Aposel 3:17 - Basef Buꞌwami Godi

¹⁷ Endilisi, alupipei, ae' egawa ipe' ina pegawa andeande'ma dei' panda' waf anama aonai ma Jisas, owa'. Amam agufumi ipe'imi wapoti' amam na'ama etin.

Aposel 3:17 Iomraidhean Croise

Luk Nandaꞌafi 23:13

Ea' Pailat nofalai amam pris dambami maloma agufumi esis Judai maloma esis amam nematawa hiesi safi'i sandakolas.

Luk Nandaꞌafi 23:34

Ea' Jisas na'ipa God na'i, “Ahalome, ine' nekwahomama waf aonai amam manda'meanai. Amam ina mogawa andeande' amamaga amama manda'meam ae'i, owa'.” Ea' amam soldia manda' satu ma luwaguf maim Jisasi ma emi nikila' nefa'am mandandamam atona etin.

Jon Nandaꞌafi 15:21

Esis ina sogawa Ahalome nasapa'e afi'i, owa'. Ipe' ukup mopoma agel ae'anai, ea' ae'ipei. Ea' esis saila waf etapanai sonda' amamaga awami hiami ma ipe'.

Jon Nandaꞌafi 16:3

Fowa' esis ina sogawa Ahalome naloma ae' wapoti', owa. Na'ama esis sanda' waf anama aonai.

Jon Nandaꞌafi 7:52

Ea' amam ma'ipana ma'i, “Ine' wapoti' Galilinai? Owa'etin. Ine' ata' niti basef mail Buk Baibeli ea' nitalifam. Ama nambimb neagawa ina anona profet nataga etap hiagoma Galili, owa'etin.”

Aposel 13:27

Ea' esis sape Jerusalemi saloma amam agufumi asasimi, esis ina sogawa aman anama nofa'apa motanimani, owa'. Esis ina sogawa andeande' basef amama amam profet fowa' ma'iami, owa'. Anom agufumi matalifam Sabat nimeguf hiami sapoma noma'wanai. Ea' ina sogawam, owa'. Basef amama atom mataga endilisi nemaf anama esis sanda' kotima Jisas sa'i anan aman aonai ma sahana noga'.

Aposel 22:5

Pris dembinai naloma amam agufumi hiami esis Judai mogawa andeande'ma mowalapa basef amama endilisimi. Amam mase'e pas manda'asa amam sahin owan amamisi Juda sape Damaskus, ea' ae' afe' Damaskus a'i embalo' esis sape wambel anama ewa'as sen. Ae' a'i efa' esis saila eaf anama sefe' Jerusalem sofa' nimanimi ma amam plisman mohas.

Aposel 26:9

Fowa' ae' wapoti' okom na'i ae' enda' amamaga hiami ma ehagofa agel Jisas Nasaretinai.

Aposel 28:21

Ea' amam ma'ipana ma'i, “Anom Judaimi ina manda' anom basef mafi'i ma ma'ipafa ine', owa'. Ea' ina anona aman Judainai nafi'i nape na'ipafa andeande'ma na'i anom basef awami ma ine', owa'.

Aposel 7:40

Ea' sa'ipa aman anama Aron sa'i, ‘Aman anama Moses nofa'apai Isip mafi'i, ina mogawana nafe' nape eti? Ea' ine' da'mapa anona god baso'amunai ape'inai ma anan nope numafiapa.’

Basef Amama Pol Nandaꞌam Mafeꞌma Esis Romi 11:2

Epes hiesi isima Godi anan fowa' nandandepas ea', ina nali'amonas, owa'. Ipe' pegawa basef Elaijai mail Baibeli. Elaija nanda' beten nanda' kotima esis Israela God, na'i na'ama na'i,

1 Korin 2:8

Owa' anona aman atotona agilinai ma etap anae' nogawa basefa gawa anama, owa'. I'i amam mogawana, dei' ina maunda Dembinai lawag usi'inai tu'wanainai, owa'. Anan agel lu'unai endilisi.

2 Korin 3:14

Ea' ukup asasimi mase'as endilisi. Dei' main, esis la'ela'ef satalifa basef mail Baibeli fowa' God na'i endilisimi atom. Nemaf mamana satalifa basef amama, lowaf anama wa'anai nape amaga Mosesi ata' nape la'ela'ef nasopama ukup asasimi nafi'i nafi'i nataga dei'. Ina nandatagah, owa'. Ama Krais atona, God nahape' lowaf anama.

Efesus 4:18

Gawa ma ukup asasimi si'i owamb atona. Esis sololama gawa bu'unai, satotopa' basef, opalef asasimi mase'as. Amama atom dei' sape ande' laogona ambal namunai Godi.

Filipai 1:22

I'i ata' epe namowe la'ela'ef etap anae', nambimb enda' opeh bu'wami Godi. Ea' ae' ata' ila maina eaf? Ae' ina egawa.

1 Timoti 1:13

Endilisi, fowa' la'ela'ef ae' anda' basef findiwami ma agel Ananinai, apa' aloma esis Kristen, anda' waf aonai ma Anan. Ea' ae' ina egawa andeande', owa' embale'efanai, ea' dei' anda' waf anama aonai ma anan la'ela'ef ape. Amama atom dei' nati uwahipiwi nagiambame.