Aposel 4:21 - Basef Buꞌwami Godi

^21-22 Ea' agufumi mowatania anom basef la'ifimi ma'ipam amam biam ma mosopama malogof, ea' makwahom mafe'. Esis hiesi safela agel God lu'una ma amamaga amama sati amam biam manda'ami. Na'ama agufumi amama Judai ina mati anom basef ofagema ma mose'ama nimanimi amam, owa'. Aman anama amam biam manda'ana nataga bo'ona, afagof ananimi mikila' 40-peleim.

Aposel 4:21 Iomraidhean Croise

Matyu Nandaꞌafi 15:31

Ea' esis gegelalasisa sati epes isima naep mase'asi satologon, malogof mase'as sa'i, bihiguf mondola'asi ea' usi'im, bo'wagah awamisi ea' bo'om safe'. Ea' dei' esis hiesi safela agel God Israeli lu'una.

Matyu Nandaꞌafi 21:46

Ea' mape magolopa eaf mombalo'ana ea' amam umbamahama esis amam nematawa. Dei' main, esis hiesi sombale'efana la'ifis sa'i Jisas anona profet.

Matyu Nandaꞌafi 26:5

Ea' amam mandaiwa'ma meambalo'ana nemaf anama sanda' gwa'aimi amama lu'wami. Na'ama epes hiesi ukup aom ea' sohafel sonda' wandaf.

Matyu Nandaꞌafi 9:33

Jisas natofa ambal anama aonai. Na'ama dei' aman anama na'i andeande'. Ea' amam nematawa hiesi ukup matamea ma aman anama sa'i, “Fowa' ape' Israel ina mati anom amamaga amama, owa'etin.”

Matyu Nandaꞌafi 9:8

Ea' amam nematawa hiesi satolona sehafel gegelalasis umbamahas kwapete' sogawa God nagiambama aman anama nase'ana pepel lu'unai. Na'ama esis safela agel Godi lu'una.

Luk Nandaꞌafi 13:17

Jisas na'iam na'ama, nanda' esis naumbih ananisi ambagof aom kwapete'. Ea' amam nematawa hiesi sandanifel endilisi ma amamaga bu'wami la'ifimi hiami anan nanda'ami.

Luk Nandaꞌafi 20:19

Ea' amam agufumi esis Judai mogawa Anan na'i basef amama womun etini mondela'wifa amam. Ea' ma'i mombalo'ana. Ea' amam umbamahama esis amam nematawa hiesi.

Luk Nandaꞌafi 20:6

Ea' afa' wi'i, ‘Enin epen nape etapanai na'ipana’, na'ama esis amam nematawa sohafa. Dei' main, hiesi sa'i Jon anona profet dembinai.”

Luk Nandaꞌafi 22:2

Ea' amam pris maloma amam mawalipasa mi'uli Godi magolopa eafa moha Jisas neaga'. Dei' main, amam umbamahama esis amam nematawa.

Luk Nandaꞌafi 5:26

Ea' amam nematawa isima hiesi gegelalasis kwapete'as umbamahas endilisi safela agel Godi lu'una sa'i, “Dei' ape' mati anona waf dambainai fowa' owa' meatolonai.”

Aposel 4:17

Afa' wi'i basef la'ifimi ma amam biam ina ata' mi'ipasa basef wapoti' enis epesa agel anama, owa'. Na'ama basef amama mefe'agon hi'ilagona esis amam nematawa hiesi.”

Aposel 5:13

Enis amam nematawa hiesi umbamahas, ea' ina safi'i sandatama etifigin salomas, owa'. Ea' isima sape ande'i safela agof esis Kristeni sa'i esis epes bu'wasi.

Aposel 5:26

Ea' kepten naloma amam plisman mafe' mofa'ai amam aposel mafi'i. Ea' amam ina maham, owa'. Amam umbamaham ma'i, “Na'ama esis amam nematawa sokwaha otamba sohafa.”

Aposel 5:40

Ea' amam dambami Juda maila basef Gamelieli ma'i, “Afa' oham etin.” Ea' mofala amam aposel mafi'i, ma'ipa amam plismana moham. Ea' ma'ipam basef la'ifimi ma'i, “Ipe' ina ata' pi'i basef amama ma agel Jisasi wapoti', owa'.” Ea' makwaha amam mafe'.