Aposel 3:1 - Basef Buꞌwami Godi

¹ Nogota anama esis Kristen sanda' betenanai, Pita naloma Jon mafe' ipat lu'unai Godi ma'i monda beten. Nemaf anama ea' wambomota 3 klok.

Aposel 3:1 Iomraidhean Croise

Matyu Nandaꞌafi 17:1

Nimeguf wanom mafe'ma hi'alam, Jisas nao'wa Pita naloma Jems naloma owalomana Jon nao'wam mondowasa' anona halaf launai. Nao'wa amam atom mape.

Matyu Nandaꞌafi 26:37

Ea' anan nao'wa Pita naloma Sebedi batausana Jemsi Jon nao'wam mafe'. Ea' name' opaf ananinai nimanina kwapete' endilisi.

Matyu Nandaꞌafi 27:45

Aon nahagasom owamb lu'unai nataga naofenia etap hiagoma esis Judai akotigin nape nafe' nafe' nataga aon nandamboma nape gani 3 klok wambomota. Ea' nataga howalagon wapoti'.

Luk Nandaꞌafi 1:10

Nogota anama anan nawis naofa amamaga, esis amam nematawa hiesi sanda' lotuwi sandatama sape sanda' beten ande'.

Luk Nandaꞌafi 18:10

“Anom amam biam ma'i mofe' monda' beten ipat lu'unai Godi. Anona Farisi, anona aman nofa' takisi.

Luk Nandaꞌafi 22:8

Ea' Jisas nasapa' Pita naloma Jon na'ipam na'i, “Ipe' bipa pefe' pendondombamafa gwa'aimi amama Pasova ma afa' weagwa'am.”

Luk Nandaꞌafi 24:53

Ea' la'ela'ef sape ipat lu'unai Godi sanda' lotuwanai safela agel ananinai lu'una endilisi.

Jon Nandaꞌafi 21:7

Ae' alupuwei Jisasi anan okom nainaila ae', a'ipa Pita a'i, “Nanima Dembinai afa'inai.” Saimon Pita do'ok natagaha saket ananinai na'oh ea' nanda' maol, ea' name' basef amama nala saket wapoti' nukupa' nowala embel walemb batupa'manai nopaul nafe' embel.

Aposel 10:3

Anona nemaf wambomota aon nasa 3 klok, anan nati anom amamaga si'i na'oh nandondo'oh mape mataga alihim endilisi. Nati anona ensel Godi nafi'mai anan na'ipana na'i, “Kornilius.”

Aposel 10:30

Ea' Kornilius nagwamana na'i, “Amamaga natagama ae'i ma dei' nimeguf wenif mafe' ea', amama na'ama. Ae' ape anda' beten ipat ae'anai nogota aon nasa 3 klok. Nogota ea' na'ama etin si'i dei'. Anda' beten ape ea', ati anona aman naitu felefele'ma naep ae'ami, luwaguf maim ananimi mafifil endilisi.

Aposel 2:46

Ea' esis hiesi nimeguf la'ela'ef safe' ipat lu'unai Godi sanda' lotuwanai. Ea' safe' sa' gwa'aimi ifagw asasimi atona etin. Esis sandanifel ukup bo'om sose'as gwa'aimi ma sigiambama enis epes ea' sandanifel sa' gwa'aimi etifigin.

Aposel 3:3

Aman anama nati Pita naloma Jon ma'i mofe' muwis ipat anama, nahali' amam biam ma mose'ana anom otamba anan.

Aposel 3:4

Ea' Pita naloma Jon mati anan titi titi ea' Pita na'i, “Ine' ata' niti afa' biafa.”

Aposel 4:13

Amam agufumi mati Pita naloma Jon maitu la'ifim ma'i basef amama. Ea' agufumi mogawa amam biam ina manda' skul, owa'. Amam lelaimi atom. Ea' amam agufumi ukup mohafel kwapete'am ukup matamea ma amam. Ea' mogawa amam biam ma'i fowa' mape maloma Jisas.

Aposel 5:25

Amam mape nomonas matamea mafe', anona aman nafi'i nataga na'ipam na'i, “Peme', amam amama ipe' panda'am mape kalabusi dei' maitu nomon felefele'ma ipat lu'unai Godi ma'ipasa basef esis amam nematawa.”

Aposel 8:14

Amam aposel mape Jerusalemi mame' basefa esis Samaria sefa' basef Godi. Na'ama masapa' Pita naloma Jon mafe'ma esis.

Galesia 2:9

Esis Kristen sa'i agufumi asasimi Jems naloma Jon naloma Pita. Amam mogawa God nagiambame na'a nase'e maol anama. Ea' manda'afa alupufai onda' maol atotona Godi. Ea' amam wanom ma'i aho' maso'afa lagof aloma Barnabas mihi'amba esis afa' waloma amam wape opalef etifim wanda' maol Godi atona. Ea' amam wanom ma'i aho'ma ondawalagatanima ma afa' biafa ofe' ma esis owa' Judaisi, ea' amam mafe'ma esis Juda.