Aposel 3:22 - Basef Buꞌwami Godi

²² Amama si'i fowa' Moses na'iam na'ama na'i, ‘God Dembinai ipe'inai, anona nemaf nefela anona sahalomepa ipe'inai, nonda'ana nope profet si'i ae'. Ipe' peme' basef ananimi hiami pilana.

Aposel 3:22 Iomraidhean Croise

Matyu Nandaꞌafi 21:11

Ea' esis amam nematawa hiesi safe' salomanai sa'i, “Aman anama anona profet Jisas, aman nape wambel Nasaret nape etap hiagoma Galili.”

Luk Nandaꞌafi 13:33

Ea' dei' naman bimb ae' efe' enda' maol anama. Ina andeande'ma esis soha anona profet noga' anona wambel, owa'. Sehana noga' Jerusalem atagon.

Luk Nandaꞌafi 24:19

Anan na'iam na'ama, Jisas nahali'am na'i, “Main de'im?” Ea' ma'ipana ma'i, “Amamaga amama matagama Jisas Nasaretinai. Anan dembinai profet na'ipa esis amam nematawa basef bu'wami. Anan la'ifinai ma nawalipasa basef amama nanda' maol la'ifinai ma naep Godi naloma epes wapoti'.

Jon Nandaꞌafi 1:17

Fowa' God nase'ana mi'uli Moses ea' Moses nawalipas. Ea' Jisas Krais nikila' Moses nagiambamapa etin ma waf endilisinai.

Jon Nandaꞌafi 12:46

Ae' afi'i etap anae' si'i anona nogwapin ma emi egafis sembale'efa ae'i, esis ina sope owamb, owa'.

Jon Nandaꞌafi 5:24

Endilisi ae' a'ipipa. Emi egafis seme' basef ae'ami ma sembale'efa anan nasapa'e afi'i, isima sefa' ambal namunai ea' ma seape andeande' la'ela'ef hihif. Esis ina sanda' basef lu'wami ma kot, owa'. Esis sefa' ambal namunai nikila'a ga'.

Jon Nandaꞌafi 8:12

Ea' Jisas na'ipa amam nematawa wapoti' na'i, “Ae' si'i howalagon nafi'i etap. Emi egafis siela ae' esis ina nambimb sefe' akota eaf asasinai, owa'. Esis sope howalagoma ambal namunai nupais.”

Aposel 7:37

Moses aman anama ma'una anan na'ipa esis Israel na'i, ‘Anona nemaf God nosapa' anona sahalomepa ipe'inai nonda'ana nope profet si'i ae'.’

Basef Amama Pol Nandaꞌam Mafeꞌma Esis Romi 8:3

Maol anama mi'uli anama God fowa' naso' Mosesanai owa' la'ifina nonda'ana, God nanda'ana. Dei' main, opalef ape' epesi ina la'ifim. Dei' God nanda' maol anama na'ama. Nasapa'i Nogalomana Ananinai atona nafi'i nataga si'i ape' epes manda' waf aonai. Ama nokwahomapa waf aonai hi'alana. Anan nafi'i ma nokwaha waf aonai ape' epesi noloma nimanimi ma waf anama ea' God nase'anam mapoma anan atona. God nanda'am na'ama dei' nanda' basefa waf aonai ape' manda'anai.

Basef Amama Pol Nandaꞌam Mafeꞌma Esis Romi 9:5

Bafapapa akupapa ape'imi dambami mali'i amama ape'imi atom. Ea' esimbel ape'imi atom, Krais nataga epen, anan God nandandepana nasapa'ana nafi'i, nape nali'ma epes saloma amamaga hiami numafiam. Anan God endilisinai ea' mefela agel ananinai la'ela'ef. Endilisi.

Galesia 4:4

Ea' nogota anama God na'ianai nataga, anan nasapa' Nogalomana ananinai nafi'i etap anae'. Ano'w nemata'w kolana nataga epen nape owina mi'uli esis Juda sailanai.

Hibrui 2:1

Jisas nikila' amam ensel endilisi. Amama atom dei' ape' mombale'efa basef amama Ananimi mame'am bo'om milam endilisi. Na'ama ape' motanima mokwahom.

Hibrui 5:9

Anan nataga Nogalomana Godi bo'ona endilisi. Amama atom dei' Anan ofagonama epes saila basef ananimi mofa'as sotanimani sofa' ambal namunai sope andeande' la'ela'ef hihif.

Revelesen 1:1

Fowa' gani basef amama mape mandambaho' ea' dei' Jisas Krais nanda'am mandawalap alihim. God nase'anam Jisasa nowalapam nihi'ambapa anom manda'mana opeh Godi ma mowalapa amamaga mape mandambahi'i motaga ulal. Anan nase'e gawa afa' wanda' opeha Anan ma amamaga amama. Ea' dei' nasapa' ensel ananinai nafi'mai ae' Jon. Ae' dei' anda'mana maol Godi, ea' Anan nase'e basef amama ae' wapoti'.