Aposel 3:25 - Basef Buꞌwami Godi

²⁵ Basef Godi endilisimi atom amam profet dei' ma'ipa ipe' pembale'am pilam. Fowa' gani God na'i basef la'ifimi amama naloma bafasepa ipe'isi. Dei' basef amama mataga alihim ma migiambama ipe' wapoti'. Fowa' gani anan na'ipa Abrahama anona nemaf Jisas notaga na'i, 'Anona nemaf bafasena ine'isi etis ae' igiambamas amam nematawa hiesi sope etap hiagoma i'ipasa basef bu'wami Ae'ami.’

Aposel 3:25 Iomraidhean Croise

Luk Nandaꞌafi 1:72

Fowa' gani anan na'i anona nemaf nieti akusapa ape'isi fowa'isi uwahipis nigiambamas. Ea' anan okom nopoma basef bu'wami fowa' gani na'iam endilisi mope owagama gani.

Aposel 13:26

Ipe' sahin owan, ipe' epes hiesi pataga wambota Abrahami, enipa owa' Judaipei panda' lotuma Godi, peme'. Dei' basef amama God nasapa'am mafi'mai ape' hiapai. Basef amama ma anan nambimb nofa'apa mokwaha waf aonai motanimani.

Aposel 2:39

Fowa' gani God na'i basef la'ifimi endilisimi atom na'i nese'epa Ambal Bu'unai Ananinai nope noloma ipe' peloma awasi ipe'isi soloma esis amam nematawa hiesi ata' sape lauguni anona nemaf sigi' seatagai. God Dembinai ape'inai na'iam ma nose'as Ambal Bu'unai Ananinai nope noloma epes isima. Epes amama atom anona nemaf Anan nofalas sotanimani.”

Basef Amama Pol Nandaꞌam Mafeꞌma Esis Romi 15:8

Ae' a'ipipa na'ama. Krais nafi'i nataga nanda' maol nape owina nagiambama esis Juda. Anan nanda'am na'ama ma nihi'ambasa God na'i basef endilisimi atom. Basef amama endilisimi atom fowa' na'iam naloma dambami bafasas akupas asasimi mandawalap alihim.

Basef Amama Pol Nandaꞌam Mafeꞌma Esis Romi 4:13

Fowa' gani God na'i basef endilisimi atom naloma Abraham na'i, “Ae' anona nemaf ese'ena etap hiagoma ine' neloma esis bafasena akusena ine'isi wapoti'.” Na'ama Abraham ina naila mi'uli anama God na'i noso' Mosesanai ma dei' na'i basef endilisimi nalomana na'ipana basef amama, ata' owa'. Abraham nali' nembale'efa God dei' nofalana epen bu'unai na'ipana basef amama.

Galesia 3:16

Fowa' gani God naloma Abraham ma'i basef la'ifim endilisimi atom bafalomana ananinai anona nemaf neataga, si'i waf ape' epes sa'i basef endilisimi atom. Basef mail Baibeli ina ma'i, “Ine' neloma bafasena ine'isi.” Owa'etin. Amama ma'i epes hiesi. Ea' basef mail Baibeli ma'i, “Ine' neloma bafalomena ine'inai.” Amama ma'i epen atotona, anan Krais.

Galesia 3:29

I'i ipe' epes Kraisi endilisi, ipe' awasi Abrahami pembale'efa Kraisa anona nemaf God nofa'epa pitanimani pepe andeande' si'i basef amama la'ifimi fowa' na'i endilisimi atom naloma Abraham ma'iami.

Galesia 3:8

Fowa' gani basef Baibelimi ma'iam alihima anona nogota owagama God nonda' esis owa' Judaisi sombale'efa anan, sotaga bo'wes ma naep ananimi. Fowa' basef Baibelimi ma'ipa Abrahama basef bu'wami Godi. Mihi'ambana ma'i, “Owagama God nonda' ine' ma nigiambama epes hiesi sape etapi sotaga bo'wes sope andeande'.”

Revelesen 14:6

Ae' ati anona ensel nufia' nafe' gani ilif. Nofa'ai basef bu'wami Godi mape la'ela'efi nanda' opeh amama ma na'ipasa basef amama esis amam nematawa hiesi sape etapi. Nawalapama epes hiesi sape kantri hiagoma gani etap hiagoma sa'i diga naninani ma alop naninani hianai.

Revelesen 5:9

Ea' manda' anona awaf dambainai na'ama ma'i, “Ine' bu'winai endilisi ma nefa'ai buk anama nahape' mandof tep anama hianai mowa'anai. Dei' main, esis sahena naga', esimbel ine'imi matala epes isima wapoti' sotanimani nase'anas God. Ine' natala esis amam nematawa hiesi hi'alasa epes hiesi wambotagw hiami mamumami, diga naninani hianai, alop naninani hianai ma epes sape etap hiagoma wambel hiagoma ma sotanimani.

Revelesen 7:9

Amamaga amama hi'alam, ae' ata' atologon wapoti' ati esis amam nematawa hiesi endilisi safi'i sondowa'anima sape. Ea' ina enin epen la'ifina niamba epes isima sataga ma'uma'wis, owa'. Esis hias endililsi. Epes isima sape etap kantri hiagoma ea' epes hiesi sape wambotagw hiami ma alop anama naninani, diga hianai naninani, isima hiesi hi'alas. Esis saitu anama God natoma balata king ma naep sipsip noganai. Sala anom luwaguf afitimi laumi, sahapila bagah lagof asasimi.