Aposel 3:26 - Basef Buꞌwami Godi

²⁶ Ea' God nandandepa aman anama nanda' maol ananinai, nasapa'ana nali' nafi'mai ipe' ma nonda'epa petaga la'ifipa ma pemboma opalef atona etin pekwaha waf aonai ipe' panda'anai.”

Aposel 3:26 Iomraidhean Croise

Matyu Nandaꞌafi 1:21

Nambimb kola awani aman, awani inima anan nigiambama amam nematawa hiesi ma neakwaha waf aonai asasinai nofa'as sotanimani. Na'ama dei' ine' nenda'managel Jisas. Basef ofagema ma agel anama na'i, anan aman nofa' epes ananisi ma seape andeande'.”

Matyu Nandaꞌafi 15:24

Ea' Jisas nagwa basef na'ipa'w na'i, “God nasapa' ae' afi'i ma epes sape si'i sipsip higilalapi isima esis Israeli etis.”

Luk Nandaꞌafi 24:47

Ama agel ananinai anona nemaf alupusi ananisi sili' sowalapa basef Jerusalem ea' si'ipasam amam nematawa hiesi hi'ilas sape wambel hiagomai ma seamboma opalefa God nokwahomasa waf aonai esis sanda'anai.

Jon Nandaꞌafi 4:22

Ipe' panda' lotuma amamaga ipe' owa' peagawami. Ea' ape' Juda manda' lotuma amamaga ape' mogawami. Basef ofagema ma ape' manda' lotu amama. God nofa' amam nematawa setanimani, amama matagama ape' Juda atepa.

Aposel 1:8

Ea' basef ipe'imi amama. Nambimb Ambal Bu'unai Godi nifi'mai ipe', nemaf anama pefa' pepel Ananinai, pewalapa basef Ae'ami Jerusalem ea' ganima etap hiagoma Judia ea' ganima etap hiagoma Samaria, ea' pefe' anama etap wambel hiagoma hi'ilagon.”

Aposel 13:26

Ipe' sahin owan, ipe' epes hiesi pataga wambota Abrahami, enipa owa' Judaipei panda' lotuma Godi, peme'. Dei' basef amama God nasapa'am mafi'mai ape' hiapai. Basef amama ma anan nambimb nofa'apa mokwaha waf aonai motanimani.

Aposel 2:24

Ea' God nafelona nohafel wapoti' nakwaha ekep pahana ma naga'i. Dei' main, ga' anama ina la'ifina ma nombale'ana, owa'.

Aposel 2:32

Aman anama Jisas God nafelana notanima nohafel wapoti'. Ea' afa' hiafai wati amama dei' wa'iam.

Aposel 26:20

Ae' ali' awalapa basefa esis amam nematawa sape Damaskusi ea' awalapama epes sape Jerusalemi ea' awalapama esis sape etap hiagoma Judia ea' afe' awalapama isima sololama Godi wapoti'. Ae' awalapa basefa penda' maol peloma waf bu'unai nendahama epes somboma opalef sefe'ma God.

Aposel 3:13

God anama bafapapa ape'imi Abraham naloma Aisak naloma Jekop manda' lotumanai, anan atona nanda'ana nataga bo'ona nafela agel Jisasi, nanda' maola Anani. Anan aman anama atona ipe' pandaiwa'mana pase'ana amam agufumi gavmani ma mahana naga'. Dembinai Pailat na'i notagahona nifi'i, owa'. Ipe'pandaiwa'mana pewa' alafugahana.

Aposel 3:15

Aman bu'unai ofagena ma ambal namunai, anama ea' pahana naga'. Ea' God nafelona nohafel hi'agif wapoti' ea' afa' biafa wape amam ananifai owalapa basefa amama, wati anan nape namona endilisi.

Aposel 3:20

Ipe' penda'am na'ama, nambimb Dembinai nese'epa pepel namunai ma ambagof ipe'imi. Ama nambimb nosapa' Krais nofi'mai ipe'. Aman anama fowa' gani God nandandepana ma ipe' ea'i, Anan Jisas.

Aposel 3:22

Amama si'i fowa' Moses na'iam na'ama na'i, ‘God Dembinai ipe'inai, anona nemaf nefela anona sahalomepa ipe'inai, nonda'ana nope profet si'i ae'. Ipe' peme' basef ananimi hiami pilana.

Aposel 3:25

Basef Godi endilisimi atom amam profet dei' ma'ipa ipe' pembale'am pilam. Fowa' gani God na'i basef la'ifimi amama naloma bafasepa ipe'isi. Dei' basef amama mataga alihim ma migiambama ipe' wapoti'. Fowa' gani anan na'ipa Abrahama anona nemaf Jisas notaga na'i, 'Anona nemaf bafasena ine'isi etis ae' igiambamas amam nematawa hiesi sope etap hiagoma i'ipasa basef bu'wami Ae'ami.’

Basef Amama Pol Nandaꞌam Mafeꞌma Esis Romi 1:16

Ae' ina umbamahe ambal aona ewalipasa basef bu'wami Godi, owa'. Ae' embale'efa basef amama bu'wami la'ifiwi endilisi. Dei' main, amama pepel Godi nofa' emi egafis seambale'efanai sotanimani. Esis Juda sembale'efana sali' ea' ipe' hipei owa' Judaipei pagi'.

Basef Amama Pol Nandaꞌam Mafeꞌma Esis Romi 15:29

Ae' egawa nemaf anama efe'mago ipe', amamaga bu'wami Kraisi mope si'ima ae' efo'o etagamepa i'ipipam.

Basef Amama Pol Nandaꞌam Mafeꞌma Esis Romi 15:8

Ae' a'ipipa na'ama. Krais nafi'i nataga nanda' maol nape owina nagiambama esis Juda. Anan nanda'am na'ama ma nihi'ambasa God na'i basef endilisimi atom. Basef amama endilisimi atom fowa' na'iam naloma dambami bafasas akupas asasimi mandawalap alihim.

Efesus 1:3

Ape' ata' minifela Ahalomapa God, ahalomana Dembinai ape'inai Jisas Krais! Ama Krais atona anan nase'apa amamaga hiami bu'wami atom mape otaga ilifi magiambamapa ukup maloma ambagof ape'imi ma fe' pe ki ape'inai mope andeande'.

1 Pita 1:3

Ape' mefela agel Godi, Anan God Ahalomana Jisas Krais Dembinai ape'inai. Anan okom lu'unai nainailapa nati uwahipipa endilisi. Ea' nafela Jisas Krais nohafel hi'agif, amama atom God nanda'apa mataga dambaipa ma mope namepa mogawa endilisi anona nemaf Anan nofa'apa motanimani.

1 Pita 3:9

Ipe' ina pegwa waf aonai, owa'. I'i esis si'ipipa basef findiwaimi, ipe' ina pegwamasam, owa'. I'i esis sonda'mepa waf aonai, ipe' pegwamas penda'mas waf bu'unai atona pi'ipas basef bu'wami ma God nofalo'mas. Dei' main, God nofalepa ma pefa' amamaga bu'wami anona nemaf nofalo'mepa.

Basef Ifimba Jut Nandaꞌafi 1:24

Ae' a'i ape' mefela agel Godi lu'una na'ama. Anan la'ifinai ma nili'akwapa andeande'ma anona nemaf ipe' ina pewa ma waf aonai, owa'. Ama anona nemaf nofa'epa nokolasipa pepe andeande' pendanifel endilisi, ofagema ma waf aonai a'epa ma anama Anan nape nafifimagoma.