Aposel 3:19 - Basef Buꞌwami Godi

¹⁹ Dei' ipe' pemboma opalef pila Goda nokwahomepa waf aonai ipe' panda'anai.

Aposel 3:19 Iomraidhean Croise

Matyu Nandaꞌafi 13:15

Dei' main, ukup amam nematawa isima mase'as endilisi, aligah asasimi mase'as ukup iwanima seame' basef. Ea' sasopama naep asasimi ma siti amamaga. I'i owa', seme' basef aligah asasimi ma sogawa basef ofagema ma ukup asasimi. Ama esis somboma opalef sila ae' ma enda'as bo'wes wapoti'. Owa'.’

Matyu Nandaꞌafi 18:3

Ea' na'ipam, “Ae' a'ipipa endilisi. Emi egafis si'i siowis kingdom heveni, ama sase'ana opalef God si'i awasi isima sa'i sase'ana opalef God, isima sanda'am na'ama anona nemaf siowis kingdom heveni. I'i owa', owa'etin.

Luk Nandaꞌafi 1:16

Anona nemaf enin netaga damben nomboma amam nematawa hiesi Israeli ma nefa'as sotanimani seafe'ma God Dembinai asasinai.

Luk Nandaꞌafi 22:57

Ea' Pita na'i, “Ehae', ae' owa'.” Anan na'i, “Nemata'w, ae' ina egawa anan, owa'.”

Aposel 1:6

Nemaf anama amam alupumi Jisasi mandatama etifigin mahali'ana ma'i, “Dembinai, a'i nambimb nogota anae' ine' nenda' ape' mofa' agof lu'wami ma motofa esis naumbih ma afa' atofa umafi wambel hiagoma afa'ima?”

Aposel 11:18

Esis same' basef amama Pita na'ipasami ea' ukup mase'asa basef amama asasimi safela agel Godi sa'i, “Dei' ape' mogawa God namboma opalef esis amam nematawa owa' Judaisi ma esis wapoti' safe'ma anan sope ambagof namumi.”

Aposel 11:21

Ea' pepel Dembinai atona nape naloma amam, amama atom dei' amam nematawa hiesi samboma opalef safi'mai Dembinai.

Aposel 15:3

Esis Kristen sasapa'am mafe' ea' mafe' la'afena etap hiagoma Fonisia naloma Samaria. Ma'ipasa basef esis Kristen sape etap anama biefina ma sogawa God namboma ukupa enis epes owa' Judaisi. Esis Kristen same' basef amama manda' esis sandanifel endilisi.

Aposel 17:26

Aman atona anan God nanda' epes amam nematawa hiesi sataga etap anae'. Ea' nanda'as sape etap hiagoma. Anan atona nanda' nimeguf ma'uma'um mandahama esis sape eti. Ea' nandandepa etap nafe' neatambela naloma wambel asasima.

Aposel 2:38

Ea' Pita na'ipas na'i, “Ipe' hipei pemboma opalef ipe'imi pila God ea' ipe' hipei atona etin pefa' baptaisa agel Dembinai Jisas Krais ma God nokwaha waf aonai ipe'inai. Ipe' penda'am na'ama, nambimb God nese'epa Ambal Bu'unai Ananinai nope nolomepa.

Aposel 28:27

Dei' main, ukup epes amam nematawa isima mase'as ea'. Ukup asasimi aoma some' basefa aligah asasimi, sasopama naep asasimi. I'i owa', esis siti amamaga ea' some' basef aligah asasimi ma ukup mopoma basef ofagema samboma opalef sotanima sifi'mai ae' ma enda' esis bo'wes wapoti', owa'.’ ”

Aposel 3:20

Ipe' penda'am na'ama, nambimb Dembinai nese'epa pepel namunai ma ambagof ipe'imi. Ama nambimb nosapa' Krais nofi'mai ipe'. Aman anama fowa' gani God nandandepana ma ipe' ea'i, Anan Jisas.

Aposel 3:21

Dei' napani heven nohafa nemaf anama God nonda' amamaga hiami motaga dambaimi wapoti'. Si'i fowa' gani na'ipipa basef Ananimi endilisimi atom ma amam profet ananimi bu'wami.

Basef Amama Pol Nandaꞌam Mafeꞌma Esis Romi 11:25

Alupipei, ae' andaiwa'ma ipe' ukup mohaga mogaola basef amama fowa' mandambahi'i dei' mandawalap alihim. Na'ama ipe' ukup mi'i ma ipe' etipa pi'i, “Ape' mogawa.” Basef amama fowa' mandambahi'i na'ama. Esis Israel opalef asasimi maso'as, ea' ina maso'as la'ela'ef mape, owa'. Mefe' mefe' mondahama nogota anama esis owa' Judaisi hiesi sifi'i sefe'ma God dende' ma ikwaf okom ananinai ma'ianai.

2 Tesalonaika 1:10

Nemaf anama Dembinai notanimani nifi'i ma amam nematawa bu'wasi ananisi sefela agel ananinai noloma howalagon ananimi, ea' amam nematawa sombale'efana sondanifela anan sefela agel ananinai. Nemaf anama ipe' wapoti' penda'am na'ama etin. Dei' main, afa' wawalapa basef Godi la'afena ipe' ea' pembale'efa basef amama endilisi.

2 Tesalonaika 1:7

Anan na'i notagaha nimanimi amama dei' ipe' pefa'ami ea' notagaha nimanimi afa'imi nonda'apa mopoma noma'w andeande'. Nonda'am nemaf anama Dembinai Jisas nokwaha heven notaga alihina nolomai nif lu'wami moloma ensel amama la'ifimi

2 Timoti 2:25

Anan nuwalipas sa'ombel nihi'amba andeande' epes isima sandaiwa'manai sosambala basef ananimi. Anan nonda' maol na'ama nigiambamas, anona nemaf somboma opalefa sogawa basef endilisimi andeande'.

Hibrui 4:1

Basef Godi la'ifim endilisi dei' ata' mape la'ela'ef. Anan na'iam na'ama na'i, “Ipe' pefe' piwis anama pepoma noma'w peloma Ae'.” Ea' ape' umbamohapa. Na'ama God niti enin epen etitin ipe'ini okom nose'an ma basef Godi nefe' higililan, owa'.

1 Pita 2:25

Esis sahambombaga alop ananinai sanda'ana melegw matomana, amama atom dei' nanda'apa bo'opa wapoti'. Fowa' ipe' pelolama eaf si'i sipsip owa' sumafiami. Ea' dei' ipe' petanima pafi'i ma Dembinai numafi ipe' paloma ambagof ipe'imi andeande' si'i anona numafi sipsipi numafiam andeande'.

2 Pita 3:8

Ipe' alupipei endilisi, ipe' owa' ukup mose'epama anom amamaga atom. Okom Dembinai na'i nemaf atotona si'i afagof hiami 1,000-peleim ea' afagof 1,000-peleim si'i nemaf atotona.

Revelesen 21:4

Anan anona nemaf nopati'masa embif hiami ma naep asasimi. Ama ina anona nemaf soga' wapoti' opalef nimanim ea' esis ina selef some' nimanimi wapoti', owa'etin. Dei' main, amamaga amama fowa'imi mafe' mowala higilalam hi'alam.”