Aposel 4:13 - Basef Buꞌwami Godi

¹³ Amam agufumi mati Pita naloma Jon maitu la'ifim ma'i basef amama. Ea' agufumi mogawa amam biam ina manda' skul, owa'. Amam lelaimi atom. Ea' amam agufumi ukup mohafel kwapete'am ukup matamea ma amam. Ea' mogawa amam biam ma'i fowa' mape maloma Jisas.

Aposel 4:13 Iomraidhean Croise

Matyu Nandaꞌafi 11:25

Nemaf anama Jisas na'iam na'ama na'i, “Ahalome, ine' Dembinai ma ilif etapi. Ine' nambaho' amamaga amama ma esis epes gawaisi sofa' gawa lu'unai, ea' nambomam nihi'ambasam epes isima gawa a'asi falafisi isima sape si'i awasi.

Matyu Nandaꞌafi 26:71

Ea' nafe' naitu indalelemb nomon felefele'ma uta, ano'w nemata'w kwatolona wapoti' kwa'ipa esis amam nematawa sape felefele' kwa'i, “Aman anama anan nape naloma Jisas Nasaretinai.”

Matyu Nandaꞌafi 26:73

Nogota bandana nafe'ma ea', anom amam maitu felefele' mafi'mai Pita ma'ipana ma'i, “Endilisi, ine' aman naloma esisi. Diga ine'inai nawalapena alihina.”

Luk Nandaꞌafi 22:8

Ea' Jisas nasapa' Pita naloma Jon na'ipam na'i, “Ipe' bipa pefe' pendondombamafa gwa'aimi amama Pasova ma afa' weagwa'am.”

Jon Nandaꞌafi 7:15

Amam agufumi Judai gegelalasom endilisi mahali'as ma'i, “Anan ina nafe'ma skul. Emi egalin nase'ana gawa anama?”

Aposel 4:14

Ea' agufumi Judai amama mati aman anama nali' bo'wagah mondala'anai dei' nataga bo'ona naitu naloma Pita naloma Jon. Ea' amam ina ma'i anom basef magwamamam amam biam, owa'.

Aposel 4:19

Ea' Pita naloma Jon magwama basef ma'i, “I'i afa' okwaha basef Godi ma ugi'ma basef ipe'imi, na'amai andeande'ma naep Godi? Ipe' ata' ukup mondanda'ma amama pegawam pewalogam.

Aposel 4:29

Dembinai, ine' okom nepoma basef hiami wandafumi esis sa'iami ea' nigiambama afa' wanda' maol ine'inai. Nenda'am na'ama ma afa' otaga la'ififa endilisi owalapa basef ine'imi, ma afa' ina umbamahafa, owa'

Aposel 4:31

Esis sanda' betena ea', same' ipat anama sapeinai nandakoto'. Ea' Ambal Bu'unai Godi si'inama esis hiesi sataga la'ifis ea' sawalapa basef Godi. Esis ina umbamahasa amam agufumi Judai, owa'.

Aposel 9:27

Ea' Barnabas nao'wana mafe'ma amam aposel ea' na'ipama Sol nati Dembinai eaf ma Dembinai na'ipana basef anan. Ea' Barnabas na'ipam na'i anan la'ifina nawalapa basef na'ipasama agel Jisasi Damaskus, dei' anan ina ata' umbamahana, owa'.

Aposel 9:28

Ea' dei' sogawa anan wambota atona Jisasi nalomas nape la'afena esis. Anan la'ifina nanda' maol nafe' Jerusalem anama hiagoma nawalapa basefa agel Dembinai. Anan ina umbamahana, owa'.

1 Korin 1:27

Ea' God okom ananinai atona nandandepa enis epesa sope Ananisi etis. Epes isima etapasi sa'i gawa a'asi, ea' God nandandepas ea' ma sonda' epes gawaisi ambagof aom. Ea' epes isima etapasi hiesi sa'i falafisi owa' la'ifisi, isima God nandandepas ea' ma sonda' epes isima dembesi la'ifisi ambagof aom.

1 Korin 14:25

Basef hiami mape mandambaho' okom ananinai, amama atuwasi motaga mondawalap alihima enin nifi'i nindiwa nembawa nitimalo' nefela agel Godi nowalapa basef na'ama ni'i, “Endilisi, God nape nalomepa.”

2 Korin 3:12

Afa' wanda' maol Godi ogawa basef amama dambaimi God na'iam endilisimi atom ea' wape ohafa nahafifili anama anona nemaf notagamafa. Ea' afa' ina umbamahafa, owa'. Afa' la'ififa endilisi.