uli Godi hiami malomam maitu manda'ana findiwana ma'i, “Anan nagiambama enis epes ea' dei' ina nagiambama anan, owa'.

Luk Nandaꞌafi 1:35

Ea' ensel anama nagwama'wa basef na'i, “Ambal Bu'unai Godi nifi'mai ine', pepel God nape ilifi nose'alina. Ea' dei' awani inima nambimb nelani enin bo'wen. Ea' esis nambimb sefela agel ananinai lu'una sofalana si'i Anan Nogalomana Godi.

Luk Nandaꞌafi 22:63

Amam mumafi Jisasi manda' anan findiwana mahana.

Luk Nandaꞌafi 23:1

Ea' amam dambami hiami mohafel mofa' Jisas mafe'ma dembinai gavman Pailat.

Luk Nandaꞌafi 4:18

“Ambal bu'unai Dembinai nape ae'. Ea' nandandepe ma eawalapa basef bu'wami ma epes isima kwahusi amamaga a'ami. Nasapa'e afi'i ma ewalapa basef na'ama i'i, ‘Ipe' panda' kalabusi pekwaha kalabus pefe' wafifipa. Ipe' epes naep masi'ipei, ipe' piti andeande' wapoti'. Anan nasapa'e afi'i iegiambama isima sofa' nimanimi seape andeande'.

Luk Nandaꞌafi 9:22

Ea' na'i, “Ae' ataga epen endilisiwei nambimb efa' nimanimi lu'wami ma anom agufumi dambami moloma anom dambami pris maloma anom mawalipasa mi'uli Godi nambimb mowa' alafugaha ae', mohe ega'. Ama nimeguf biam hi'ilama anona neafe'ma wanomi, God nefele etanima ehafel wapoti'.”

Jon Nandaꞌafi 1:11

Anan nafi'i nataga ofagama etap hiagoma esis Juda, ea' epes hiesi Ananisi ina sogawana sa'i sofa'ana sembale'efana, owa'etin.

Jon Nandaꞌafi 18:28

Ea' kuhimbita atona amam Juda mofa' Jisas makwaha ipat Kaiafasi, mofa'ana mafe' ipat gavman dembinai. Ea' amam Juda ina mafe' mawis ipat anama Romi, owa'. Amam ma'i, “Na'ama mofa' alogw awami ea' ina naman mea' gwa'aimi lu'wami Pasova, owa'.”

Jon Nandaꞌafi 18:29

Amam ukup mandanda' na'ama ea' maitu ande' ea' Pailat nafi'mai amam na'i, “Aman anama ipe' pa'i penda'mana kot ma main?”

Jon Nandaꞌafi 19:34

Ea' anona soldia nanda' wamba'w napisila lambeh Jisasi wa'ol. Ea' mehip etin esimbel maloma embel kolo'alam mawisi.

Aposel 10:38

Basef amama, basef Jisas Nasaretinai. God nandandepana na'ama. Anan nase'ana Ambal Bu'unai Ananinai naloma pepel lu'unai Ananinai. Ea' nafe' wambel hiagoma ganigani nagiambama esis amam nematawa. Ea' dei' God nape nalomana nanda' epes hiesi saila pepel Satani ambo'wes wapoti'.

Aposel 2:27

Dei' main, anona nemaf ina nekwaha ambal ae'anai nefe' nepe anama epes saga'i sapoma, owa'. Ea' ina nambimb nekwaha aman anama bu'unai nanda' maol ine'inai alop ananinai folo'olana, owa'.

Aposel 4:30

Ine' newamona lagof ine'imi nihi'amba esis ine' la'ifinai ma nigiambama esis awes nanda'asi sotaga bo'wes wapoti'. Ea' nenda' pepel ine'inai neloma ikwaf naninani la'ifinai ma agel Jisasi, Anan bu'unai nanda'mena maoli.”

Hibrui 7:26

Dembinai pris anama la'ifinai endilisi ma nagiambamapa. Anan naila waf Godi bo'ona andeande', waf aonai a'ana. Anan okom bu'unai dei' nape laogona epes sanda' waf aonai. God nase'ana agel lu'unai nikila' ilif endilisi.